ໂດຍຕອບຄຳສະເໜີຂອງໜັງສືພິມເສດຖະກິດ Dunya News - ໜັງສືພິມເສດຖະກິດແຖວໜ້າຢູ່ ຕວກກີ, ທ່ານເອກອັກຄະລັດຖະທູດ ຫວຽດນາມ ປະຈຳ ຕວກກີ ໂດ໊ເຊີນຫາຍ ໃຫ້ສຳພາດກ່ຽວກັບການຮ່ວມມືດ້ານເສດຖະກິດ, ການຄ້າ ສອງຝ່າຍລະຫວ່າງ ຫວຽດນາມ - ຕວກກີ.
 |
| ທ່ານເອກອັກຄະລັດຖະທູດ ໂດ໊ເຊີນຫາຍ. ພາບຖ່າຍໜ້າຈໍ: baoquocte.vn |
ຕະຫຼາດຫວຽດນາມ ພວມໄດ້ຮັບຄວາມສົນໃຈຈາກປະຊາຄົມວິສາຫະກິດ ແລະ ບັນດາອົງການການຄ້າຕວກກີ, ປາດຖະໜາຢາກຊອກຫາກາລະໂອກາດຮ່ວມມື, ຖື ຫວຽດນາມ ແມ່ນປະຕູເພື່ອເຂົ້າເຖິງຕະຫຼາດ ອາຊຽນ ເວົ້າລວມ ແລະ ຫວຽດນາມ ເວົ້າສະເພາະ.
ທີ່ການສໍາພາດ, ທ່ານເອກອັກຄະລັດຖະທູດ ໂດ໊ເຊີນຫາຍ ເນັ້ນໜັກວ່າ, ສອງປະເທດມີທ່າແຮງບົ່ມຊ້ອນໃຫຍ່ຫຼວງຫຼາຍຢ່າງໃນການຮ່ວມມື, ພົ້ນເດັ່ນແມ່ນຂົງເຂດປ່າໄມ້, ສິນໃນນໍ້າ, ຕໍ່າແຜ່ນຕັດຫຍິບ, ເຄມີ, ເຕັກໂນໂລ ຊີສູງ, ພະລັງງານ, ພື້ນຖານໂຄງລ່າງ ແລະ ອຸດສາຫະກຳປ້ອງກັນຊາດ.
ເຖິງຢ່າງໃດກໍຕາມ, ເພື່ອຫັນບັນດາຄວາມສາມາດບົ່ມຊ້ອນດັ່ງກ່າວເປັນລະອຽດ, ສອງປະເທດຕ້ອງມານະພະຍາຍາມກວ່າອີກໃນທຸກຂັ້ນ ແລະ ທຸກພາກສ່ວນ, ພິເສດແມ່ນເພີ່ມທະວີຄວາມເຂົ້າໃຈກ່ຽວກັບຕະຫຼາດຂອງກັນ, ເຊື່ອມໂຍງວິສາຫະກິດຂອງທັງສອງຝ່າຍ.
ປີ 2017 ເປັນຂີດໝາຍປະຫວັດສາດຂອງການຄ້າຫວຽດນາມ - ຕວກກີ, ເມື່ອວົງເງິນການຄ້າສອງສົ້ນບັນລຸ 3,2 ຕື້ USD, ເຮັດໃຫ້ຫວຽດນາມ ເປັນຄູ່ຮ່ວມມືໃຫຍ່ອັນດັບສອງຂອງຕວກກີໃນບັນດາປະເທດສະມາຊິກອາຊຽນ, ຖັດຈາກມາເລເຊຍ. ພະຍາດໂຄວິດ-19 ໄດ້ສົ່ງຜົນກະທົບຕໍ່ການຄ້າສອງຝ່າຍ. ປີ 2021, ວົງເງິນການຄ້າສອງປະເທດຈະບັນລຸພຽງ 1,6 ຕື້ USD. ຮອດປີ 2022, ຕົວເລກນີ້ສະແດງໃຫ້ເຫັນສັນຍານຟື້ນຕົວ, ບັນລຸກວ່າ 2 ຕື້ USD.
ບູນມີ
