 |
| ຜູ້ອຳນວຍການຝ່າຍບໍລິຫານກຸ່ມບໍລິສັດ Anam Electronics ຕາງໜ້າບັນດາວິສາຫະກິດສ.ເກົາຫຼີ ມາລົງທຶນ ຢູ່ ຫວຽດນາມ ກ່າວຄຳເຫັນ (ພາບ: TTXVN) |
ກອງປະຊຸມສຳມະນາສາກົນ “ທ່າອ່ຽງການລົງທຶນຢູ່ຫວຽດນາມ ໃນສະພາບປົກກະຕິໃໝ່” ໄດ້ດຳເນີນໄປໃນວັນທີ 18 ສິງຫາ ຢູ່ ສ.ເກົາຫຼີ, ໂດຍມີຜູ້ຕາງໜ້າວິສາຫະກິດ ແລະ ນັກລົງທຶນກວ່າ 150 ຄົນ ມາຈາກ ສ.ເກົາຫຼີ ທີ່ປາດຖະໜາຢາກມາລົງທຶນໃນຂົງເຂດຕ່າງໆຢູ່ຫວຽດນາມ. ເຫດການດັ່ງກ່າວໂດຍບໍລິສັດໃຫຍ່ Viglacera ຫວຽດນາມ ສົມທົບກັບສະຖານທູດຫວຽດນາມ ປະຈຳ ສ.ເກົາຫຼີ, ກະຊວງແຜນການ ແລະ ການລົງທຶນ ຫວຽດນາມ, ທະນາຄານອຸດສາຫະກຳ ສ.ເກົາຫຼີ (IBK), ບໍລິສັດທີ່ປຶກສາດ້ານກົດໝາຍ Bae, Kim & Lee LLC ຈັດຕັ້ງໃນໂອກາດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ ແລະ ສ.ເກົາຫຼີ (1992-2022).
ຜູ້ຕາງໜ້າບັນດາວິສາຫະກິດທີ່ເຂົ້າຮ່ວມກອງປະຊຸມໄດ້ຮັບຟັງບົດລາຍງານ “ທ່າອ່ຽງການລົງທຶນຢູ່ ຫວຽດນາມ ໃນສະພາບປົກກະຕິໃໝ່” ຂອງທ່ານ ຟ້າມວຽດຕວນ, ເລຂາເອກ ຮັບຜິດຊອບດ້ານຊຸກຍູ້ການລົງທຶນ, ສະຖານທູດ ຫວຽດນາມ ປະຈຳ ສ.ເກົາຫຼີ; “ນະໂຍບາຍການລົງທຶນໃໝ່ຂອງຫວຽດນາມ” ໂດຍທະນາຍຄວາມ Bhan Jung-hyun ຈາກບໍລິສັດທີ່ປຶກສາດ້ານກົດໝາຍ Bae, Kim & Lee LLC ແລະ “ເສດຖະກິດຫວຽດນາມ ແລະ ຕະຫຼາດແລກປ່ຽນເງິນຕາຕ່າງປະເທດ” ໂດຍຮອງຜູ້ອໍານວຍການໃຫຍ່ທະນາຄານອຸດສາຫະກຳ ສ.ເກົາຫຼີ (IBK) Kim Kyeong-yul...
ເກົາຫຼີ ແມ່ນຄູ່ຮ່ວມມື FDI ໃຫຍ່ທີ່ສຸດຂອງຫວຽດນາມ ນັບທັງຍອດຈຳນວນທຶນຈົດທະບຽນ ແລະ ຈຳນວນໂຄງການລົງທຶນດ້ວຍເກືອບ 10.000 ໂຄງການ ແລະ ຍອດຈຳນວນທຶນຈົດທະບຽນ 80 ຕື້ USD. ວົງເງິນການຄ້າສອງຝ່າຍລະຫວ່າງຫວຽດນາມ ແລະ ສ.ເກົາຫຼີ ໃນປີ 2021 ບັນລຸ 78,1 ຕື້ USD, ໃນປີ 2022 ອາດຈະບັນລຸ 90 ຕື້ USD.
ບຸນຄົງ
