 |
| ບັນດາຜູ້ແທນເຂົ້າຮ່ວມກອງປະຊຸມຄັ້ງທຳອິດປີ 2022 ຂອງຄະນະປະສານງານເຊື່ອມຕໍ່ອາຊຽນ (ພາບ: TTXVN)) |
ກອງປະຊຸມໄດ້ຮັບຮູ້ ແລະ ຕີລາຄາສູງຄວາມກ້າວໜ້າໃນການຜັນຂະຫຍາຍ 5 ຂົງເຂດຍຸດທະສາດ ແລະ 14/15 ຂໍ້ລິເລີ່ມຂອງແຜນການສັງລວມເຊື່ອມຕໍ່ອາຊຽນ 2025 (MPAC 2025).
ສິ່ງທີ່ເປັນໜ້າສົນໃຈນັ້ນແມ່ນ ໂຄງການ “ຕີລາຄາກ່ຽວກັບບັນດາທ່າອ່ຽງພື້ນຖານໂຄງລ່າງແບບຍຶນຍົງໃນອະນາຄົດ ແລະ ບັນດາສິ່ງບຸລິມະສິດຂອງ ອາຊຽນ ຫຼັງໂຄວິດ - 19” ຕ້ອງມີເວລາຕື່ມອີກ ເພື່ອຜັນຂະຫຍາຍ, ຄາດວ່າຈະສຳເລັດໃນເດືອນກໍລະກົດ ປີ 2022, ລາຍງານການຕີລາຄາກ່ຽວກັບຄວາມສາມາດໃນການຊອກຫາວຽກເຮັດງານທຳຂອງນັກສຶກສາພາຍຫຼັງຮຽນຈົບຢູ່ບັນດາປະເທດ ອາຊຽນຄາດວ່າຈະສຳເລັດໃນເດືອນກັນຍາ ປີ 2022.
ກອງປະຊຸມກໍ່ໄດ້ປຶກສາຫາລຶກ່ຽວກັບການກະກຽມບົດລາຍງານຄວາມກ້າວໜ້າປະຈຳປີຄັ້ງທີ 4 ຂອງ MPAC 2025 ແລະ ວຽກງານຈັດຕັ້ງກອງປະຊຸມທ້າຍປີ ຂອງ ACCC ລວມມີ 4ກອງປະຊຸມໃນເດືອນກັນຍາ 2022 ຢູ່ກຳປູເຈຍ.
ໃນໄລຍະຈະມາເຖິງ, ອາຊຽນຈະສຸມໃສ່ແຫຼ່ງກຳລັງ, ຂົນຂວາຍບັນດາຝ່າຍຄູ່ຮ່ວມມືເຂົ້າຮ່ວມໜູນຊ່ວຍ, ຊຸກຍູ້ບັນດາໂຄງການໃນບັນດາຂົງເຂດຍຸດທະສາດ.
ລະອຽດ, ອາຊຽນ ຈະໃຫ້ບຸລິມະສິດການຈັດຕັ້ງປະຕິບັດ ຫຼື ສືບຕໍ່ປະຕິບັດໝາກຜົນຂອງບັນດາໂຄງການກ່ຽວກັບການຕີລາຄາອະນາຄົດຂອງພື້ນຖານໂຄງລ່າງແບບຍືນຍົງ ແລະ ບຸລິມະສິດຫຼັງໂລກລະບາດ, ສ້າງຖານຂໍ້ມູນເສັ້ນທາງການຄ້າ, ສ້າງວັດຈະນານຸກົມກ່ຽວກັບ Open Data ອາຊຽນ, ເພີ່ມທະວີການພັດທະນາພື້ນຖານດີຈີຕອນຂອງອາຊຽນ, ກໍ່ສ້າງຕົວເມືອງໃນຍຸດທະສາດຫັນເປັນສ້າງຕົວເມືອງແບບຍືນຍົງຂອງອາຊຽນ, ຍົກສູງການບຳລຸງສ້າງການສອນວິຊາຊີບ ແລະ ພັດທະນາຊັບພະຍາກອນມະນຸດອາຊຽນໃນໄລຍະໃຫມ່.
ນອກຈາກນັ້ນ, ກອງປະຊຸມຍັງໄດ້ເນັ້ນໜັກເຖິງຄວາມຈຳເປັນໃນການສືບຕໍ່ເພີ່ມທະວີການຊຸກຍູ້ ແລະ ເຜີຍແຜ່ຂໍ້ມູນຂ່າວສານກ່ຽວກັບເນື້ອໃນ ແລະ ຜົນປະໂຫຍດຂອງ MPAC 2025 ແລະ ສືບຕໍ່ຊຸກຍູ້ຍຸດທະສາດການສື່ສານ MPAC 2025 ໃນເຄິ່ງທີສອງຂອງປີ 2022.
ກອງປະຊຸມຍັງໄດ້ເຫັນດີເປັນເອກະພາບກ່ຽວກັບຄວາມຈຳເປັນຕ້ອງແຈ້ງ ແລະ ຊຸກຍູ້ການເຂົ້າຮ່ວມຂອງບັນດາອົງການພິເສດຂອງອາຊຽນ ໃນການປະຕິບັດໂຄງການ MPAC 2025, ເພີ່ມທະວີກົນໄກປະສານງານ, ເຊື່ອມໂຍງການປະຕິບັດ MPAC 2025 ກັບບັນດາປະເທດອາຊຽນ. ພາກພື້ນ ແລະ ບັນດາປະເທດຄູ່ຮ່ວມມືຂອງອາຊຽນ.
ບຸນຄົງ
