ຄະນະກິລາກອງທັບເຂົ້າຮ່ວມແຂ່ງຂັນກິລາມິດຕະພາບກອງທັບ ລາວ - ມຽນມາ ຄັ້ງທີ 3

ໃນຕອນເຊົ້າຂອງວັນທີ 7 ຕຸ ລາ 2019 ນີ້, ຄະນະນັກກີລາກອງ ທັບປະຊາຊົນລາວ ເຊິ່ງນຳໂດຍ ທ່ານ ພົນຈັດຕະວາ ພັນແສງ ບຸນ ພັນ ຫົວໜ້າກົມອົບຮົມ, ກົມໃຫຍ່ ເສນາທິການກອງທັບ ໄດ້ເດີນ ທາງຈາກນະຄອນຫຼວງວຽງຈັນ ເຖິງນະຄອນຫຼວງເນປີດໍ ສສ ມຽນມາ ເພື່ອເຂົ້າຮ່ວມການແຂ່ງ ຂັນກີລາມິດຕະພາບ ລະຫວ່າງ ກອງທັບປະຊາຊົນລາວ ກັບກອງ ທັບ ສາທາລະນະລັດສະຫະພາບ ມຽນມາ ຄັ້ງທີ 3.

ທ່ານ ພົນຈັດຕະວາ ພັນແສງ ບຸນພັນ ຫົວໜ້າກົມອົບຮົມ ໄດ້ເດີນ ທາງເຂົ້າຮ່ວມການແຂ່ງ ຂັນກີລາມິດຕະພາບ. (ພາບ: Lao's people News)

ໃຫ້ກຽດຕ້ອນຮັບຄະນະນັກກີ ລາກອງທັບເຮົາຢ່າງເປັນທາງ ການໂດຍ ທ່ານ ພົນຕີ ຊິນມິນ ແທັດ ຮອງຫົວໜ້າກົມນະໂຍບາຍ ກອງທັບ ສສ ມຽນມາ ພ້ອມດ້ວຍ ຄະນະທີ່ຫ້ອງປະຊຸມຂອງໂຮງ ແຮມ Aureum Palace ໃນ ເນປີດໍ. ໃນພິທີຕ້ອນຮັບຢ່າງເປັນ ທາງການໄດ້ດຳເນີນຢ່າງມີເນື້ອ ໃນ ແລະ ມີຄວາມໝາຍແຫ່ງມິດ ຕະພາບຂອງສອງກອງທັບລາວ-ມຽນມາ. ຄະນະນໍານັກກີລາເຮົາ ແລະ ຝ່າຍກອງທັບມຽນມາໄດ້ ຍົກໃຫ້ເຫັນເຖິງເນື້ອໃນຈິດໃຈໃນ ການຈັດກີລາມິດຕະພາບລະຫວ່າງສອງກອງທັບຂຶ້ນບົນພື້ນ ຖານການພົວພັນຮ່ວມມືລະ ຫວ່າງສອງກອງທັບ ແລະ ສາຍ ພົວພັນມິດຕະພາບອັນດີງາມ ຂອງສອງຊາດຖານບ້ານໃກ້ ເຮືອນຄຽງ.

ກີລາມິດຕະພາບກອງທັບລາວ-ມຽນມາ, ມຽນມາ-ລາວ ຄັ້ງນີ້, ເປັນຄັ້ງທີ 3 ທາງຝ່າຍກອງທັບ ມຽນມາເປັນເຈົ້າພາບຈັດທີ່ນະ ຄອນຫຼວງເນປີດໍ. ສ່ວນຄະນະນັກ ກີລາລາວເດີນທາງໄປແຂ່ງຂັນມີສອງປະເພດຄື: ກີລາເຕະບານ ແລະ ກີລາກະຕໍ້ ເຊິ່ງການແຂ່ງຂັນຈະມີຂຶ້ນໃນວັນທີ 9 ຕຸລາ 2019 ນີ້.

（ແຫຼ່ງ​ຂໍ້​ມູນ​： Lao's people News）