ໃນລະຫວ່າງວັນທີ 10 ສິງຫາ ຫາວັນທີ 6 ກັນຍາ, ກຸ່ມນັກຟ້ອນຕຸກກະຕານ້ຳ ສັງກັດສະຖາບັນຄົ້ນຄວ້າອະນຸລັກຮັກສາ ແລະ ເສີມຂະຫຍາຍວັດທະນະທຳ ແຫ່ງຊາດ, ໂດຍນັກສິລະປິນ ຟານແທງລຽມ ນຳໜ້າໄປສະແດງ ແລະ ພົບປະແລກປ່ຽນຢູ່ ສ.ເກົາຫຼີ. ນີ້ແມ່ນການເຄື່ອນໄຫວໃນຂອບເຂດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ສ.ເກົາຫຼີ (1992-2022).
 |
| ສິລະປະຕຸກກະຕານ້ຳ ຫວຽດນາມ. ພາບ: baoquocte.vn |
ຕາມແຜນການແລ້ວ, ນັກສິລະປິນຈະມີການສະແດງ 20 ຄັ້ງຢູ່ ສ.ເກົາຫຼີ, ດ້ວຍເວລາ 50 ນາທີຕໍ່ຄັ້ງ, ຢູ່ 4 ນະຄອນ ຄື: Seoul, Gyungju, Yungduk, Chuncheon. ເຂົ້າຮ່ວມການສະແດງກັບນັກສິລະປິນ ຟານແທງລຽມ ມີນັກສິລະປິນ ຟານວັນແກ໊ງ, ຟານວັນຟອງ: ດັ້ງວັນເບ່ນ. ນີ້ແມ່ນຄັ້ງທີ 5 ທີ່ນັກສິລະປິນ ຟານແທງລຽມ ໄດ້ຮັບການເຊີນມາຍັງ ສ.ເກົາຫຼີ ເພື່ອໂຄສະນາສິລະປະຟ້ອນຕຸກກະຕານ້ຳ, ນັບແຕ່ຄັ້ງທຳອິດໃນປີ 2003.
ໃນການສະແດງ ແລະ ທ່ອງທ່ຽວຢູ່ ສ.ເກົາຫຼີ, ນັກສິລະປິນ ຟານແທງລຽມ ພ້ອມດ້ວຍຄະນະ ຈະນຳມາໃຫ້ຜູ້ຊົມບັນດາລາຍການສະແດງລະຄອນຕຸກກະຕານ້ຳພື້ນເມືອງຄື: ລຸງເຕ, ຟ້ອນມັງກອນ, ຟ້ອນສິງໂຕ, ຟ້ອນຟີນິນ, ແລະການຕໍ່ສູ້ກັບຄວາຍ, ໄຖນາ. ນີ້ແມ່ນບັນດາລາຍການສະແດງທີ່ຕື່ນເຕັ້ນ ແລະ ໄດ້ດູດດື່ມກັບວັດທະນະທຳໝູ່ບ້ານຊາວຫວຽດນາມ. ພ້ອມກັບການສະແດງຕຸກກະຕານ້ຳ, ນັກສິລະປິນຟານແທງລຽມ ກໍ່ໄດ້ມີການພົວພັນ ແລະ ໂອ້ລົມກັບຜູ້ຊົມກ່ຽວກັບຮູບແບບສິລະປະພື້ນເມືອງທີ່ເປັນເອກະລັກສະເພາະນີ້.
ຕາມນັກສິລະປິນ ຟານແທງລຽມ ແລ້ວ, ໃນການເດີນທາງກ່ອນນີ້, ມີຜູ້ຊົມຈາກປະເທດກິມຈິມາຊົມເປັນຈຳນວນຫຼວງຫຼາຍ ແລະ ໄດ້ສະແດງຄວາມສົນໃຈຕໍ່ສິລະປະຂັບຕຸກກະຕານ້ຳຂອງຫວຽດນາມ. ພິເສດ, ການສະແດງຂອງເພິ່ນໄດ້ດຶງດູດຄວາມສົນໃຈຂອງຫລາຍຄອບຄົວວັດທະນະທຳຫວຽດນາມ - ສເກົາຫຼີ. ເຈົ້າສາວຫວຽດນາມ ຢູ່ ສ.ເກົາຫຼີ ຫຼາຍຄົນໄດ້ມາເບິ່ງມັນພ້ອມທັງຄອບຄົວ ແລະ ມີຄວາມຕື່ນຕາຕື່ນໃຈໄດ້ແນະນຳໃຫ້ຜົວ ແລະ ລູກຂອງເຂົາເຈົ້າກ່ຽວກັບຮູບແບບສິລະປະທີ່ເປັນເອກະລັກສະເພາະທີ່ມີພຽງແຕ່ຫວຽດນາມເທົ່ານັ້ນ.
ບູນມີ
