 |
| ພິທີມອບຮັບງວດຢາ Areplivir (ພາບ: TTXVN) |
ວັນທີ 25 ພຶດສະພາ, ຢູ່ນະຄອນຫຼວງ ມົດສະກູ (ປະເທດລັດເຊຍ) ໄດ້ດຳເນີນພິທີມອບຮັບງວດຢາ Areplivir ທີ່ຊື້ດ້ວຍເງິນທີ່ມາຈາກໂຄງການ “ຮ່ວມແຮງຮ່ວມໃຈ ຫວຽດນາມ” ໂດຍສະມາຄົມຊາວຫວຽດນາມ ອາໄສ, ເຮັດວຽກ ແລະ ຮ່ຳຮຽນຢູ່ ລັດເຊຍ ອຸປະຖຳ ສົ່ງກັບເມືອຫວຽດນາມ.
ຕາງໜ້າໃຫ້ສະຖານທູດ ຫວຽດນາມ ປະຈຳ ລັດເຊຍ, ທ່ານອຸປະທູດ ເລກ໋ວາງແອັງ ໄດ້ຮັບການມອບງວດຢາດັ່ງກ່າວຈາກ ທ່ານຮອງປະທານຜູ້ປະຈຳການສະມາຄົມຊາວຫວຽດນາມ ອາໄສຢູ່ລັດເຊຍ ເຈິ່ນຝູທ້ວນ.
ກ່າວຄຳຫັນທີ່ພິທີ, ທ່ານເອກອັກຄະລັດຖະທູດ ຫວຽດນາມ ປະຈຳ ລັດເຊຍ ດັ້ງມິງຄອຍ ຢັ້ງຢືນວ່າ ງວດຢາບັນຈຸນ້ຳໃຈຂອງປະຊາຄົມຊາວຫວຽດນາມ ອາໄສຢູ່ລັດເຊຍ ສະຫງວນໃຫ້ແກ່ບ້ານເກີດເມືອງນອນ, ປະເທດຊາດ.
ຕາມທ່ານປະທານສະມາຄົມຊາວຫວຽດນາມ ອາໄສຢູ່ລັດເຊຍ ໂດຊວັນຮ່ວາງ ແລ້ວ, “ຮ່ວມແຮງຮ່ວມໃຈ ຫວຽດນາມ” ແມ່ນໂຄງການປະສົບຜົນສຳເລັດທີ່ສຸດຂອງປະຊາຄົມຊາວຫວຽດນາມ ອາໄສຢູ່ລັດເຊຍ. ທ່ານກໍ່ຂອບໃຈບັນດາສະມາຊິກທີ່ໄດ້ເຂົ້າຮ່ວມ, ຊຸກຍູ້ໂຄງການກໍ່ຄືເພື່ອນມິດລັດເຊຍ ທີ່ໄດ້ສະໜອງຢາປິ່ນປົວ ຍ້ອນວ່າ ຢາແຕ່ລະເມັດ ລ້ວນແຕ່ສາມາດກູ້ເອົາຊີວິດຂອງຜູ້ໃດໜຶ່ງຢູ່ ຫວຽດນາມ.
ບຸນຄົງ
