| ໃຫ້ຄຳປຶກສາການສົ່ງອອກສິນໃນນ້ຳໄປຕະຫຼາດ ອາຟຣິກກາ | |
| ມີໂຮງງານປຸງແຕ່ງປາປຶ່ງຕື່ມອີກ 6 ແຫ່ງ ທີ່ສົ່ງອອກໄປອາເມລິກາ |
ທ່ານຮອງລັດຖະມົນຕີກະຊວງອຸດສາຫະກຳ ແລະ ການຄ້າ ໂດທັງຫາຍ ເນັ້ນໜັກວ່າ ນີ້ແມ່ນໂອກາດກວດກາຄືນ ແລະ ໄຈ້ແຍກບັນດາຄວາມຫຍຸ້ງຍາກ ແລະ ປຶກສາຫາລືບັນດາທິດທາງ ແລະ ມາດຕະການໜູນຊ່ວຍບັນດາວິສາຫະກິດຟື້ນຟູ ແລະ ພັດທະນາຕະຫຼາດ ໃນສະພາບການແຜ່ລະບາດຂອງພະຍາດໂຄວິດ-19 ທີ່ຍັງເກີດຂຶ້ນຕໍ່.
ບັນດາການເຄື່ອນໄຫວດ້ານການຄ້າພາຍຫຼັງກອງປະຊຸມຈະສ້າງເງື່ອນໄຂໃຫ້ບັນດາວິສາຫະກິດເຊື່ອມໂຍງ ແລະ ແລກປ່ຽນຄວາມສາມາດຮ່ວມມືດ້ານທຸລະກິດ, ປະກອບສ່ວນຊຸກຍູ້ການເຄື່ອນໄຫວນຳເຂົ້າ ແລະ ສົ່ງອອກລະຫວ່າງ ຫວຽດນາມ ແລະ ລັດເວຍ.
 |
| ຊຸກຍູ້ການສົ່ງອອກ ໄປຍັງຕະຫຼາດລັດເວຍ. (ພາບ: baodautu) |
ທ່ານ Edmunds Valantis, ລັດຖະມົນຕີວ່າການກະຊວງເສດຖະກິດລັດເວຍ ໄດ້ຮັບຮູ້ບັນດາບາດກ້າວພັດທະນາຢ່າງເຂັ້ມແຂງຂອງການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານລະຫວ່າງສອງປະເທດໃນຊຸມປີຜ່ານມາ, ພິເສດແມ່ນໃນຂົງເຂດກະສິກຳ, ການປະມົງ, ອາຫານທະເລ ແລະ ເຄື່ອງເຟີນີເຈີ, ແຜ່ນແພ, ເກີບໜັງ.... ທ່ານລັດຖະມົນຕີວ່າການກະຊວງເສດຖະກິດ ລັດເວຍ ຢືນຢັນວ່າ ການເຂົ້າຮ່ວມສັນຍາການຄ້າເສລີຂອງຫວຽດນາມ ໄດ້ສົ່ງຜົນຢ່າງຕັ້ງໜ້າຕໍ່ການແລກປ່ຽນການຄ້າລະຫວ່າງ ຫວຽດນາມ ແລະ ລັດເວຍ ໃນຊຸມປີມໍ່ໆມານີ້.
ໃນປີ 2021, ວົງເງິນການຄ້າສອງສົ້ນລະຫວ່າງ ຫວຽດນາມ ແລະ ລັດເວຍ ຈະບັນລຸກວ່າ 240 ລ້ານ USD, ເພີ່ມຂຶ້ນ 2% ເມື່ອທຽບໃສ່ປີ 2020, ໃນນັ້ນ ຫວຽດນາມ ສົ່ງອອກເກືອບ 220 ລ້ານ USD, ເພີ່ມຂຶ້ນ 4,4%.
ທີ່ກອງປະຊຸມ, 2 ຝ່າຍຕີລາຄາວ່າ: ຄວາມສາມາດບົ່ມຊ້ອນການຮ່ວມມືດ້ານເສດຖະກິດ - ການຄ້າຍັງມີຫຼາຍຊ່ອງຫວ່າງ, ດັ່ງນັ້ນຕ້ອງຊຸກຍູ້ການສົມທົບກັນຂຸດຄົ້ນຢ່າງມີປະສິດທິຜົນກວ່າໃນໄລຍະຈະມາເຖິງ.
ຄຳຮຸ່ງ
