ລັດ​ຖະ​ມົນ​ຕີ​ກະ​ຊວງ​ສຶກ​ສາ ແລະ ບຳ​ລຸງ​ສ້າງ ຫວຽດ​ນາມ ຫງວຽນ​ກິມ​ເຊີນ ເຂົ້າ​ຮ່ວມກອ​ງະ​ຊຸມ​ສຸດຍອດ​ການ​ສຶກ​ສາ​ຢູ່ ອາ​ເມ​ລິ​ກາ

	ຫວຽດ​ນາມ ສ້າງ​ທຸກ​ເງື່ອນ​ໄຂ​ສະ​ດວກ​ເພື່ອ​ໃຫ້​ບັນ​ດາ​ເອກ​ອັກ​ຄະ​ລັດ​ຖະ​ທູດ ປະ​ຕິ​ບັດ​ໜ້າ​ທີ່​ທາງ​ການ​ທູດ​ຢູ່ ຫວຽດ​ນາມ ຢ່າງ​ສຳ​ເລັດ​ຜົນ ແລະ ຊຸກ​ຍູ້​ການ​ຮ່ວມ​ມື​ສອງ​ຝ່າຍ​
	ທ່ານ​ປະ​ທານ​ປະ​ເທ​ດ ຫວຽດ​ນາມ ຫງວຽນ​ຊວັນ​ຟຸກ ປາດ​ຖະ​ໜາ​ຢາກ​ໃຫ້ ບັນ​ດາ​ວິ​ສາ​ຫະ​ກິດ ສ.ເກົາຫຼີ ສືບ​ຕໍ່​ເປີດກວ້າງ​ການ​ຮ່ວມ​ມື​ຢູ່ ຫວຽດ​ນາມ

ທ່ານລັດຖະມົນຕີກະຊວງສຶກສາ ແລະ ບຳລຸງສ້າງ ຫວຽດນາມ ຫງວຽນກິມເຊີນ

ວັນທີ 19 ກັນຍາ, ຢູ່ສຳນັກງານ ສປຊ ຢູ່ ນິວຢອກ, ປະເທດ ອາເມລິກາ, ໄດ້ດຳເນີນກອງປະຊຸມສຸດຍອດຫັນປ່ຽນການສຶກສາ. ທ່ານລັດຖະມົນຕີກະຊວງສຶກສາ ແລະ ບຳລຸງສ້າງ ຫງວຽນກິມເຊີນ ໄດ້ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ. ກ່າວຄຳຫັນທີ່ກອງປະຊຸມດ້ວຍຫົວຂໍ້ “ຫັນເປັນການສຶກສາ ເພື່ອຫັນປ່ຽນໂລກ: ຮ່ຳຮຽນເພື່ອຮ່ວມດຳລົງຊີວິດຢ່າງໝັ້ນຄົງ”, ທ່ານ ລັດຖະມົນຕີ ຫງວຽນກິມເຊີນ ເນັ້ນໜັກວ່າ ໃນໄລຍະຟື້ນຟູພາຍຫຼັງ 2 ປີເກີດພະຍາດໂຄວິດ - 19, ການສຶກສາຕ້ອງເສີມຂະຫຍາຍພາລະກຳຂອງຕົນ ເພື່ອປະກອບຄວາມຮູ້ ແລະ ທັກສະ ໃຫ້ແກ່ພົນລະເມືອງໃນປັດຈຸບັນ ແລະ ອະນາຄົດ ຜ່ານຜ່າສິ່ງທ້າທາຍ ເຊິ່ງໂລກ ຕ້ອງປະເຊີນໜ້າ, ຜ່ານນັ້ນກໍ່ປະກອບສ່ວນປະຕິບັດສຳເລັດທຸກເປົ້າໝາຍພັດທະນາແບບຍືນຍົງ (SDG) ທີ່ໄດ້ວາງອອກ. ໂດຍປະກອບສ່ວນເຂົ້າໃນການປຶກສາຫາລືກ່ຽວກັບວິທີການຫັນປ່ຽນການສຶກສາແບບຍືນຍົງ, ທ່ານລັດຖະມົນຕີເນັ້ນໜັກວ່າ ຈຳເປັນຕ້ອງຮັບປະກັນຄວາມສະເໝີພາບໃນການສຳຜັດກັບການສຶກສາ ແລະ ຄຸນນະພາບການສຶກສາ, ການເຊື່ອມຕົວ ແລະ ຄວາມຍຸຕິທຳຢູ່ທຸກຊັ້ນຮຽນ ໃນໄລຍະຈະມາເຖິງ. ວິທີການ, ເນື້ອໃນການສິດສອນ ອາດຈະປ່ຽນແປງ, ແຕ່ສິ່ງສຳຄັນແມ່ນຕ້ອງຊ່ວຍໃຫ້ນັກຮຽນກຳນົດທິດຕົນເອງ, ສ້າງພື້ນຖານຢ່າງໝັ້ນແກ່ນດ້ວຍຄຸນຄ່າພື້ນຖານໃນຕະຫຼອດຊີວິດ.

ຢູ່ນອກກອງປະຊຸມ, ທ່ານລັດຖະມົນຕີ ຫງວຽນກິມເຊີນ ໄດ້ມີການພົບປະເຮັດວຽກກັບທ່ານ Miguel Cardona, ລັດຖະມົນຕີກະຊວງການສຶກສາ ອາເມລິກາ, ຜູ້ຕາງໜ້າ ທະນາຄານໂລກ (WB) ເພື່ອແລກປ່ຽນບັນດາມາດຕະການເພີ່ມທະວີການຮ່ວມມື ແລະ ການລົງທຶນໃຫ້ແກ່ການສຶກສາໃນໄລຍະຈະມາເຖິງ.