| ເພີ່ມພູນຄູນສ້າງສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງ ຫວຽດນາມ-ລາວ | |
| ເພີ່ມທະວີນ້ຳໃຈມິດຕະພາບ, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ - ລາວ |
ກ່າວຄຳເຫັນທີ່ນີ້, ທ່ານຮອງເອກອັກຄະລັດຖະທູດ ລາວ ປະຈຳ ຫວຽດນາມ ຈັນທະພອນ ຄຳມະນີຈັນ ຢືນຢັນວ່າ: ປະຈຸບັນ, ລາວ ໄດ້ຄືແນວນັ້ນ ແມ່ນຍ້ອນການຊ່ວຍເຫຼືອອັນໃຫຍ່ຫຼວງຂອງປະຊາຊົນ ຫວຽດນາມ ເວົ້າລວມ ແລະ ປະຊາຊົນແຂວງ ບັກຢາງ ເວົ້າສະເພາະ. ແຂວງ ບັກຢາງ ຍັງເປັນບ່ອນບຳລຸງສ້າງພະນັກງານຫຼັກແຫຼ່ງລາວ ໃນສະໄໝສົງຄາມຕໍ່ສູ້ ແລະ ປະຈຸບັນ ມີຫຼາຍຄົນຖືຕໍາແໜ່ງສໍາຄັນຂອງພັກ ແລະ ລັດຖະບານລາວ.
 |
| ທ່ານຮອງເອກອັກຄະລັດຖະທູດ ລາວ ປະຈຳ ຫວຽດນາມ ຈັນທະພອນ ຄຳມະນີຈັນ. (ພາບ: TTXVN) |
ການສ້າງຕັ້ງການພົວພັນທາງການທູດໃນວັນທີ 5 ກັນຍາ 1962, ການລົງນາມໃນສົນທິສັນຍາມິດຕະພາບ ແລະ ການຮ່ວມມືລະຫວ່າງສອງປະເທດໃນວັນທີ 18 ກໍລະກົດ 1977 ໄດ້ຢືນຢັນຄວາມສາມັກຄີແບບພິເສດ, ສະເໝີຕົ້ນສະເໝີປາຍ, ການຮ່ວມມື, ສະໜັບສະໜູນ, ເພີ່ມທະວີສາຍພົວພັນແບບພິເສດລະຫວ່າງ ລາວ-ຫວຽດນາມ, ແມ່ນພື້ນຖານນິຕິກຳອັນໜັກແໜ້ນ ເພື່ອແນໃສ່ເພີ່ມທະວີ ແລະ ເປີດກວ້າງການພົວພັນແບບພິເສດລະຫວ່າງ 2 ປະເທດໃນໄລຍະໃໝ່. ປາດຖະໜາວ່າ ການພົວພັນຮ່ວມມືລະຫວ່າງ ແຂວງ ບັກຢາງ ກັບ ແຂວງ ໄຊສົມບູນ ຂອງລາວ ຈະນັບມື້ນັບແໜ້ນແຟ້ນ ແລະ ແທດຈິງ, ນຳມາເຊິ່ງຜົນປະໂຫຍດ ໃຫ້ທັງສອງຝ່າຍ, ພ້ອມກັນນັ້ນ ກໍເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ ແລະ ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ລາວ ແລະ ຫວຽດນາມ.
ໃນຂອບເຂດການພົບປະ, ບັນດາຜູ້ແທນໄດ້ເຂົ້າຮ່ວມກອງປະຊຸມສຳມະນາ ກ່ຽວກັບສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ. ເນື່ອງໃນໂອກາດນີ້, ສະມາຄົມມິດຕະພາບຫວຽດນາມ - ລາວ ແຂວງ ບັກຢາງ ໄດ້ມອບຂອງຂວັນໃຫ້ນັກຮຽນລາວ 5 ຄົນ; 10 ບຸກຄົນໄດ້ຮັບການຍ້ອງຍໍ ແລະ ມອບລາງວັນ ຍ້ອນມີການປະກອບສ່ວນຫຼາຍຢ່າງ ໃຫ້ແກ່ການພົວພັນມິດຕະພາບທີ່ເປັນມູນເຊື້ອ ໃນການສ້າງສາຍພົວພັນທາງການທູດ ຫວຽດນາມ - ລາວ.
ຄຳຮຸ່ງ
