 |
| ທ່ານຮອງປະທານ ເລຂານຸການໃຫຍ່ VUFO ຟານແອັງເຊີນ ພ້ອມກັບຄະນະປະສານການໜູນຊ່ວຍປະຊາຊົນ (PACCPM) ມອບຂອງຂວັນ, ຖ່າຍຮູບເປັນທີ່ລະນຶກໃຫ້ແກ່ຄະນະການນຳຂັ້ນສູງ World Vision |
World Vision ຕ້ອງມີຄວາມເອົາໃຈໃສ່ກ່ວາອີກຕໍ່ເດັກນ້ອຍ ຫວຽດນາມ ທີ່ປະສົບກັບຄວາມຫຍຸ້ງຍາກ ນັ້ນແມ່ນໜຶ່ງໃນບັນດາຂໍ້ສະເໜີຂອງທ່ານ ຟານອັງເຊີນ, ຮອງປະທານ - ເລຂານຸການໃຫຍ່ ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ (VUFO), ຮອງຫົວໜ້າຄະນະປະຕິບັດງານກ່ຽວກັບອົງການບໍ່ຂຶ້ນກັບລັດຖະບານຕ່າງປະເທດ (COMINGO) ທີ່ການຕ້ອນຮັບຄະນະການນຳຂັ້ນສູງຂອງອົງການ World Vision International (WVI/ ອາເມລິກາ) ໃນຕອນບ່າຍວັນທີ 11 ກໍລະກົດ.
ທີ່ການພົບປະ, ຜູ້ຕາງໜ້າ WVI ໃຫ້ຮູ້ວ່າ: ພວມຜັນຂະຫຍາຍຍຸດທະສາດດຳເນີນງານໄລຍະ 2023-2027 ເພື່ອແນໃສ່ພັດທະນາສາຍພົວພັນຮ່ວມມືລະຫວ່າງ WVI ກັບບັນດາຄູ່ຮ່ວມມື, ສືບຕໍ່ຍົກສູງປະສິດທິຜົນຂອງບັນດາໂຄງການ, ປະກອບສ່ວນພັດທະນາແບບຍືນຍົງຢູ່ຫວຽດນາມ.
ຍຸດທະສາດໃໝ່ຄາດວ່າຈະສຸມໃສ່ 4 ຂົງເຂດຄື: ການປົກປ້ອງເດັກ ແລະ ການມີສ່ວນຮ່ວມຂອງເດັກ; ສຸຂະພາບ ແລະ ໂພຊະນາການ; ປັບປຸງຊີວິດການເປັນຢູ່, ຫຼຸດຜ່ອນຄວາມສ່ຽງໄພພິບັດ, ຮັບມືກັບການປ່ຽນແປງຂອງດິນຟ້າອາກາດ; ການສ້າງຄວາມເຂັ້ມແຂງຂອງຊຸມຊົນບົນພື້ນຖານເດັກນ້ອຍເປັນໃຈກາງ.
ທ່ານ ຟານແອັງເຊີນ ຮອງປະທານ VUFO, ເລຂານຸການໃຫຍ່ ໃຫ້ຮູ້ວ່າ: ອົງການຕ້ອງຕິດຕາມບັນດາບຸລິມະສິດຂອງ ຫວຽດນາມ ຢ່າງໃກ້ຊິດ, ເປັນຕົ້ນແມ່ນບັນດາລັກສະນະ ແລະ ສະພາບການພັດທະນາເສດຖະກິດ - ສັງຄົມຂອງແຕ່ລະທ້ອງຖິ່ນ, ແຕ່ລະເຂດ, ແຕ່ລະກຸ່ມເປົ້າໝາຍເພື່ອມີວິທີທີ່ເໝາະສົມ ແລະ ມີປະສິດທິຜົນ; ເອົາໃຈໃສ່ເຖິງກຸ່ມເດັກນ້ອຍທີ່ປະສົບກັບຄວາມຫຍຸ້ງຍາກທີ່ສຸດ, ເດັກກຳພ້າຍ້ອນພະຍາດໂຄວິດ-19 ຢູ່ເຂດຫ່າງໄກສອກຫຼີກ ແລະ ຕົວເມືອງ; ສຸມໃສ່ສ້າງແຜນການລະອຽດ, ເລືອກເຟັ້ນບັນດາບໍລິເວນ, ຂົງເຂດ, ວັດຖຸ ແລະ ເນື້ອໃນສະໜັບສະໜູນໃຫ້ເໝາະສົມ, ຫຼີກລ່ຽງການຊ້ອນແຝງ, ພິເສດແມ່ນບັນດາຕົວແບບ ແລະ ຂໍ້ລິເລີ່ມທີ່ມີລັກສະນະຄ້າຍຄືກັນກັບບັນດາໂຄງການໜູນຊ່ວຍຂອງບັນດາອົງການ, ອົງການຈັດຕັ້ງ, ຜູ້ອຸປະຖຳ.
ບຸນຄົງ
