| ຄ້າຍລະດູແລ້ງຫວຽດນາມ 2022: ສະໜິດຕິດພັນໄວໜຸ່ມຊາວຫວຽດນາມ ອາໄສຢູ່ຕ່າງປະເທດກັບບ້ານເກີດເມືອງນອນ | |
| ບັນດາປະເທດ ແມ່ຂອງ - ລ້ານຊ້າງ ເພີ່ມທະວີການຮ່ວມມືເພື່ອການພັດທະນາແບບຍືນຍົງ |
 |
| ຕາງໜ້ສບັນດາປະເທດເຂົ້າຮ່ວມກອງປະຊຸມ MGC. ພາບ: ກະຊວງການຕ່າງປະເທດ |
ກອງປະຊຸມໄດ້ເຫັນດີເປັນເອກະພາບຍູ້ໄວການປະຕິບັດແຜນການກະທໍາ MGC ໄລຍະ 2019 – 2022, ໃນນັ້ນ ບຸລິມະສິດເພີ່ມທະວີການເຊື່ອມຕໍ່ຕາເວັນອອກ - ຕາເວັນຕົກ,ພິເສດແມ່ນເສັ້ນທາງດ່ວນ ອິນເດຍ - ມຽນມາ - ໄທ ໄປຍັງ ກໍາປູເຈຍ, ລາວ ແລະ ຫວຽດນາມ.
ຖັດຈາກນັ້ນແມ່ນການພັດທະນາແຫຼ່ງຊັບພະຍາກອນມະນຸດກ່ຽວກັບດ້ານໄອທີ, ການຫັນເປັນດີຈີຕອນ ແລະ ການປ່ຽນໃໝ່ຫົວຄິດປະດິດສ້າງ, ວິທະຍາສາດກ້າວໜ້າ; ການເອົາໃຈໃສ່ປັບປຸງລະບົບການແພດສາທາລະນະ, ການຄົ້ນຄ້ວາ ແລະ ພັດທະນາວັກຊິນ, ການຢາ ແລະ ອຸປະກອນການແພດ; ການເພີ່ມທະວີຄວາມເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນບັນດາປະເທດ MGC ໂດຍຜ່ານບັນດາການກິດຈະກໍາວັດທະນະທຳ, ການທ່ອງທ່ຽວ, ສື່ມວນຊົນ, ກິລາ ແລະ ພັດທະນາແຫຼ່ງຊັບພະຍາກອນມະນຸດ.
ຄະນະ ຫວຽດນາມ ໄດ້ສະເໜີການຮ່ວມມື MGC ໄລຍະຫຼັງໂລກລະບາດໂຄວິດ - 19, ດ້ວຍການເອົາໃຈໃສ່ 4 ໝວດບັນຫາ. ພິເສດແມ່ນຟື້ນຟູເສດຖະກິດ, ໜູນຊ່ວຍວິສາຫະກິດຂະໜາດກາງ, ນ້ອຍ ແລະ ຈຸນລະວິສາຫະກິດ (MSME) ເຂົ້າຮ່ວມລະບົບສະໜອງທົ່ວໂລກ; ຫັນເປັນດີຈີຕອນ, ສຸມໃສ່ພັດທະນາພື້ນຖານໂຄງລ່າງໄອທີ, ຜ່ານນັ້ນກໍພັດທະນາການທ່ອງທ່ຽວແບບທັນສະໄໝ; ເພີ່ມທະວີກຳລັງຄວາມສາມາດດ້ານການແພດສາທາລະນະ, ຮັບປະກັນສິດສຳຜັດກັບວັກຊິນ, ການແພດ ແລະ ອຸປະກອນການແພດໃຫ້ຍຸຕິທຳ ແລະ ຍືນຍົງ, ແບ່ງປັນຂໍ້ມູນ ແລະ ປະສົບການໃນການຄຸ້ມຄອງຊັບພະຍາກອນນ້ຳແບບຍືນຍົງ, ໂດຍສະເພາະແມ່ນການຄຸ້ມຄອງແມ່ນ້ຳຂ້າມແດນຢ່າງມີປະສິດທິຜົນ ແລະ ສະເໝີພາບ, ເຕືອນໄພລ່ວງໜ້າກ່ຽວກັບໄພທຳມະຊາດໂດຍໄວ.
ຫອມມາລາ
