 |
| ຊາວຫວຽດນາມ ອາໄສຢູ່ຕ່າງປະເທດໄປຢ້ຽມຢາມໝູ່ເກາະເຈື່ອງຊາ (ພາບ: TTXVN) |
ຕອນບ່າຍວັນທີ 25 ພຶດສະພາ, ຢູ່າແຄ໊ງຮ່ວາ, ມີຊາວຫວຽດນາມອາໄສຢູ່ຕ່າງປະເທດ ກ່ວາ 40 ຄົນ ທ່ີມາຈາກ 17 ປະເທດໃນໂລກ ໄດ້ສິ້ນສຸດລາຍການຄະນະຊາວຫວຽດນາມ ອາໄສຕ່າງປະເທດ ມາຢ້ຽມຢາມ ທະຫານ ແລະ ປະຊາຊົນເມືອງເກາະເຈື່ອງຊາ ແລະ ເຮືອນຫ້ານ DK1.
ພາຍຫຼັງ 2 ປີຖືກຢຸດຕິ ຍ້ອນຜົນສະທ້ອນຈາກໂລກລະບາດໂຄວິດ - 19, ລາຍການທີ່ມີຄວາມໝາຍໄດ້ນຳມາເຊິ່ງຄວາມຮູ້ສຶກຍາກທີ່ຈະຫຼົງລືມໄດ້ໃຫ້ແກ່ຊາວຫວຽດນາມ ອາໄສຢູ່ຕ່າງປະເທດ.
ນີ້ແມ່ນປີທີ 10 ຄະນະກຳມະການແຫ່ງລັດ ກ່ຽວກັບຊາວຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດ ສົມທົບກັບກອງບັນຊາການກອງທັບເຮືອຈັດຕັ້ງການນຳຄະນະຊາວຫວຽດນາມອາໄສຢູ່ຕ່າງປະເທດມາຢ້ຽມຢາມເຈື່ອງຊາ.
ຕາມທ່ານເອກອັກຄະລັດຖະທູດ ໂງເຮືອງນາມ, ຮອງຫົວໜ້າຄະນະກຳມະການແຫ່ງລັດກ່ຽວກັບຊາວຫວຽດນາມອາໄສຢູ່ຕ່າງປະເທດແລ້ວ, ການຢ້ຽມຢາມທະຫານ ແລະ ປະຊາຊົນເມືອງເກາະເຈື່ອງຊາ ແລະ ເຮືອນຮ້ານ DK1 ແມ່ນການເຄື່ອນໄຫວທີ່ມີຄວາມໝາຍ, ຢັ້ງຢືນອະທິປະໄຕ, ສິດອະທິປະໄຕຂອງ ຫວຽດນາມ ຕໍ່ໝູ່ເກາະເຈື່ອງຊາ ແລະ ເຂດໄຫຼ່ທະວີບທາງທິດໃຕ້ປະເທດຊາດ.
ນີ້ກໍ່ແມ່ນໂອກາດເພື່ອໃຫ້ຊາວຫວຽດນາມອາໄສຢູ່ຕ່າງປະເທດ ທີ່ມາຈາກຫຼາຍປະເທດໃນໂລກພົບປະແລກປ່ຽນ, ສະໜິດຕິດພັນກັບປະຊາຊົນພາຍໃນປະເທດ, ປະກອບສ່ວນເພີ່ມທະວີມະຫາສາມັກຄີທົ່ວປວງຊົນທັງຊາດ.
ລາຍການຢ້ຽມຢາມເຈື່ອງຊາ ແລະ ເຮືອນຮ້ານ Dk1 ສະແດງຖືກຕາມຈິດໃຈຂອງ ມະຕິເລກທີ 36-NQ/TW, ຄຳສັ່ງເລກທີ 45-CT/TW ແລະ ບົດສະຫຼຸບເລກທີ 12-KL/TW ຂອງກົມການເມືອງ ກ່ຽວກັບວຽກງານຊາວຫວຽດນາມອາໄສຢູ່ຕ່າງປະເທດ ໃນສະພາບການໃໝ່, ໃນນັ້ນເນັ້ນໜັກເຖິງໜ້າທີ່ “ເສີມຂະຫຍາຍກຳລັງແຮງກຸ່ມກ້ອນມະຫາສາມັກຄີທົ່ວປວງຊົນທັງຊາດ, ສົ່ງເສີມ ແລະ ສ້າງເງື່ອນໄຂເພື່ອໃຫ້ພໍ່ແມ່ປະຊາຊົນຫວຽດນາມອາໄສຢູ່ຕ່າງປະເທດປະກອບສ່ວນຢ່າງຕັ້ງໜ້າເຂົ້າໃນພາລະກິດແຫ່ງການກໍ່ສ້າງ ແລະ ປົກປັກຮັກສາປະເທດຊາດ”.
