| Samsung Display Vietnam ຊອກຫາແຫຼ່ງຊັບພະຍາກອນມະນຸດຄຸນນະພາບສູງທີ່ໄດ້ບຳລຸງສ້າງຢູ່ ສ.ເກົາຫຼີ | |
| ການເຊື່ອມຕໍ່ການຄ້າລະຫວ່າງວິສາຫະກິດຫວຽດນາມ ແລະແຂວງ Chungbuk, ສ.ເກົາຫຼີ |
 |
| ເວທີປາໄສ “ສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ ແລະ ສ.ເກົາຫຼີ: ພ້ອມກັນມຸ່ງໄປເຖິງອະນາຄົດ” (ພາບ: baoquocte.vn) |
ໃນບົດກ່າວປາໄສທາງວີດີໂອທີ່ໄດ້ສົ່ງໄປຍັງເວທີປາໄສ, ທ່ານຮອງນາຍົກລັດຖະມົນຕີຜູ້ປະຈຳການ ຟ້າມບິ່ງມິງ ເນັ້ນໜັກວ່າ: ສ.ເກົາຫຼີ ແລະ ຫວຽດນາມ ຍັງມີຫຼາຍຊ່ອງຫວ່າງ ແລະ ມີຄວາມສາມາດບົ່ມຊ້ອນໃນການຮ່ວມມື; ພ້ອມກັນນັ້ນ ກໍຢືນຢັນວ່າ ລັດຖະບານ ຫວຽດນາມ ໃຫ້ຄຳໝັ້ນສັນຍາຈະສ້າງສະພາບແວດລ້ອມແຫ່ງການດຳເນີນທຸລະກິດ ແລະ ການລົງທຶນທີ່ເປີດກ້ວາງ, ສະດວກ ແລະ ສະເໝີພາບໃຫ້ບັນດານັກລົງທຶນຕ່າງປະເທດ, ໃນນັ້ນມີ ສ.ເກົາຫຼີ.
ທ່ານຮອງນາຍົກລັດຖະມົນຕີ ໄດ້ສະເໜີບາງວິທີແກ້ໄຂເພື່ອເພີ່ມທະວີການຮ່ວມມືໃນໄລຍະຈະມາເຖິງຄື: ຍູ້ແຮງການຮ່ວມມືດ້ານການລົງທຶນໃນບັນດາຂົງເຂດບຸລິມະສິດຄື: ເຕັກໂນໂລຢີສູງ, ວິທະຍາສາດເຕັກໂນໂລຢີ, ນະວັດຕະກຳປະດິດສ້າງ; ເສດຖະກິດສີຂຽວ, ເສດຖະກິດດີຈີຕອນ, ການຫັນເປັນດິຈິຕອນ; ພະລັງງານສະອາດ, ນະຄອນທັນສະໄໝ, ນະຄອນນິເວດ... ປະກອບສ່ວນຊຸກຍູ້ການເຊື່ອມໂຍງເສດຖະກິດພາກພື້ນ, ຊຸກຍູ້ສັນຍາການຄ້າເສລີຫວຽດນາມ - ສເກົາຫຼີ (VKFTA). ສອງຝ່າຍກໍຄວນພັດທະນາການພົວພັນຄູ່ຮ່ວມມືຍຸດທະສາດຮອບດ້ານບົນພື້ນຖານດີຈີຕອນ.
ທີ່ການພົບປະສົນທະນາ, ຜູ້ຕາງໜ້າບັນດາວິສາຫະກິດ 2 ປະເທດ, ນັກສຶກສາ ແລະ ນັກຄົ້ນຄ້ວາໄດ້ແລກປ່ຽນຫຼາຍເນື້ອໃນກ່ຽວກັບຄວາມສາມາດບົ່ມຊ້ອນການຮ່ວມມື 2 ຝ່າຍ ຫວຽດນາມ - ສ.ເກົາຫຼີ, ການຜັນແປໃນສະພາບແວດລ້ອມ, ຜົນກະທົບຂອງບັນດາສິ່ງທ້າທາຍກໍຄືບັນດາກາລະໂອກາດລົງທຶນສຳລັບຫວຽດນາມ, ພ້ອມກັນນັ້ນ ກໍຊີ້ໃຫ້ເຫັນບັນດາກາລະໂອກາດຮ່ວມມືຢ່າງເລິກເຊິ່ງລະຫວ່າງ ຫວຽດນາມ ແລະ ສ.ເກົາຫຼີ ໃນບັນດາຂົງເຂດອຸດສາຫະກຳການຜະລິດໃນອະນາຄົດ.
ບຸນຄົງ
