| ຫວຽດນາມ ບັນລຸໄດ້ຄວາມຄືບໜ້າຫຼາຍຢ່າງໃນເປົ້າໝາຍລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ | |
| ວົງເງິນການຄ້າຫວຽດນາມ-ລາວ ສືບຕໍ່ເພີ່ມຂຶ້ນ |
 |
| ທ່ານຮອງນາຍົກລັດຖະມົນຕີ ຫວຽດນາມ ຟ້າມບິ່ງມິງ ກ່າວຄຳເຫັນທີ່ກອງປະຊຸມ |
ຫວ່າງແລ້ວນີ້, ກ່າວຄຳເຫັນທີ່ວາລະປຶກສາຫາລືລວມຂັ້ນສູງ ສະມັດຊາໃຫຍ່ ສປຊ ຊຸດທີ 77, ທ່ານຮອງນາຍົກລັດຖະມົນຕີ ຫວຽດນາມ ຟ້າມບິ່ງມິງ ໄດ້ໃຫ້ຂໍ້ສັງເກດວ່າ ໂລກພວມຢູ່ໃນໄລຍະ “ບາດລ້ຽວຄັ້ງປະຫວັດສາດ” ເມື່ອສະພາບການສູ້ຢັນກັນ, ປະທະກັນ ແລະ ການກະທຳລະເມີດກົດໝາຍສາກົນສືບຕໍ່ເພີ່ມຂຶ້ນ. ຜົນກະທົບຈາກໂລກລະບາດໂຄວິດ - 19, ການປ່ຽນແປງຂອງດິນຟ້າອາກາດ ພ້ອມດ້ວຍສິ່ງທ້າທາຍຫຼາຍຢ່າງດ້ານຄວາມໝັ້ນຄົງແບບໃໝ່ ພວມນາບຂູ່ເຖິງການຄົງຕົວຂອງມວນມະນຸດ, ຍູ້ຖອຍຄວາມມານະພະຍາຍາມປະຕິບັດບັນດາເປົ້າໝາຍພັດທະນາແບບຍືນຍົງ (SDG).
ໃນສະພາບການນັ້ນ, ປະຊາຄົມສາກົນ ຕ້ອງມີການປ່ຽນແປງຈິນຕະນາການໂດຍພື້ນຖານ, ກຳນົດໄດ້ວິທີການສຳຜັດກັບບັນດາບັນຫາທົ່ວໂລກ, ໃນນັ້ນ ຖືມະນຸດເປັນໃຈກາງຂອງທຸກຄວາມມານະພະຍາຍາມພັດທະນາ. ທ່ານຮອງນາຍົກລັດຖະມົນຕີ ສະເໜີວ່າ ຕ້ອງລົບລ້າງທ່າອ່ຽງສູ້ຢັນກັນ, ຈິນຕະນາການ “ໄດ້ - ເສຍ”, ແທນທີ່ນັ້ນ ຕ້ອງຊຸກຍູ້ລັດທິຫຼາຍຝ່າຍ ແລະ ການຮ່ວມມືສາກົນຢ່າງເປີດເຜີຍ, ກວມລວມ, ຍຸຕິທຳ ແລະ ຕ່າງຝ່າຍຕ່າງມີຜົນປະໂຫຍດ. ຕ້ອງເຄົາລົບກົດໝາຍສາກົນ ແລະ ເຄົາລົບກົດບັດ ສປຊ. ພ້ອມດຽວກັນນັ້ນ, ຕ້ອງສ້າງກົນໄກຫຼາຍຝ່າຍໃຫ້ໝັ້ນຄົງເຂັ້ມແຂງ ແລະ ມີປະສິດທິຜົນ, ດ້ວຍບົດບາດເປັນໃຈກາງຂອງ ສປຊ, ຊຸກຍູ້ສາຍພົວພັນຄູ່ຮ່ວມມືໃນທົ່ວໂລກ, ໃນນັ້ນ ມີບົດບາດສຳຄັນຂອງບັນດາອົງການຈັດຕັ້ງພາກພື້ນ, ເພື່ອຮັບມືກັບສິ່ງທ້າທາຍລວມ.
ວີໂອວີ
