ຫວ່າງແລ້ວນີ້, ສະມາຄົມຊາວຫວຽດນາມ ຢູ່ Wilthen - Bautzen ແລະ ເຂດໃກ້ຄຽງ ຢູ່ ສ.ສະຫະພັນເຢຍລະມັນ ໄດ້ຈັດຕັ້ງການພົບປະເນື່ອງໃນໂອກາດ ສະເຫຼີມສະຫຼອງ 35 ປີແຫ່ງການຮ່ວມມືດ້ານແຮງງານລະຫວ່າງຫວຽດນາມ-ເຢຍລະມັນ.
 |
| ຊາວຫວຽດນາມ ຫໍ່ເຂົ້າຕົ້ມຢູ່ເຢຍລະມັນ. ພາບ: TTXVN |
ໂດຍແຕກຕ່າງກັບການພົບປະຜ່ານມາ, ການພົບປະຄັ້ງນີ້ບໍ່ພຽງແຕ່ແມ່ນໂອກາດເພື່ອຫວນຄືນບັນດາຄວາມຊົງຈຳ, ຊຸມວັນທີ່ຫຍຸ້ງຍາກລຳບາກ, ບັນດາເຫດການທີ່ເກີດຂຶ້ນ ແລະ ຄວາມມານະພະຍາຍາມບືນຕົວຂຶ້ນໃນຊຸມມື້ທຳອິດທີ່ໄປຮອດເຢຍລະມັນເທົ່ານັ້ນ, ແຕ່ບັນດາສະມາຊິກ-ເຊິ່ງເຄີຍເປັນແຮງງານຮ່ວມມືໃນເມື່ອກ່ອນ-ຍັງໄດ້ແບ່ງປັນ, ລະດົມກໍາລັງໃຈ ແລະ ຊ່ວຍເຫຼືອເຊິ່ງກັນ ແລະ ກັນພາຍຫຼັງຄວາມຫຍຸ້ງຍາກ ແລະ ຄວາມເສຍຫາຍຍ້ອນພະຍາດໂຄວິດ-19 ທີ່ແກ່ຍາວມາເປັນເວລາກວ່າ 2 ປີ ໃນທົ່ວໂລກ.
ຜ່ານເຫດການປະຫວັດສາດໃນໄລຍະຕ່າງໆ, ສະມາຄົມຊາວຫວຽດນາມ ຢູ່ ນະຄອນ Wilthen-Bautzen ໄດ້ເສີມຂະຫຍາຍມູນເຊື້ອຄວາມສາມັກຄີ ແລະ ການຊ່ວຍເຫຼືອເຊິ່ງກັນ ແລະ ກັນ, ຮັກແພງຊ່ວຍເຫຼືອກັນ. 35 ປີໄດ້ຜ່ານພົ້ນໄປແມ່ນພຽງພໍທີ່ຈະເປັນຂີດໝາຍແຫ່ງການເຕີບໂຕຂອງຊີວິດຄົນ ແລະ ມາຮອດປະຈຸບັນ, ອ້າຍເອື້ອຍນ້ອງສ່ວນຫຼາຍໄດ້ມີການດໍາລົງຊີວິດທີ່ເປັນປົກກະຕິ, ໄດ້ເປັນພໍ່ເຖົ້າແມ່ເຖົ້າ ແລະ ພິເສດແມ່ນລູກຫຼານຂອງເຂົາເຈົ້າໄດ້ເຕີບໂຕ ເພື່ອປະກອບສ່ວນໃຫ້ແກ່ສັງຄົມເຢຍລະມັນ, ນັ້ນແມ່ນຜົນສຳເລັດຂອງບັນດາຄອບຄົວ ແລະ ປະຊາຄົມຊາວຫວຽດນາມ ຢູ່ ສ.ສະຫະພັນເຢຍລະມັນ.
ບູນມີ
