| ສະຖານທູດ ຫວຽດນາມ ປະຈຳ ຮຸງກາຣີ ຮັບຊາວຫວຽດນາມ 290 ຄົນ ຈາກ ຢູແກຼນ | |
| ເຄື່ອງເທດ, ໝາກມ່ວງ, ເຂົ້າສານ ຂອງຫວຽດນາມ ສົ່ງອອກຢ່າງເປັນປະຈຳໄປຍັງ ອາເມລິກາ ແລະ EU |
 |
| ທ່ານລັດຖະມົນຕີການຕ່າງປະເທດ ຫວຽດນາມ ບູຍແທັງເຊີນ ກໍາລັງມີການໂອ້ລົມທາງໂທລະສັບ (ພາບ:TTXVN) |
ທີ່ການໂອ້ລົມທາງໂທລະສັບ, ທ່ານລັດຖະມົນຕີ ບູຍແທັງເຊີນ ເນັ້ນໜັກວ່າ ຫວຽດນາມ ຍາມໃດກໍຖືເປັນສຳຄັນການພົວພັນກັບ EU ແລະ ປາດຖະໜາຢາກໃຫ້ການພົວພັນລະຫວ່າງ ສອງ ຝ່າຍມີຄວາມເລິກເຊິ່ງກ່ວາອີກໃນໄລຍະຈະມາເຖິງ.
ສອງຝ່າຍເຫັນດີເປັນເອກະພາບ ຈະເພີ່ມທະວີການແລກປ່ຽນຄະນະຂັ້ນສູງ, ຜັນຂະຫຍາຍບັນດາກົນໄກໃນການຮ່ວມມືທີ່ມີຢູ່ແລ້ວນັ້ນຢ່າງມີປະສິດທິຜົນ, ສົມທົບກັນຢ່າງແໜ້ນແຟ້ນຢູ່ບັນດາເວທີປາໄສຫຼາຍຝ່າຍ; ຊຸກຍູ້ການຮ່ວມມືອາຊຽນ - ອີຢູ, ເປີດກວ້າງການຮ່ວມມືໃນທຸກຂົງເຂດພະລັງງານ, ມີການປັບຕົວເຂົ້າກັບການປ່ຽນແປງຂອງດິນຟ້າອາກາດ, ການຫັນປ່ຽນສີຂຽວ, ເສດຖະກິດດີຈີຕອນ, ພື້ນຖານໂຄງລ່າງ...
ຜູ້ຕາງໜ້າຂັ້ນສູງ EU ໄດ້ຮັບຮູ້ການສະເໜີຂອງຫວຽດນາມ ກ່ຽວກັບການຍົກເລີກບັດເຫຼືອງ IUU ສໍາລັບສິນໃນນໍ້າ ຫວຽດນາມ ໂດຍໄວ ແລະ ຊຸກຍູ້ບັນດາປະເທດສະມາຊິກໃຫ້ສັດຕະຍາບັນ ສັນຍາອາລັກຂາການລົງທຶນ ຫວຽດນາມ - EU (EVIPA). ປຶກສາຫາລືກ່ຽວກັບບັນດາບັນຫາສາກົນ, ພາກພື້ນທີ່ຕ່າງຝ່າຍຕ່າງມີຄວາມສົນໃຈ, ໃນນັ້ນມີສະພາບການຢູ່ ຢູແກຼນ, ທ່ານລັດຖະມົນຕີ ບູຍແທັງເຊີນ ຢືນຢັນຫຼັກໝັ້ນຢ່່າງສະເໝີຕົ້ນສະເໝີປາຍຂອງ ຫວຽດນາມ, ນັ້ນແມ່ນຢືດໝັ້ນສະໜັບສະໜູນການແກ້ໄຂການຄັດແຍ່ງກັນ, ບໍ່ລົງຮອຍກັນ ໂດຍສັນຕິວິທີ ບົນພື້ນຖານເຄົາລົບກົດບັດ ສະຫະປະຊາຊາດ ແລະ ຫຼັກການພື້ນຖານຂອງກົດໝາຍສາກົນ; ຮັບປະກັນຄວາມໝັ້ນຄົງ, ຄວາມປອດໄພຂອງສາມັນຊົນ, ປົກປັກຮັກສາພື້ນຖານໂຄງລ່າງພົນລະເຮືອນທີ່ຈໍາເປັນ; ສະໜັບສະໜູນ ແລະ ພ້ອມແລ້ວທີ່ຈະປະກອບສ່ວນຢ່າງຕັ້ງໜ້າເຂົ້າໃນບັນດາກິດຈະກໍາໜູນຊ່ວຍດ້ານມະນຸດສະທຳ, ຂະບວນການທາງການທູດ, ການໂອ້ລົມສົນທະນາ ແລະ ເຈລະຈາ ກໍຄືໃນການການກໍ່ສ້າງ ແລະ ຟື້ນຟູຄືນໃໝ່ຢູ່ ຢູແກຼນ.
ກໍ່ໃນວັນດຽວກັນນັ້ນ, ທ່ານລັດຖະມົນຕີ ບູຍແທັງເຊີນ ໄດ້ມີໂອ້ລົມທາງໂທລະສັບກັບທ່ານລັດຖະມົນຕີກະຊວງການຕ່າງປະເທດ ແລະ ເສດຖະກິດການຕ່າງປະເທດ ຮຸງກາຣີ Szijjártó Péter. ທັງສອງຝ່າຍຢືນຢັນ ຖືເປັນສຳຄັນການພົວພັນຄູ່ຮ່ວມມືຮອບດ້ານລະຫວ່າງຫວຽດນາມ - ຮຸງກາຣີ; ເຫັນດີເປັນເອກະພາບຈະສືບຕໍ່ຂຸດຄົ້ນບັນດາທ່າແຮງ ແລະ ຄວາມສາມາດບົ່ມຊ້ອນ, ເພີ່ມທະວີການຮ່ວມມືຢ່າງມີປະສິດທິຜົນ, ແທ້ຈິງໃນໄລຍະຈະມາເຖິງນີ້, ສົມທົບກັນຢ່າງຕັ້ງໜ້າໃນການກະກຽມເນື້ອໃນໃຫ້ແກ່ກອງປະຊຸມຄັ້ງທີ 10 ຂອງຄະນະກຳມະປະສົມກ່ຽວກັບການຮ່ວມມືເສດຖະກິດ ຫວຽດນາມ - ຮຸງກາຣີ ໃນໄລຍະຈະມາເຖິງນີ້.
ທ່ານລັດຖະມົນຕີ ບູຍແທັງເຊີນ ຂອບອົກຂອບໃຈ ຮຸງກາຣີ ທີ່ໄດ້ໃຫ້ການບຸລິມະສິດແກ່ ຫວຽດນາມ ໃນການໜູນຊ່ວຍພັດທະນາ, ຕີລາຄາສູງຕໍ່ຄວາມມານະພະຍາຍາມຂອງທັງສອງຝ່າຍໃນການຊຸກຍູ້ບັນດາໂຄງການຮ່ວມມືທີ່ນຳໃຊ້ ODA ຂອງລັດຖະບານຮຸງກາຣີ, ໃນນັ້ນມີໂຄງການໂຮງໝໍມະເຮັງຄໍໜຽງ ເກີນເທີ.
ຫອມມາລາ
