| ການບໍລິການກຳປັ່ນດຳນ້ຳທ່ອງທ່ຽວທີ່ເປັນເອກະລັກສະເພາະຢູ່ແຂວງ ຍາຈາງ ໃນໜັງສືພິມອັງກິດ | |
| ນັກກິລາປະເທດຕ່າງໆ ເຂົ້າຮ່ວມ ຊີເກມ ຄັ້ງທີ 31 ຢ້ຽມຊົມບັນດາສະຖານທີ່ທ່ອງທ່ຽວທີ່ມີຊື່ສຽງຂອງຫວຽດນາມ |
 |
| ຍາຈາງ ໃຫ້ບໍລິການລົດເມສອງຊັ້ນໂດຍບໍ່ເສຍຄ່າ. ພາບ: vnexpress.net |
ແຕ່ວັນທີ 15 – 19 ມິຖຸນາ, ບໍລິສັດຫຸ້ນສ່ວນ Chartered ທ່ອງທ່ຽວ ຫວຽດນາມ ໄດ້ໜູນຊ່ວຍລົດເມສອງຊັ້ນ ແລ່ນຕາມເສັ້ນທາງແຄມຝັ່ງທະເລຍາຈາງ ເພື່ອຮັບ ໃຊ້ຄວາມຕ້ອງການໄປມາຂອງນັກທ່ອງທ່ຽວ. ລົດດັ່ງກ່າວໄດ້ເດີນທາງຈາກ ສະຖານີລົດເມຂອງເຂດທ່ອງທ່ຽວ Vinpearl - ຕາມຖະຫນົນ ເຈິ່ນຟຸ-ຟ້າມວັນດົ່ງ ໄປຫາເຂດທ່ອງທ່ຽວ Amiana ແລະ ໃນທາງກັບກັນ, ໄລຍະທາງທັງຫມົດ ແມ່ນເກືອບ 30 ກິໂລແມັດ. ນີ້ແມ່ນຄັ້ງທຳອິດທີ່ນະຄອນ ຍາຈາງ ມີລົດເມສອງຊັ້ນ.
ລົດເມ ໃຫ້ບໍລິການ 3 ຄັ້ງຕໍ່ມື້, ແຕ່ 7:30 ໂມງເຊົ້າ ຫາ 16:30 ໂມງແລງ, ມີ 55 ບ່ອນນັ່ງ, ຊັ້ນ 2 ມີ 22 ບ່ອນນັ່ງ ມີແອເຢັນ ແລະ 20 ບ່ອນນັ່ງກາງແຈ້ງ. ລົດໃຊ້ລະບົບບັນລະຍາຍອັດຕະໂນມັດ ອີງຕາມການກໍານົດ GPS, ມີ 9 ພາສາເພື່ອແຂກເລືອກຟັງ.
ຕາມທ່ານນາງ ຫງວຽນທິເລແທ່ງ, ຫົວໜ້າພະແນກທ່ອງທ່ຽວແຂວງ ແຄ໋ງຮ່ວາ ແລ້ວ, ການນຳໃຊ້ລົດເມສອງຊັ້ນ ເພື່ອນຳນັກທ່ອງທ່ຽວໄປມາໂດຍບໍ່ເສຍຄ່າ ເນື່ອງໃນໂອກາດງານສ້າງສັນ ໄດ້ປະກອບສ່ວນໂຄສະນາພາບພົດຂອງການທ່ອງທ່ຽວ ຢ່າຈ່າງ - ແຄ໋ງຮ່ວາ, ພ້ອມທັງສ້າງຈຸດພົ້ນເດັ່ນໃນໄລຍະ ງານສ້າງສັນທ່ອງທ່ຽວທະເລ ຢ່າຈ່າງ ປີ 2022.
“ໃນໄລຍະການເຄື່ອນໄຫວຂອງການສ້າງສັນການທ່ອງທ່ຽວລະດູຮ້ອນ, ພວກເຮົາມີຫຼາຍກິດຈະກຳເພື່ອດຶງດູດນັກທ່ອງທ່ຽວພາຍໃນ ແລະ ຕ່າງປະເທດ. ການນຳລົດເມສອງຊັ້ນໄປບໍລິການກໍ່ແມ່ນສ່ວນໜຶ່ງຂອງການເຄື່ອນໄຫວລະດູຮ້ອນຂອງນະຄອນ ຢ່າຈ່າງ - ແຄ໋ງຮ່ວາ,” ທ່ານນາງແທງກ່າວວ່າ.
ພາຍຫຼັງງານລ້ຽງ, ບໍລິສັດຫຸ້ນສ່ວນຊາດເຕີ່ທ່ອງທ່ຽວ ຫວຽດນາມ ຈະຄົ້ນຄວ້າ ແລະ ຂໍອະນຸຍາດຈາກອຳນາດການປົກຄອງເພື່ອຂຸດຄົ້ນປະເພດການເຄື່ອນໄຫວທ່ອງທ່ຽວປະເພດໃໝ່ ເພື່ອຜັນຂະຫຍາຍບັນດາຜະລິດຕະພັນທ່ອງທ່ຽວໃນໄລຍະຈະມາເຖິງ.
ໂຄງການຂອງງານບຸນທ່ອງທ່ຽວທະເລຍາຈາງ 2022 ແມ່ນເຫດການສຳຄັນໃນລະດູການທ່ອງທ່ຽວຂອງແຂວງ, ດຳເນີນແຕ່ວັນທີ 16 – 19 ມິຖຸນາ ເພື່ອຕອບສະໜອງປີທ່ອງທ່ຽວແຫ່ງຊາດ 2022. ງານບຸນລວມມີບັນດາການເຄື່ອນໄຫວວັດທະນະທຳ ແລະ ທ່ອງທ່ຽວເພື່ອດຶງດູດນັກທ່ອງທ່ຽວມານະຄອນ ຍາຈາງ - ແຄ໋ງຮວ່າ ແລະ ຮັບໃຊ້ປະຊາຊົນທ້ອງຖິ່ນ.
ບູນມີ
