 |
| ພາບປະກອບ: bienphong.com.vn |
ໂຄງການ “ແສງສະຫວ່າງເຂດຊາຍແດນ” ໂດຍກອງບັນຊາການທະຫານປ້ອງກັນຊາຍແດນ ແຂວງກ໋ວາງນາມ ປຸກລະດົມ ແລະ ຈັດຕັ້ງປະຕິບັດ ໄດ້ ແລະ ພວມປະກອບສ່ວນນຳແສງສະຫວ່າງມາຍັງບ້ານຕ່າງໆຢູ່ເຂດຊາຍແດນຫວຽດນາມ - ລາວ.
ລະອຽດແມ່ນ, ທະຫານປ້ອງກັນຊາຍແດນກ໋ວາງບິ່ງ ໄດ້ສົມທົບກັບອຳນາດການປົກຄອງທ້ອງຖິ່ນ, ກຳລັງທີ່ມີໜ້າທີ່ຮັບຜິດຊອບປະຕິບັດຫຼາຍໂຄງການ, ກິດຈະກຳເພື່ອແນໃສ່ຍົກສູງຊີວິດການເປັນຢູ່ຂອງປະຊາຊົນທີ່ຕັ້ງຖີ່ນຖານຄົງທີ່ຢູ່ເຂດຊາຍແດນໃນແຂວງ. ພົ້ນເດັ່ນຄື: ໂຄງການປູກຕົ້ນເຂົ້າຢູ່ຕາແສງ ເທື້ອງຮ່ວາ, ເຢິນຮວາ (ເມືອງ ມິງຮວາ), ຕາແສງ ກິມຖຸຍ (ເມືອງເລະຖຸຍ)... ໄດ້ຊ່ວຍໃຫ້ຊາວເຜົ່າຮ່າຍີ່ ຢູ່ທ້ອງຖິ່ນ ມີອາຫານກິນກຸ້ມຕົນເອງ. ບໍ່ພຽງແຕ່ໜູນຊ່ວຍປະຊາຊົນພັດທະນາການຜະລິດ, ສ້າງການຫາເງິນລ້ຽງຊີບແບບຍືນຍົງ, ນັບແຕ່ປີ 2019 ມາຮອດປັດຈຸບັນ, ທະຫານປ້ອງກັນຊາຍແດນແຂວງກ໋ວາງບິ່ງ ກໍໄດ້ຜັນຂະຫຍາຍກໍ່ສ້າງໂຄງການ “ນຳແສງສະຫວ່າງມາຍັງເຂດຊາຍແດນ” ມອບໃຫ້ປະຊາຊົນຢູ່ໝູບ້ານ, ເຂດຊຸມຊົນຢູ່ຊາຍແດນ.
ພະນັກງານ, ນັກຮົບບັນດາກົມກອງຂອງທະຫານປ້ອງກັນຊາຍແດນກ໋ວາງບິ່ງ ໄດ້ຫັກເງິນເດືອນໜຶ່ງວັນ, ເງິນອຸດໜູນ, ຮຽກຮ້ອງແຫຼ່ງທຶນຈາກສັງຄົມສ້າງງົບປະມານ ແລະ ເຂົ້າຮ່ວມການຜັນຂະຫຍາຍກໍ່ສ້າງບັນດາໂຄງການ. ຕາມແຕ່ລະເງື່ອນໄຂຂອງແຕ່ລະທ້ອງຖິ່ນ, ທະຫານປ້ອງກັນຊາຍແດນຈະຜັນຂະຫຍາຍກໍ່ສ້າງໂຄງການ “ນຳແສງສະຫວ່າງມາຍັງເຂດຊາຍແດນ” ດ້ວຍລະບົບຕາໜ່າງໄຟຟ້າ ແລະ ດ້ວຍດອກໄຟນຳໃຊ້ພະລັງແສງຕາເວັນ.
ພາຍຫຼັງການຜັນຂະຫຍາຍມາເປັນເວລາ 3 ປີ, ມາຮອດປັດຈຸບັນ, ທະຫານປ້ອງກັນຊາຍແດນແຂວງກ໋ວາງບິ່ງໄດ້ລະດົມແຫຼ່ງກຳລັງກໍ່ສ້າງ 78 ໂຄງການ ດ້ວຍສາຍໄຟຟ້າທີ່ຍາວປະມານ 75 ກີໂລແມັດ ມອບໃຫ້ປະຊາຊົນເຂດຊາຍແດນ. ລະບົບໄຟຟ້າ ໂດຍທະຫານປ້ອງກັນຊາຍແດນກໍ່ສ້າງຢູ່ບັນດາໝູ່ບ້ານເຂດຊາຍແດນ ອັນໄດ້ສ້າງພາບພົດຊົນນະບົດໃໝ່ດ້ວຍສີສັນທີ່ສວຍສົດງົດງາມກ່ວາ, ປະກອບສ່ວນເພີ່ມທະວີການປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍໃນບໍລິເວນ.
ບຸນຄົງ