ວຽກງານສົມທົບກັນຈັດຕັ້ງການເດີນທາງໄປຢ້ຽມຢາມໃນສະພາບການຖືກຜົນກະທົບຈາກໂລກລະບາດໂຄວິດ - 19 ໄດ້ປະກອບສ່ວນສະແດງໃຫ້ເຫັນນ້ຳໃຈ ແລະ ຄວາມຮັບຜິດຊອບຂອງພັກ, ລັດ ໃນການເບິ່ງແຍງດູແລພໍ່ແມ່ປະຊາຊົນຫວຽດນາມ ອາໄສຢູ່ຕ່າງປະເທດ.
ໂດຍຕອບສະໜອງຄຳຮຽກຮ້ອງຂອງຄະນະກຳມະການແຫ່ງລັດກ່ຽວກັບ ຊາວຫວຽດນາມອາໄສຢູ່ຕ່າງປະເທດ, ໃນຕະຫຼອດໄລຍະທາງ 10 ປີຜ່ານມາ, ຊາວຫວຽດນາມອາໄສຢູ່ຫຼາຍປະເທດໃນໂລກ ຍາມໃດກໍ່ຕັ້ງໜ້າສະໜັບສະໜູນແຫຼ່ງກຳລັງດ້ານວັດຖຸ ແລະ ຈິດໃຈໃຫ້ແກ່ເຈື່ອງຊາ.
ໃນການຢ້ຽມຢາມຄັ້ງນີ້, ພໍ່ແມ່ປະຊາຊົນເຮົາຢູ່ຫຼາຍປະເທດໃນທົ່ວໂລກ ສືບຕໍ່ຕັ້ງໜ້າປະກອບແຫຼ່ງງົບປະມານສຳຄັນເພື່ອຕໍ່ເຮືອອະທິປະໄຕ ແລະ ມອບຂອງຂວັນ, ວັດຖຸສິ່ງຂອງທີ່ຈຳເປັນໜູນຊ່ວຍການດຳລົງຊີວິດ, ວຽກງານຂອງກອງທັບ, ປະຊາຊົນເມືອງເກາະຮ່ວາງຊາ ແລະ ເຮືອນຮ້ານ DK1.
ມາຮອດປັດຈຸບັນ, ພໍ່ແມ່ປະຊາຊົນໄດ້ປະກອບເງິນເປັນຈຳນວນກ່ວາ 215 ລ້ານດົ່ງເພື່ອຊື້ຂອງຂວັນ, ວັດຖຸມອບໃຫ້ເມືອງເກາະເຈື່ອງຊາ ແລະ ເຮືອນຮ້ານ DK1; ປະມານ 2,1 ຕື້ດົ່ງເພື່ອຕໍ່ເຮືອອະທິປະໄຕ.
ຕາມແຜນການແລ້ວ, ຄະນະກຳມະການແຫ່ງລັດກ່ຽວກັບ ຊາວຫວຽດນາມອາໄສຢູ່ຕ່າງປະເທດ ແລະ ບັນດາອົງການຕາງໜ້າ ຫວຽດນາມ ປະຈຳ ຕ່າງປະເທດຈະສືບຕໍ່ຮັບການສະໜັບສະໜູນຂອງ ຊາວຫວຽດນາມອາໄສຢູ່ຕ່າງປະເທດ ເພື່ອຕໍ່ເຮືອອະທິປະໄຕມອບໃຫ້ເມືອງເກາະເຈື່ອງຊາ ແລະ ເຮືອນຮ້ານ DK1 ຈົນຮອດກາງເດືອນມິຖຸນາ ປີ 2022…
ບຸນຄົງ
