| ນາຍົກລັດຖະມົນຕີລາວ ພັນຄຳ ວິພາວັນ ເລີ່ມຕົ້ນການຢ້ຽມຢາມຫວຽດນາມ ຢ່າງເປັນທາງການ | |
| ນາຍົກລັດຖະມົນຕີລາວ ຕີລາຄາສູງລະດັບຄວາມຄືບໜ້າ ແລະຄຸນນະພາບຂອງກິດຈະກໍາຫໍສະພາແຫ່ງຊາດລາວຫຼັງໃໝ່ ເຊິ່ງແມ່ນຂອງຂວັນຂອງຫວຽດນາມ |
 |
| ບັນຍາກາດທີ່ການຕ້ອນຮັບ. ພາບ: nhandan.vn |
ທີ່ການຕ້ອນຮັບ, ສະຫາຍ ຫວໍຈ້ອງຫາຍ ໄດ້ແຈ້ງໃຫ້ຊາບກ່ຽວກັບຜົນງານພົ້ນເດັ່ນໃນຂົງເຂດຕ່າງໆຂອງແຂວງຮ່າຕິ້ງ ໃນໄລຍະຜ່ານມາ. ສະຫາຍ ຫວໍຈ້ອງຫາຍ ໃຫ້ຮູ້ວ່າ ຄະນະພັກ, ອໍານາດການປົກຄອງແຂວງຮ່າຕິ້ງ ສືບຕໍ່ຮັກສາ ແລະເສີມຂະຫຍາຍສາຍພົວພັນມິດຕະພາບ, ຄວາມສາມັກຄີແບບພິເສດ ແລະການຮ່ວມມືຮອບດ້ານກັບຫຼາຍທ້ອງຖິ່ນຂອງລາວ, ໂດຍສະເພາະແມ່ນກັບແຂວງບໍລິຄຳໄຊ, ຄຳມ່ວນ, ສະຫວັນນະເຂດ ແລະນະຄອນຫຼວງວຽງຈັນ; ຍູ້ແຮງການຮ່ວມມືກັບສະຖານທູດ, ສະຖານກົງສູນໃຫຍ່ລາວ ປະຈຳ ຫວຽດນາມ...
ໃນໄລຍະຈະມາເຖິງ, ຄະນະພັກ ແລະອໍານາດການປົກຄອງແຂວງຮ່າຕິ້ງ ຈະສືບຕໍ່ຍູ້ແຮງການຮ່ວມມືເພື່ອນຳການພົວພັນດ້ານການເມືອງ-ການທູດລະຫວ່າງແຂວງຮ່າຕິ້ງ ກັບບັນດາອົງການຜູ້ຕາງໜ້າທາງການທູດລາວ ປະຈຳ ຫວຽດນາມ ກໍ່ຄືບັນດາທ້ອງຖິ່ນຂອງລາວ ໃຫ້ເຂົ້າສູ່ລວງເລິກ, ຍູ້ແຮງການໂຄສະນາເຜີຍແຜ່ກ່ຽວກັບສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ-ລາວ ໃນໝູ່ປະຊາຊົນ; ພິເສດແມ່ນຈັດຕັ້ງການເຄື່ອນໄຫວສະເຫຼີມສະຫຼອງປີສາມັກຄີມິດຕະພາບຫວຽດນາມ-ລາວ, ລາວ-ຫວຽດນາມ 2022.
ສະຫາຍ ຫວໍຈ້ອງຫາຍ ກໍ່ສະເໜີໃຫ້ສະຫາຍນາຍົກລັດຖະມົນຕີ ພັນຄຳ ວິພາວັນ ຊີ້ນຳບັນດາກະຊວງ, ຂະແໜງການຂອງລາວ ສືບຕໍ່ສົມທົບກັບຝ່າຍຫວຽດນາມ ເພື່ອຍົກລະດັບ ແລະລົງທຶນໃສ່ເສັ້ນທາງຄົມມະນາຄົມເຊື່ອມຕໍ່ບັນດາທ້ອງຖິ່ນຂອງລາວ ກັບແຂວງຮ່າຕິ້ງ; ປາດຖະໜາວ່າ ລັດຖະບານລາວ ຈະສ້າງເງື່ອນໄຂໃຫ້ບັນດາວິສາຫະກິດຮ່າຕິ້ງ ແລະບັນດາວິສາຫະກິດລາວ ເພີ່ມທະວີການພົບປະແລກປ່ຽນ, ຊອກຮູ້ຮ່ຳຮຽນ ແລະການຮ່ວມມື; ສົ່ງເສີມບັນດາວິສາຫະກິດໂລຈິດສະຕິກ ຂອງລາວ ເພີ່ມທະວີການຮ່ວມມືກັບວິສາຫະກິດໂລຈິດສະຕິກ ຂອງແຂວງຮ່າຕິ້ງ ໃນການຂົນສົ່ງ ແລະ ສົ່ງອອກສິນຄ້າ.
ສະຫາຍນາຍົກລັດຖະມົນຕີລາວ ພັນຄຳ ວິພາວັນ ຢືນຢັນວ່າ ການຢ້ຽມຢາມຄັ້ງນີ້ຈະປະກອບສ່ວນສຳຄັນເຂົ້າໃນການເພີ່ມທະວີການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ ແລະປະຊາຊົນສອງປະເທດ ເວົ້າລວມ ແລະລະຫວ່າງ ແຂວງຮ່າຕິ້ງ ກັບບັນດາທ້ອງຖິ່ນຊາຍແດນຂອງລາວ ເວົ້າສະເພາະ.
ສະຫາຍນາຍົກລັດຖະມົນຕີລາວ ພັນຄຳ ວິພາວັນ ຊົມເຊີຍແຂວງຮ່າຕິ້ງ ບັນລຸໄດ້ບັນດາໝາກຜົນໃນການພັດທະນາເສດຖະກິດ-ສັງຄົມ ກໍ່ຄືການປ້ອງກັນ ແລະຕ້ານໂລກລະບາດໂຄວິດ-19 ໃນໄລຍະຜ່ານມາ; ຕີລາຄາສູງບົດບາດຂອງແຂວງຮ່າຕິ້ງ ໃນການຮ່ວມມື ແລະຊ່ວຍເຫຼືອບັນດາທ້ອງຖິ່ນຂອງລາວ ໃນຫຼາຍຂົງເຂດ ຄື: ບຳລຸງສ້າງພັດທະນາແຫຼ່ງຊັບພະຍາກອນມະນຸດ, ພັດທະນາພື້ນຖານໂຄງລ່າງ...; ສະເໜີໃຫ້ແຂວງຮ່າຕິ້ງ ສືບຕໍ່ສ້າງເງື່ອນໄຂຍົກສູງຄຸນນະພາບການບໍາລຸງສ້າງຕາມມາດຕະຖານຂອງຫວຽດນາມ ໃຫ້ບັນດານັກຮຽນ, ນັກສຶກສາລາວ ທີ່ພວມຮ່ຳຮຽນຢູ່ແຂວງ.
ກອງທັບ
