| ການສຳມະນາທາງອອນລາຍເພື່ອຮັກສາ ແລະເພີ່ມທະວີສາຍພົວພັນມິດຕະພາບ, ການຮ່ວມມືເປັນມູນເຊື້ອ ລະຫວ່າງ ຫວຽດນາມ ແລະ ເມັກຊິໂກ | |
| ເມັກຊິໂກ ປາດຖະໜາຢາກໃຫ້ ຫວຽດນາມ ແບ່ງປັນປະສົບການໃນການຮັບມືກັບ Covid-19 |
 |
| ພາບປະກອບ (ພາບ: congthuong.vn) |
ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫງວຽນຮົ່ງຢຽນ ໄດ້ຢືນຢັນທີ່ການຕ້ອນຮັບ ທ່ານ Alejandro Negrin Muñoz, ເອກອັກຄະລັດຖະທູດ ຜູ້ມີອຳນາດເຕັມແຫ່ງ ສາທາລະນະລັດ ເມັກຊິໂກ ປະຈຳ ຫວຽດນາມ ເນື່ອງໃນໂອກາດທ່ານເອກອັກຄະລັດຖະທູດ ເລີ່ມຕົ້ນອາຍຸການໃໝ່ທີ່ຫວຽດນາມ ໃນຫວ່າງແລ້ວນີ້.
ທີ່ການຕ້ອນຮັບ, ທ່ານລັດຖະມົນຕີ ຫງວຽນຮົ່ງຢຽນ ໄດ້ສະແດງຄວາມຊົມເຊີຍ ທ່ານເອກອັກຄະລັດຖະທູດທີ່ໄດ້ຮັບອາຍຸການໃໝ່ທີ່ຫວຽດນາມ, ພ້ອມດຽວກັນ ກໍປາດຖະໜາວ່າ ໃນບົດບາດທີ່ເປັນຂົວເຊື່ອມຕໍ່, ທ່ານເອກອັກຄະລັດຖະທູດ ຈະມີການປະກອບສ່ວນຫຼາຍຢ່າງເຂົ້າໃນການຊຸກຍູ້ການພົວພັນຮ່ວມມືລະຫວ່າງ ຫວຽດນາມ ແລະ ເມັກຊິໂກ ໃນທຸກດ້ານ; ໃນນັ້ນ ມີເສດຖະກິດ, ການຄ້າ, ການລົງທຶນ ເປັນເສົາຄ້ຳຕົ້ນຕໍ.
ໂດຍຮັບຮູ້ບັນດາຄວາມເອົາໃຈໃສ່ຂອງທ່ານເອກອັກຄະລັດທະທູດ Alejandro Negrin Muñoz ກ່ຽວກັບການເປີດປະຕູຕະຫຼາດໃຫ້ແກ່ຜະລິດຕະພັນຈໍານວນໜຶ່ງຂອງເມັກຊິໂກ, ທ່ານລັດຖະມົນຕີ ຫງວຽນຮົ່ງຢຽນ ໃຫ້ຮູ້ວ່າ ກະຊວງອຸດສາຫະກຳ ແລະ ການຄ້າ ຈະເຮັດວຽກກັບກະຊວງກະສິກໍາ ແລະ ພັດທະນາຊົນນະບົດ ຫວຽດນາມ ເພື່ອສະໜອງບັນດາຂໍ້ມູນທີ່ຈຳເປັນກ່ຽວກັບຂໍ້ກໍານົດປະຈຸບັນຂອງຫວຽດນາມໃຫ້ຝ່າຍເມັກຊິໂກ ເພື່ອໃຫ້ບັນດາຝ່າຍຊອກຮູ້ ແລະ ເຫັນດີເປັນເອກະພາບຢ່າງວ່ອງໄວກ່ຽວກັບບັນດາລະບຽບການທີ່ຈຳເປັນຕໍ່ບັນດາຜະລິດຕະພັນລະອຽດສະເພາະ.
ຫອມມາລາ
