 |
| ທ່ານສາດສະດາຈານ Lee Han-woo (ພາບ: TTXVN) |
ປຶ້ມນີ້ຫົວໄດ້ລວບລວມໂຄງການຄົ້ນຄ້ວາຂອງກຸ່ມສາດສະດາຈານ, ນັກຄົ້ນຄ້ວາ ສ.ເກົາຫຼີ ແລະ ຫວຽດນາມ. ເນື່ອງໃນໂອກາດນີ້, ທ່ານສາດສະດາຈານ Lee Han-woo, ປ.ອ ວິທະຍາສາດດ້ານການເມືອງ ຂຶ້ນກັບມະຫາວິທະຍາໄລ Sogan ໄດ້ແລກປ່ຽນກັບ ສຳນັກຂ່າວສານ ຫວຽດນາມ ກ່ຽວກັບບັນດາເນື້ອໃນຕົ້ນຕໍທີ່ໄດ້ເຕື້ອງເຖິງໃນບົດທີ່ພິມຈຳໜ່າຍຄັ້ງນີ້.
ທ່ານສາດສະດາຈານ Lee Han-woo ໃຫ້ຮູ້ວ່າ ນັບແຕ່ເວລາສ້າງຕັ້ງການພົວພັນທາງການທູດ ປີ 1992, ການຮ່ວມມືລະຫວ່າງ ຫວຽດນາມ ແລະ ສ.ເກົາຫຼີ ມີການພັດທະນາຢ່າງກະໂດດຂັ້ນ, ເປັນຕົ້ນແມ່ນໃນຂົງເຂດເສດຖະກິດ, ສັງຄົມ ແລະ ວັດທະນະທຳ. ນີ້ແມ່ນຈຸດເວລາຕ້ອງຕີລາຄາການພົວພັນສອງຝ່າຍຢູ່ແງ່ມູມກວ້າງກ່ວາ ເພື່ອແນໃສ່ສ້າງພື້ນຖານໃຫ້ແກ່ 30 ປີຕໍ່ໄປ. ດ້ວຍເປົ້າໝາຍນີ້, ກຸ່ມຄົ້ນຄ້ວາ ໄດ້ສຸມໃສ່ພິຈາລະນາ ສະພາບການຮ່ວມມືດ້ານເສດຖະກິດ, ສັງຄົມ ແລະ ວັດທະນະທຳ ລະຫວ່າງ ຫວຽດນາມ ແລະ ສ.ເກົາຫຼີ ໃນ 30 ປີຜ່ານມາ ແລະ ສະເໜີບັນດາການຕີລາຄາຢ່າງພາວະວິໄສແນໃສ່ມຸ່ງໄປເຖິງອະນາຄົດທີ່ສົດໄສກ່ວາລະຫວ່າງສອງປະເທດ.
ທ່ານສາດສະດາຈານ Lee Han-woo ກໍ່ແບ່ງປັນຕື່ມອີກວ່າ, ລັດຖະບານ ສ.ເກົາຫຼີ ພວມມານະພະຍາຍາມໜູນຊ່ວຍການໂຄສະນາວັດທະນະທຳ ຫວຽດນາມ ປະຈຳ ສ.ເກົາຫຼີ. ຍົກຕົວຢ່າງຄື: ຫໍພິພິທະພັນແຫ່ງຊາດ ເຊີອູນ ແລະ ຫໍພິພິທະພັນ ບູຊານ ເຄີຍຈັດຕັ້ງງານວາງສະແດງກ່ຽວກັບວັດຖຸບູຮານ, ວັດທະນະທຳບູຮານຂອງ ຫວຽດນາມ ຢູ່ ສ.ເກົາຫຼີ ແນໃສ່ແນະນຳປະຫວັດສາດ, ວັດທະນະທຳທີ່ເປັນມູນເຊື້ອຂອງ ຫວຽດນາມ. ອົງການຮ່ວມມືສາກົນ ສ.ເກົາຫຼີ ກໍ່ໜູນຊ່ວຍຈັດຕັ້ງເຫດການແນະນຳກ່ຽວກັບສິລະປະຫວຽດນາມ. ໃນທ່າອ່ຽງຫັນເປັນໂລກາພິວັດ ແລະ ອຸດສາຫະກຳພັດທະນາຄືໃນປັດຈຸບັນ, ການພົວປະແລກປ່ຽນວັດທະນະທຳ ຕ້ອງໄປຕາມທິດສອງສົ້ນ, ໜູນຊ່ວຍເຊິ່ງກັນແລະກັນ, ເປັນຫຼາຍຮູບແບບ ແຕ່ຍັງຮັກສາໄດ້ສີສັນຊາດຂອງແຕ່ລະປະເທດ.
ບຸນຄົງ
