| ເພີ່ມທະວີການຮ່ວມມືກ່ຽວກັບແຮງງານ, ວຽກເຮັດງານທຳ ແລະສັງຄົມລະຫວ່າງຫວຽດນາມ ແລະສ.ເກົາຫຼີ | |
| ຫວຽດນາມ ມານະພະຍາຍາມຫັນພື້ນຖານລັດຖະການເປັນທັນສະໄໝ, ເພີ່ມທະວີການບໍລິຫານປະເທດຊາດ |
ຫວ່າງແລ້ວນີ້, ທີ່ຮ່າໂນ້ຍ, ສະມາຄົມມິດຕະພາບ ຫວຽດນາມ-ອຸດຊະເບກິດສະຖານ ໄດ້ຈັດຕັ້ງການພົບປະແລກປ່ຽນມິດຕະພາບ ເພື່ອສະ ເຫຼີມສະຫຼອງວັນສ້າງຕັ້ງການພົວພັນທາງການທູດ ຫວຽດນາມ-ອຸດຊະເບກິດສະຖານ ຄົບຮອບ 30 ປີ (1992-2022) ແລະ ວັນຊາດຂອງ ສອງປະເທດຫວຽດນາມ-ອຸດຊະເບກິດສະຖານ.
 |
| ເພີ່ມທະວີນໍ້າໃຈມິດຕະພາບລະຫວ່າງປະຊາຊົນ ຫວຽດນາມ-ອຸດຊະເບກິດສະຖານ. ພາບ: ຫວູແຄ໊ງ |
ກ່າວຄໍາເຫັນທີ່ພິທີພົບປະແລກປ່ຽນ, ທ່ານ ເລືອງຟານກື່ ປະທານສະມາຄົມ ມິດຕະພາບ ຫວຽດນາມ-ອຸດຊະເບກິດສະຖານ ເນັ້ນໜັກວ່າ, ໃນໄລຍະທາງ 30 ປີຜ່ານມາ, ການພົວພັນສອງຝ່າຍລະຫວ່າງຫວຽດນາມ ແລະ ອຸດຊະເບກິດສະຖານ ນັບມື້ນັບພັດທະນາຢ່າງຕັ້ງໜ້າໃນຫຼາຍຂົງເຂດ. ໃນຊຸມ ປີຜ່ານມາ, ສອງສະມາຄົມມິດຕະພາບຂອງຫວຽດນາມ ແລະ ອຸດຊະເບກິດສະຖານ ໄດ້ສົມທົບກັນຜັນຂະຫຍາຍຫຼາຍການເຄື່ອນໄຫວ ທີ່ມີຄວາມໝາຍແທດຈິງ ຄື: ປະຕິບັດການແລກປ່ຽນຄະນະຜູ້ແທນຢ້ຽມຢາມ ເຊິ່ງກັນແລະກັນ ແລະ ແລກປ່ຽນເນື້ອໃນການຮ່ວມມືສອງຝ່າຍເປັນປະຈໍາ; ສົມທົບກັນຈັດຕັ້ງການເຄື່ອນໄຫວສະເຫຼີມສະຫຼອງວັນສ້າງຕັ້ງການພົວພັນທາງການທູດ, ວັນຊາດຂອງອຸດຊະເບກິດສະຖານ ແລະ ຫວຽດນາມ; ເປັນຂົວເຊື່ອມຕໍ່ໃນການຊຸກຍູ້ການຮ່ວມມືລະຫວ່າງວິສາຫະກິດສອງປະເທດ; ງານວາງສະແດງຮູບພາບ, ຈັດການເສັງຊອກຮູ້ກ່ຽວກັບປະເທດ, ປະຊາຊົນ ແລະ ວັດທະນະທໍາ ຂອງອຸດຊະເບກິດສະຖານ...
ໃນໄລຍະຈະມາເຖິງ, ສະມາຄົມມິດຕະພາບ ຫວຽດນາມ-ອຸດຊະເບກິດສະຖານ ຈະຕັ້ງໜ້າສົມທົບກັບບັນດາຄູ່ຮ່ວມມືຢູ່ ອຸດຊະເບກິດສະຖານ ຍູ້ແຮງວຽກງານ ພົວພັນຕ່າງປະເທດປະຊາຊົນ, ເປັນຂົວຕໍ່, ເຊື່ອມຕໍ່ວິສາຫະກິດສອງຝ່າຍແນໃສ່ ເພີ່ມທະວີການພົບປະເພື່ອປະກອບສ່ວນຊຸກຍູ້ການຮ່ວມມືດ້ານເສດຖະກິດ, ການລົງທຶນ, ການທ່ອງທ່ຽວໃຫ້ສົມກັບຄວາມສາມາດບົ່ມຊ້ອນ, ທ່າແຮງ ແລະ ຄວາມມຸ່ງມາດປາດຖະໜາຂອງແຕ່ລະຝ່າຍ.
ບູນມີ
