| ຄ້າຍພັກແລ້ງ ຫວຽດນາມ 2022: ພ້ອມກັນດຳເນີນຢູ່ 9 ແຂວງ, ນະຄອນໃນທົ່ວປະເທດ | |
| ລາງວັນ U19 ອາຊີຕາເວັນອອກສ່ຽງໃຕ້ 2022: U19 ຫວຽດນາມ ແລະ U19 ໄທ ສະເໝີກັນ ພ້ອມກັນເຂົ້າຮອບຊີງຮອງຊະນະເລີດ |
 |
| ພິທີໄຂງານວາງສະແດງ (ພາບ: ແອັງເຊີນ) |
ສະຖານທູດ ອີຣານ ປະຈຳຫວຽດນາມ ຫາກໍ່ສົມທົບກັບອົງການວັດທະນະທຳ ແລະ ການພົວພັນອິດສະລາມ ອີຣານ, ຫໍພິພິທະພັນຊົນເຜົ່າວິທະຍາ ຫວຽດນາມ ຈັດຕັ້ງການໄຂງານວາງສະແດງ “ມໍລະດົກສິລະປະອີຣານ, ຕົ້ນກຳເນີນຂອງພື້ນຖານອະລິຍະທຳ”.
ທີ່ພິທິ, ທ່ານ ເອກອັກຄະລັດຖະທູດ ອີຣານ ປະຈຳ ຫວຽດນາມ ໃຫ້ຮູ້ວ່າ: ງານວາງສະແດງໄດ້ຈັດຕັ້ງໃນຈຸດເວລາ ສອງປະເທດ ພວມມຸ່ງໄປເຖິງການສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ໃນປີ 2023. ງານວາງສະແດງເຮັດໃຫ້ມະຫາຊົນມີຄວາມເຂົ້າໃຈຢ່າງເລິກເຊິ່ງກ່ວາອີກ ກ່ຽວກັບຄວາມພົ້ນເດັ່ນຂອງມໍລະດົກສີລະປະອີຣານ, ຕົ້ນກຳເນີນຂອງພື້ນຖານອະລິຍະທຳ, ປະຫວັດຄວາມເປັນມາ ແລະ ຄວາມອຸດົມສົມບູນຂອງວັດທະນະທຳທີ່ເປັນມູນເຊື້ອ ອີຣານ, ພ້ອມທັງຊຸກຍູ້ການພົວພັນແລກປ່ຽນວັດທະນະທຳ ລະຫວ່າງ ອີຣານ ແລະ ຫວຽດນາມ.
ແຂກທ່ອງທ່ຽວເຂົ້າຢ້ຽມຊົມງານວາງສະແດງໄດ້ຮັບຊົມຊຸດສະສົມທີ່ດີເດັ່ນ ເຫັນໄດ້ການປະສານປະສົມຢ່າງກົມກຽວລະຫວ່າງບັນດາເຄື່ອງຫັດຖະກຳທີ່ມີຄຸນຄ່າ ແລະ ບັນດາພາບຖ່າຍທີ່ໄດ້ຮັບການສະສົມຈາກເຂດຕ່າງໆຢູ່ອີຣານ ໂດຍແມ່ນບ້ານເກີດເມືອງນອນຂອງບັນດາພື້ນຖານອະລິຍະທຳທີ່ຍິ່ງໃຫຍ່ ແລະ ຍາວນານມີ່ສຸດໃນໂລກ.
ງານວາງສະແດງຈະເປີດປະຕູແຕ່ ເວລາ 8 ໂມງ 30 ນາທີ ຫາເວລາ 17 ໂມງ 30ນາທີ ທຸກວັນ ຍົກເວັ້ນວັນຈັນ, ເລີ່ມແຕ່ວັນທີ 13 ກໍລະກົດ ຫາວັນທີ 31 ກໍລະກົດຢູ່ຫໍພິພິທະພັນຊົນເຜົ່າວິທະຍາ ຫວຽດນາມ (ຕາແສງເງິຍໂດ, ເມືອງເກົ່າເຢິຍ, ນະຄອນຮ່າໂນ້ຍ).
ບຸນຄົງ
