| ອິນເດຍ ຕີລາຄາສູງການປະກອບສ່ວນຂອງຫວຽດນາມ ໃນສະພາຄວາມໝັ້ນຄົງ | |
| ຫວຽດນາມ ເຂົ້າຮ່ວມຮອບເຈລະຈາກ່ຽວກັບການໜູນຊ່ວຍ ສິນໃນນ້ຳຂອງ WTO |
 |
| ທ່ານ ເລມິງຄາຍ ຮອງນາຍົກລັດຖະມົນຕີຫວຽດນາມ ແລະທ່ານ Zhang Xiangchen ຮອງຜູ້ອໍານວຍການໃຫຍ່ WTO. ພາບ: Baochinhphu.vn |
ທ່ານ ເລມິງຄາຍ ໄດ້ຢັ້ງຢືນວ່າ ຫວຽດນາມ ຖືເປັນສໍາຄັນບົດບາດໃຈກາງຂອງ WTO ໃນການຊຸກຍູ້ລະບົບການຄ້າຫຼາຍຝ່າຍເປີດ, ໂປ່ງໃສ, ອີງໃສ່ກົດໝາຍ, ລົບລ້າງສິ່ງກີດຂວາງດ້ານພາສີ, ຕ້ານລັດທິປົກປ້ອງການຄ້າ; ປາດຖະໜາຢາກໃຫ້ WTO ສືບຕໍ່ເສີມຂະຫຍາຍບົດບາດປະສານງານເພື່ອແນໃສ່ຊຸກຍູ້ການຄ້າທົ່ວໂລກຕາມທິດກວມລວມ, ເທົ່າທຽມກັນ, ປະກອບສ່ວນຟື້ນຟູ ແລະເຕີບໂຕເສດຖະກິດ; ສະເໜີວ່າ ວິວັດການປະຕິຮູບ WTO ຄວນຮັບປະກັນຄວາມຍຸຕິທຳທາງດ້ານສິດຜົນປະໂຫຍດ ແລະພັນທະ, ເໝາະສົມກັບລະດັບພັດທະນາ ແລະກໍາລັງຄວາມສາມາດປະຕິບັດຂອງບັນດາສະມາຊິກ, ພິເສດແມ່ນບັນດາສະມາຊິກທີ່ພວມພັດທະນາທີ່ມີລະດັບຄວາມຮູ້ຕໍ່າ ແລະດ້ອຍພັດທະນາ.
ທ່ານຮອງຜູ້ອໍານວຍການໃຫຍ່ WTO ຕີລາຄາສູງການເຂົ້າຮ່ວມຢ່າງຕັ້ງໜ້າ ແລະການປະກອບສ່ວນຂອງຫວຽດນາມ ເຂົ້າໃນການເຕີບໂຕເສດຖະກິດໃນທົ່ວໂລກ. ໃນສະພາບການເມືອງ ແລະເສດຖະກິດໂລກມີການຜັນແປສັບສົນຫຼາຍຢ່າງ, ທ່ານຮອງຜູ້ອໍານວຍການໃຫຍ່ WTO ຫວັງວ່າ ຫວຽດນາມ ຈະສືບຕໍ່ປະກອບສ່ວນຢ່າງຕັ້ງໜ້າເຂົ້າໃນວິວັດການປຶກສາຫາລືທີ່ກອງປະຊຸມລັດຖະມົນຕີ WTO ຄັ້ງທີ 12 ໃນເດືອນມິຖຸນາ ຈະມາເຖິງເພື່ອແນໃສ່ບັນລຸບັນດາໝາກຜົນລະອຽດ, ເປັນຕົ້ນແມ່ນໃນຂົງເຂດໜູນຊ່ວຍສິນໃນນໍ້າ ແລະກະສິກໍາ, ຜ່ານນັ້ນປະກອບສ່ວນຊຸກຍູ້ການຄ້າໃນໂລກ. ທ່ານ ເລມິງຄາຍ ຢັ້ງຢືນວ່າ ຫວຽດນາມ ຈະສືບຕໍ່ແມ່ນສະມາຊິກທີ່ມີຄວາມຮັບຜິດຊອບໃນບັນຫາຄວາມໝັ້ນຄົງດ້ານສະບຽງອາຫານ, ປະກອບສ່ວນເຂົ້າໃນໝາກຜົນລວມຂອງກອງປະຊຸມລັດຖະມົນຕີ WTO ຈະມາເຖິງ.
la.qdnd.vn
