ງານວາງສະແດງຜະລິດອຸດສາຫະກໍາສາກົນ - Vietnam Manufacturing (VME) ໄດ້ໄຂຂຶ້ນຢ່າງເປັນທາງການໃນຕອນເຊົ້າວັນທີ 10 ສິງຫາ ຢູ່ຫໍວັດທະນະທຳມິດຕະພາບຫວຽດນາມ-ໂຊຫວຽດ ເຮືອນເລກທີ 91 ເຈີ່ນຮຶງດ່າວ, ເມືອງ ຮວ່ານກ໋ຽມ, ຮ່າໂນ້ຍ ດ້ວຍຫຼາຍການເຄື່ອນໄຫວໜູນຊ່ວຍວິສາຫະກິດປັບປຸງເຕັກໂນໂລຊີ, ເປີດກວ້າງຕະຫຼາດ ແລະ ເຂົ້າເຖິງກາລະໂອກາດດໍາເນີນທຸລະກິດສາກົນ, ເຂົ້າຮ່ວມໃນລະບົບຕ່ອງໂສ້ການສະໜອງທົ່ວໂລກ.
 |
| ງານວາງສະແດງ VME: ຂົວຕໍ່ທີ່ຊ່ວຍໃຫ້ວິສາຫະກິດເຂົ້າຮ່ວມລະບົບ ຕ່ອງໂສ້ການສະຫນອງ. ພາບ: vietnamplus.vn |
ງານວາງສະແດງໄດ້ຮັບການໜູນຊ່ວຍຈາກສະມາຄົມຫັນເປັນອັດຕະໂນມັດຫວຽດນາມ, ສະມາຄົມອຸດສາຫະກຳໜູນຊ່ວຍຫວຽດນາມ ແລະ ມີຮ້ານວາງສະແດງທີ່ມາຈາກ 10 ກວ່າປະເທດ ແລະ ເກືອບ 200 ເຄື່ອງໝາຍການຄ້າເຕັກໂນໂລຊີ ແລະ ກົນຈັກອຸປະກອນ, ອຸປະກອນໃນຂົງເຂດເຕັກໂນໂລຊີ, ອຸດສາຫະກຳໜູນຊ່ວຍຢູ່ບັນດາຮ້ານວາງສະແດງ ແລະ ຮ້ານຄ້າທີ່ມາຈາກຍີ່ປຸ່ນ, ອາເມລິກາ, ສ.ເກົາຫຼີ, ຈີນ, ໄຕ້ຫວັນ (ຈີນ), ສິງກະໂປ, ໄທ, ເຢຍລະມັນ, ອິນເດຍ ...
ງານວາງສະແດງ VME ເພື່ອແນໃສ່ຮັບໃຊ້ປະຊາຄົມວິສາຫະກິດຜະລິດໃນຂະແໜງກົນຈັກ ແລະ ເຄື່ອງອາໄຫຼ່, ອຸດສາຫະກຳໜູນຊ່ວຍ, ຊ່ວຍໃຫ້ບັນດາວິສາຫະກິດຍາດແຍ່ງກາລະໂອກາດເຂົ້າຮ່ວມຢ່າງເລິກເຊິ່ງກວ່າອີກໃນລະບົບຕ່ອງໂສ້ການສະໜອງ.
ງານວາງສະແດງ VME ປີນີ້ໄດ້ຈັດຂຶ້ນເປັນເວລາ 3 ວັນ (ແຕ່ວັນທີ 10-12 ສິງຫາ) ດ້ວຍຫຼາຍກິດຈະກຳເຊັ່ນ: ສະແດງເຕັກໂນໂລຊີ, ສິ່ງທ້າທາຍດ້ານ ການປະກອບຕິດຕັ້ງສໍາລັບວິສະວະກອນ, ການສະແດງການອັບເດດເຕັກໂນໂລຊີ ແລະ ພິເສດແມ່ນສອງຊຸດຝຶກອົບຮົມໄລຍະສັ້ນກ່ຽວກັບ “ການຜະລິດທີ່ຍອດຍິ່ງ ແລະ ກະທັດຮັດ”.
ບູນມີ
