| ຊາວຫວຽດນາມ ອາໄສຢູ່ໄທ ຮັກສາຮີດຄອງປະເພນີຂອງງານບຸນເຂົ້າປະດັບດິນ | |
| ເປີດຕົວຊາຍຄາລວມຂອງປະຊາຄົມຊາວຫວຽດນາມ ອາໄສຢູ່ Malta |
 |
| ທ່ານນາງ ຫງວຽນທິບິ໊ກທ້າວ ເອກອັກຄະລັດຖະທູດຫວຽດນາມ ປະຈໍາ ຮຸງກາຣີ ມອບຂອງຂວັນໃຫ້ພວກຫຼານນັກຮຽນໃນປະຊາຄົມຊາວຫວຽດນາມ. ພາບ: ສໍານັກຂ່າວສານຫວຽດນາມ |
ບັນດາກິດຈະກໍາການເຄື່ອນໄຫວ, ເກມຫຼິ້ນຕ່າງໆແມ່ນຄຶກຄື້ນ ແລະມີຄວາມໝາຍທີ່ສຸດເຂັ້ມຂຸ້ນໄປດ້ວຍຈິດໃຈຫວຽດນາມ, ຄື: ດຶງເຊືອກ, ມ່ວນຊື່ນກັບພາສາຫວຽດ, ເຮັດກຸບ, ລາຍການສະແດງສິລະປະ... ບໍ່ພຽງແຕ່ດຶງດູດເດັກນ້ອຍເທົ່ານັ້ນ ຫາກຍັງສາມາດດຶງດູດເອົາຜູ້ໃຫຍ່ ກໍ່ຄືປະຊາຊົນຮຸງກາຣີ ເຂົ້າຮ່ວມຫຼາຍຄົນອີກດ້ວຍ. ອາຫານການກິນຫວຽດນາມ ກໍ່ມີບັນດາເຍື່ອງອາຫານພື້ນເມືອງ, ຄື: ເຂົ້າປຸ້ນຊີ້ນປີ້ງ, ແນມຈືນ, ຊາ… ໄດ້ຮັບຄວາມສົນໃຈ ແລະແມ່ນຈຸດພົ້ນເດັ່ນທີ່ສຳຄັນໃນງານບຸນ.
ເນື່ອງໃນໂອກາດນີ້, ສະມາຄົມຊາວຫວຽດນາມ ອາໄສຢູ່ ຮຸງກາຣີ ແລະຄະນະປະຕິບັດງານປະຊາຄົມສະຖານທູດຫວຽດນາມ ປະຈຳ ຮຸງກາຣີ ຍັງໄດ້ຈັດຕັ້ງພິທີຍ້ອງຍໍຊົມເຊີຍນັກຮຽນ 95 ຄົນໃນປະຊາຄົມຊາວຫວຽດນາມ ທີ່ມີຜົນງານດີເດັ່ນໃນການຮ່ຳຮຽນສົກຮຽນ 2021-2022.
ທ່ານນາງ ຫງວຽນທິບິ໊ກທ້າວ ເອກອັກຄະລັດຖະທູດຫວຽດນາມ ປະຈໍາ ຮຸງກາຣີ ໄດ້ເຂົ້າຮ່ວມງານບຸນ ແລະສົ່ງຄຳອວຍພອນໃຫ້ຫຼານນ້ອຍໝົດທຸກຄົນໃນປະຊາຄົມຊາວຫວຽດນາມ ອາໄສຢູ່ ຮຸງກາຣີ, ຫວັງວ່າ ພວກຫຼານຈະພະຍາຍາມສູ້ຊົນຮ່ຳຮຽນ ແລະເຊື່ອຟັງ, ຍາມໃດກໍ່ອວ່າຍໜ້າເມືອຫາກົກເຄົ້າເຫງົ້າກໍຂອງປະເທດຊາດ.
ງານບຸນໄຫວ້ພະຈັນປີນີ້ໄດ້ປະກອບສ່ວນເຊື່ອມຕໍ່ປະຊາຄົມຊາວຫວຽດນາມ ຢູ່ ຮຸງກາຣີ, ຊ່ວຍໃຫ້ຊາວຕ່າງປະເທດຮູ້ສຶກໄດ້ເຖິງລົດຊາດຂອງບ້ານເກີດເມືອງນອນ ແລະພວກຫຼານນ້ອຍມີຄວາມເຂົ້າໃຈບັນດາປະເພນີອັນດີງາມຂອງຊາວຫວຽດນາມ.
ກອງທັບ
