| ການນຳພັກ, ລັດ ລາວ ຕີລາຄາສູງການຮ່ວມມືຢ່າງແໜ້ນແຟ້ນລະຫວ່າງ ຮ່າໂນ້ຍ ແລະ ນະຄອນຫຼວງ ວຽງຈັນ | |
| ນະຄອນໂຮ່ຈິມິນ ແລະ ນະຄອນຫຼວງ ວຽງຈັນ ສົມທົບກັນໃນການກໍ່ສ້າງຖັນແຖວພະນັກງານ, ພາລະກອນທີ່ມີຄຸນນະພາບສູງ |
ໃນຂອບເຂດ ການຢ້ຽມຢາມ ແລະ ເຮັດວຽກຢູ່ລາວ, ຕອນເຊົ້າວັນທີ 26 ພຶດສະພາ, ຄະນະຜູ້ແທນ ນະຄອນໂຮ່ຈີມິນ ນຳໂດຍສະຫາຍ ຫງວຽນວັນເນນ, ກຳມະການກົມການເມືອງ, ເລຂາພັກນະຄອນ ໄດ້ມີການເຮັດວຽກກັບ ຄະນະ ຜູ້ແທນຂັ້ນສູງນະຄອນຫຼວງວຽງຈັນ ໂດຍທ່ານ ອານຸພາບ ຕຸນາລົມ ເລຂາທິການສູນກາງພັກ, ເລຂາຄະນະພັກນະຄອນຫຼວງວຽງຈັນ, ປະທານສະພາປະຊາຊົນນະຄອນຫຼວງວຽງຈັນ ນໍາໜ້າ.
 |
| ເພິ່ມທະວີການຮ່ວມມືລະຫວ່າງນະຄອນໂຮ່ຈີມິນ ແລະ ວຽງຈັນD |
ທ່ານ ອານຸພາບ ຕຸນາລົມ ໄດ້ແຈ້ງໃຫ້ຊາບກ່ຽວກັບສະພາບການ ພັດທະນາເສດຖະກິດ-ສັງຄົມຂອງນະຄອນຫຼວງວຽງຈັນ.
ທ່ານ ອານຸພາບ ຕຸນາລົມ ເນັ້ນໜັກວ່າ: ສອງນະຄອນໄດ້ໜູນຊ່ວຍເຊິ່ງກັນ ແລະ ກັນໃນຫຼາຍດ້ານ, ປະກອບສ່ວນເພີ່ມທະວີ ແລະ ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ ແລະ ປະຊາຊົນສອງປະເທດ ລາວ ແລະ ຫວຽດນາມ ເວົ້າລວມ ກໍ່ຄືລະຫວ່າງນະຄອນຫຼວງວຽງຈັນ ແລະ ນະຄອນໂຮ່ຈິມິນ ເວົ້າສະເພາະ, ປະກອບສ່ວນເຮັດໃຫ້ການພົວພັນຮ່ວມມືລະຫວ່າງສອງປະເທດມີຄວາມໝາຍກວ່າອີກ ແລະ ນໍາມາເຊິ່ງຜົນປະໂຫຍດທີ່ແທດຈິງ”.
ທ່ານ ອານຸພາບ ຕຸນາລົມ ໃຫ້ຮູ້ວ່າ: ນະຄອນຫຼວງວຽງຈັນ ໄດ້ກະກຽມ 7 ກິດຈະກໍາໃຫຍ່ ເພື່ອສະເຫຼີມສະຫຼອງປີສາມັກຄີມິດຕະພາບ ລາວ-ຫວຽດນາມ ແລະ ຫວຽດນາມ-ລາວ 2022.
ທ່ານ ຫງວຽນວັນເນນ ເຊື່ອໝັ້ນວ່າ, ພາຍໃຕ້ການຊີ້ນຳຂອງອົງຄະນະພັກ, ການບໍລິຫານທີ່ເດັດຂາດຂອງອໍານາດການປົກຄອງ, ນ້ຳໃຈສາມັກຄີ, ເປັນເອກະພາບຂອງທົ່ວລະບົບການເມືອງ ແລະ ການຮ່ວມແຮງຮ່ວມໃຈຂອງປະຊາຊົນ, ນະຄອນຫຼວງວຽງຈັນ ຈະຜ່ານຜ່າທຸກຄວາມຫຍຸ້ງຍາກ ແລະ ສິ່ງທ້າທາຍຢ່າງແນ່ນອນ, ສືບຕໍ່ຍາດໄດ້ບັນດາຜົນງານໃໝ່ ແລະ ໃຫຍ່ຫຼວງກວ່າອີກໃນພາລະກິດແຫ່ງການປ່ຽນແປງໃໝ່, ປະກອບສ່ວນປະຕິບັດບັນດາຄາດໝາຍທີ່ໄດ້ວາງອອກໃຫ້ສຳເລັດຜົນ.
ບູນມີ
