 |
| ຫວນຄືນບຸນເຕັດດວານງໍ້ ຢູ່ພະລາຊະວັງ ທັງລອງ. ພາບ: TTXVN |
ວັນທີ 1 ມິຖຸນາປີ 2022, ເນື່ອງໃນໂອກາດບຸນເຕັດດວານງໍ້, ສູນອະນຸລັກຮັກສາມໍລະດົກແທງລອງ - ຮ່າໂນ້ຍ ຈະຈັດຕັ້ງລາຍການ “ບຸນເຕັດ ດວານງໍ້ດັ້ງເດີມ ແລະ ປະຈຸບັນ” ປີ 2022 ເພື່ອຟື້ນຟູບັນດາພິທີກຳ ແລະ ຮີດຄອງປະເພນີຂອງບຸນເຕັດດວານງໍ້ ໃນພະລາຊະວັງ.
ບຸນເຕັດດວານງໍ້ພາຍໃຕ້ລາຊະວົງ ເລ
ໃນການໂອ້ລົມກ່ຽວກັບບຸນເຕັດດວານງໍ້ປະຈຳຊາດຢູ່ກຳແພງພະລາຊະວັງທັງລອງ - ຮ່າໂນ້ຍ, ທ່ານ ສາດສະດາຈານ ເລວັນລານ ເຄີຍອ້າງອີງໃນປຶ້ມປະຫວັດສາດເພື່ອຢືນຢັນວ່າ: ໃນພະລາຊະວັງ, ໃນສະໄໝລາຊະວົງ ເລ, ກະສັດ ແລະ ລາຊະວົງ ໄດ້ຈັດພິທີຢ່າງສົມກຽດ, ພິທີກຳໄຫວ້ ບູຊາບັນພະບຸລຸດ, ພິທີມອບວີ... ໃຫ້ບັນດາເຈົ້ານາຍ ສະແດງໃຫ້ເຫັນເຖິງສິດອໍານາດຂອງເຈົ້າຊີວິດ ແລະ ນໍາມາເຊິ່ງຄຸນຄ່າຂອງມະນຸດທີ່ເລິກເຊິ່ງ. ພິທີໄຂຖືກຈັດຂຶ້ນຢູ່ພະລາຊະວັງ ໄທມ໊ຽວ ແລະ ວັງຈີກິງ.
ວາດພາບພິທີກຳເກົ່າຄືນໃໝ່
ເພື່ອສ້າງບັນດາຜະລິດຕະພັນທ່ອງທ່ຽວພື້ນເມືອງທີ່ເປັນເອກະລັກສະເພາະໃຫ້ແຂກທ່ອງທ່ຽວ, ເປັນຄັ້ງທຳອິດໃນລາຍການ “ບຸນເຕັດດວານງໍ້ດັ້ງເດີມ ແລະ ປະຈຸບັນ” ປີ 2022, ສູນອະນຸລັກຮັກສາມໍລະດົກ ທັງລອງ - ຮ່າໂນ້ຍ ໄດ້ວາດພາບບັນຍາກາດບຸນເຕັດດວານງໍ້ດັ້ງເດີມທີ່ຟົດຟື້ນຢູ່ພະລາຊະວັງໃໝ່ ແລະວາງສະແດງລາຍການສະສົມວີຂອງນັກສິລະປິນ ເຢືອງວັນດວ່ານ.
ບູນມີ
