 |
| ພາບປະກອບ: TTXVN |
ພຽງແຕ່ສໍາລັບວັນພັກ 30 ເມສາ ແລະ ວັນທີ 1 ພຶດສະພາ, ຈໍານວນນັກທ່ອງທ່ຽວ ແລະ ລາຍຮັບລ້ວນແຕ່ເພີ່ມຂຶ້ນ 50-60% ເມື່ອທຽບໃສ່ໃນໄລຍະດຽວກັນ. ຄາດຄະເນວ່າ: ໃນ 6 ເດືອນຕົ້ນປີ, ຈຳນວນນັກທ່ອງທ່ຽວໄປທ່ອງທ່ຽວເບັ໊ນແຈ ມີເກືອບ 457.000 ເທື່ອຄົນ, ບັນລຸ 36,19% ຂອງແຜນການ (ເພີ່ມຂຶ້ນ 97,05% ເມື່ອທຽບໃສ່ໄລຍະດຽວກັນ). ໃນນັ້ນ, ນັກທ່ອງທ່ຽວສາກົນມີ 13.757 ເທື່ອຄົນ. ລາຍຮັບຄາດຄະເນ 515 ຕື້ດົ່ງ, ບັນລຸ 36,27% ຂອງແຜນການ, ເພີ່ມຂຶ້ນ 117,92% ເມື່ອທຽບໃສ່ໄລຍະດຽວກັນ.
ທ່ານ ຫງວຽນວັນບ່ານ, ຫົວໜ້າພະແນກວັດທະນະທຳ, ກິລາ ແລະ ການທ່ອງທ່ຽວແຂວງ ເບັ້ນແຈ ແຈ້ງໃຫ້ຊາບວ່າ, ພາຍຫຼັງຄວບຄຸມໄດ້ພະຍາດໂຄວິດ - 19 ໂດຍພື້ນຖານ, ທາງແຂວງ ໄດ້ຈັດຕັ້ງຫຼາຍລາຍການ, ເຫດການເລີ່ມຕົ້ນຄືນໃໝ່ການເຄື່ອນໄຫວທ່ອງທ່ຽວທີ່ປອດໄພ, ມີປະສິດທິຜົນ, ຮ່ວມເດີນທາງກັບໜ່ວຍງານດຳເນີນທຸລະກິດການທ່ອງທ່ຽວໃນຫຼາຍການເຄື່ອນໄຫວ. ພ້ອມທັງ, ເບັ໊ນແຈ ກໍສືບຕໍ່ຊຸກຍູ້ບັນດາໂຄງການຮ່ວມມືຢ່າງມີປະສິດທິຜົນ, ເຊື່ອມຕໍ່ພັດທະນາການທ່ອງທ່ຽວກັບບັນດາແຂວງຢູ່ເຂດທາງທິດຕາເວັນອອກຂອງເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ, ນະຄອນ ໂຮ່ຈີມິນ ແລະ 13 ແຂວງ, ນະຄອນໃນເຂດທົ່ງພຽງແມ່ນ້ຳຂອງ... ດ້ວຍເຫດນັ້ນ, ຈຳນວນແຂກທ່ອງທ່ຽວ ແລະ ລາຍຮັບລ້ວນແຕ່ເພີ່ມຂຶ້ນຢ່າງຫຼວງຫຼາຍເມື່ອທຽບກັບໄລຍະດຽວກັນ, ສະມັດຕະພາບຫ້ອງພັກຂອງສະຖານທີ່ພັກ ບັນລຸໄດ້ຫຼາຍກວ່າ 60%. ຫຼາຍຜະລິດຕະພັນ ແລະ ໂຄງການທ່ອງທ່ຽວຫຼາຍລາຍການທີ່ເຂັ້ມຂຸ້ນໄດ້ດ້ວຍຈຸດພິເສດຂອງ “ດິນແດນໝາກພ້າວ” ຂອງ ເບັ໊ນແຈ ໄດ້ຕອບສະໜອງຄວາມຕ້ອງການຂອງແຂກທ່ອງທ່ຽວ.
ຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວແຂວງ ເບັ້ນແຈ ໃຫ້ຮູ້ວ່າ: ໃນໄລຍະຈະມາເຖິງ, ແຂວງຈະສືບຕໍ່ສຸມໃສ່ຜັນຂະຫຍາຍຫຼາຍມາດຕະການເພື່ອຟື້ນຟູບັນດາການເຄື່ອນໄຫວທ່ອງທ່ຽວຄື: ເພີ່ມທະວີການສື່ສານ, ແນະນຳ, ຊຸກຍູ້ການເຄື່ອນໄຫວທ່ອງທ່ຽວປອດໄພ - ເປັນມິດ - ມີຄຸນນະພາບ. ທາງແຂວງໄດ້ຍູ້ແຮງບັນດາໂຄງການຮ່ວມມືດ້ານການທ່ອງທ່ຽວກັບບັນດາແຂວງ, ນະຄອນໃນທົ່ວປະເທດ, ພິເສດແມ່ນການເຊື່ອມໂຍງ ແລະ ພັດທະນາການທ່ອງທ່ຽວລະຫວ່າງນະຄອນໂຮ່ຈິມິນ ກັບ 13 ແຂວງ, ນະຄອນໃນເຂດທົ່ງພຽງແມ່ນ້ຳຂອງ. ພ້ອມກັນນັ້ນ, ແຂວງກໍໄດ້ຊຸກຍູ້ບັນດາຫົວໜ່ວຍທ່ອງທ່ຽວຢູ່ເຂດດັ່ງກ່າວເອົາໃຈໃສ່ລົງທຶນກໍ່ສ້າງໃໝ່, ປະດັບປະດາ ແລະ ຍົກລະດັບພື້ນຖານວັດຖຸ ແລະ ເຕັກນິກ; ຄົ້ນຄວ້າ ແລະ ພັດທະນາບັນດາໂຄງການທ່ອງທ່ຽວ, ຜະລິດຕະພັນ ແລະ ການບໍລິການທີ່ມີລັກສະນະໃໝ່, ອຸດົມສົມບູນ ແລະ ດຶງດູດໃຈໃຫ້ຫລາຍຂຶ້ນ, ໂດຍສະເພາະລັກສະນະການທ່ອງທ່ຽວຂອງເຂດໝາກພ້າວ; ເອົາໃຈໃສ່ໃນການຝຶກອົບຮົມ ແລະ ປັບປຸງຄຸນນະພາບຖັນແຖວພະນັກງານທີ່ຮັບໃຊ້ລູກຄ້າ,…
ບຸນຄົງ
