| ຫວຽດນາມ ຮັບດຳລົງຕຳແໜ່ງປະທານຮ່ວມໂຄງການອາຊີຕາເວັນອອກສ່ຽງ ໃຕ້ຂອງ OECD ຢ່າງເປັນທາງການ | |
| ປະທານສະພາແຫ່ງຊາດລາວ ຈະມາຢ້ຽມຢາມ ຫວຽດນາມ ຢ່າງເປັນທາງການ ໃນລະຫວ່າງວັນທີ 06 – 08 ທັນວາ |
 |
| ທ່ານພົນໂທ ຫງວຽນເຕີນເກືອງ ຕ້ອນຮັບ ທ່ານພົນຕີ ຄຳລຽງ ອຸທະໄກສອນ (ພາບ: TTXVN) |
ທີ່ການພົບປະເຈລະຈາພາຍຫຼັງພິທີຕ້ອນຮັບ, ທັງສອງຝ່າຍໄດ້ເຫັນດີເປັນເອກະພາບຕີລາຄາວ່າ ກອງທັບສອງປະເທດ ບັນລຸໄດ້ບັນດາຜົນງານທີ່ສຳຄັນໃນການສົມທົບກັນຜັນຂະຫຍາຍແຜນການຮ່ວມມືປະຈຳປີ. ການຮ່ວມມືປ້ອງກັນປະເທດ ແມ່ນໜຶ່ງໃນບັນດາເສົາຄ້ຳສຳຄັນໃນການພົວພັນສອງປະເທດ. ທັງສອງຝ່າຍຈະສືບຕໍ່ຮັກສາການພົບປະ, ການພົບປະຂັ້ນສູງ, ຜັນຂະຫຍາຍກົນໄກຮ່ວມມືຢ່າງມີປະສິດທິຜົນ.
ສອງຝ່າຍໄດ້ເຫັນດີເປັນເອກະພາບສືບຕໍ່ຜັນຂະຫຍາຍບັນດາການເຄື່ອນໄຫວສະເຫຼີມສະຫຼອງ “ປີສາມັກຄີມິດຕະພາບ ຫວຽດນາມ - ລາວ, ລາວ - ຫວຽດນາມ 2022”, ສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ລະຫວ່າງ ຫວຽດນາມ - ລາວ, ຜັນຂະຫຍາຍແຜນການຮ່ວມມືປີ 2022 ຢ່າງຮອບດ້ານ ລະຫວ່າງສອງກະຊວງປ້ອງກັນປະເທດ.
ສິ້ນສຸດການພົບປະເຈລະຈາ, ທ່ານຫົວໜ້າກົມໃຫຍ່ເສນາທິການ ກອງທັບປະຊາຊົນລາວ ຄຳລຽງ ອຸທະໄກສອນ ໄດ້ເຂົ້າຢ້ຽມຂ່ຳນັບທ່ານພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ.
ໂດຍກ່າວຄໍາປາໄສທີ່ການຕ້ອນຮັບ, ທ່ານພົນເອກ ຟານວັນຢາງ ໃຫ້ຮູ້ວ່າ, ໄລຍະຜ່ານມາ ທັງສອງຝ່າຍໄດ້ປະສານສົມທົບເພື່ອຜັນຂະຫຍາຍບັນດາເນື້ອໃນການຮ່ວມມື, ພົ້ນເດັ່ນທີ່ສຸດແມ່ນ ການແລກປ່ຽນຂໍ້ມູນ ລະຫວ່າງບັນດາເຫຼົ່າທັບ, ເຫຼົ່າຮົບ ແລະ ກໍາລັງປ້ອງກັນຊາຍແດນສອງປະເທດ; ການບໍາລຸງສ້າງ, ການຝຶກອົບຮົມ... ກອງທັບສອງປະເທດຍາມໃດກໍສາມັກຄີ, ໜູນຊ່ວຍເຊິ່ງກັນແລະກັນໃນການປະຕິບັດໜ້າທີ່ ແລະ ໃນພາລະກິດການສ້າງກອງທັບໃຫ້ນັບມື້ນັບກາຍເປັນກອງທັບຫຼວງ ແລະ ທັນສະໄໝ; ຍົກສູງຄວາມສາມາດໃນການກຽມພ້ອມສູ້ຮົບ ແລະ ຮັບປະກັນການປ້ອງກັນປະເທດ ແລະ ຄວາມໝັ້ນຄົງຂອງແຕ່ລະປະເທດ.
ຫອມມາລາ
