| ຝຣັ່ງ ເພີ່ມທະວີການຊື້ແກ່ນໝາກມ່ວງຫິມະພານຂອງຫວຽດນາມ, ຫຼຸດຜ່ອນການນຳເຂົ້າແກ່ນໝາກມ່ວງຫິມະພານຂອງອິນເດຍ | |
| ຫວຽດນາມ ສົ່ງເສີມ ກຸ້ງ 160 ໂຕນໄປຍັງ EU, ອາເມລິກາ ແລະ ຍີ່ປຸ່ນ ໃນຕົ້ນປີ 2021 |
ພືດຜັກ-ໝາກໄມ້ ແລະ ເຂົ້າ ເປັນສອງປະເພດສິນຄ້າສົ່ງອອກກວ່າ 3 ຕື້ໂດລາ USD ຂອງຂະແໜງການກະສິກຳ. ປີທີ່ຜ່ານມາ, ສອງຂະແໜງສິນຄ້ານີ້ປະກອບສ່ວນກວ່າ 6,7 ຕື້ໂດລ້າ USD, ສ່ວນອີກຂະແໜງສິນຄ້າໜຶ່ງທີ່ມີມູນຄ່າສົ່ງອອກເກືອບສິບຕື້ ແລະ ກວ່າສິບຕື້ໂດລາ USD ກໍຄື ສິນຄ້າໄມ້, ສິນຄ້າການປະມົງ,… ໄດ້ຊ່ວຍຂະແໜງການກະສິກຳນຳລາຍຮັບມາກວ່າ 48,6 ຕື້ໂດລາ USD ໃນປີ 2021.
 |
| ພາບປະກອບ: doanhnghiephoinhap.vn |
ສະມາຄົມສະບຽງອາຫານຫວຽດນາມ (VFA) ຄາດຄະເນວ່າ, ການສົ່ງອອກເຂົ້າຂອງຫວຍດນາມໃນປີ 2022 ຍັງຄົງຮັບປະກັນຈຳນວນແຕ່ 6 ຫາ 6,2 ລ້ານໂຕນ ທຽບເທົ່າກັບປີ 2020 ແລະ 2021 ດ້ວຍມູນຄ່າກວ່າ 3,2 ຕື້ໂດລາ USD.
ການສົ່ງອອກເຂົ້າໃນປີ 2022 ຈະຮັກສາອັນດັບທີ່ດີ ເພາະຂະແໜງການອຸດສາຫະກຳເຂົ້າຂອງຫວຽດນາມນັບມື້ໄດ້ຮັບການປັບປຸງທາງດ້ານຄຸນນະພາບໃຫ້ດີຂຶ້ນ (ປະລິມານເຂົ້າຫອມ ເພີ່ມຂຶ້ນ, ຜົນຜະລິດເຂົ້າກໍດີຂຶ້ນ). ບັນດາວິສາຫະກິດຜູ້ປະກອບການໃຫຍ່ເຊັ່ນ: ໂລກເຈີ່ຍ, ເຕິນລອງ, Intimex, ຈູງອານ… ຍັງຄົງໄດ້ຮັບການເຊັນສັນຍາຈາກຄູ່ຮ່ວມມືໃນຈຳນວນສິນຄ້າທີ່ຫຼາຍ, ມູນຄ່າສູງ. ປີ 2022, ບັນດາຂະແໜງສິນຄ້ານີ້ສືບຕໍ່ເປັນເສົາຫຼັກເພື່ອຊ່ວຍຂະແໜງການກະສິກຳບັນລຸເປົ້າໝາຍທີ່ວາງໄວ້ໃນມູນຄ່າການສົ່ງອອກກວ່າ 50 ຕື້ໂດລາ USD.
ແຕ່ຫາກບໍ່ເປັນພຽງການຄອງຖ້າໃນບັນດາຂະແໜງສິນຄ້າແຮງຫຼັກທີ່ກ່າວຂ້າງເທິງນັ້ນ, ການລົງທຶນ, ການຂຸດຄົ້ນພື້ນທີ່ຕະຫຼາດດ້ວຍປະເພດສິນຄ້າເຊັ່ນເຄື່ອງປຸງເຄື່ອງເທດ ກໍມີແນວໂນ້ມທີ່ດີເຊັ່ນກັນ.
ທ່ານ ຫງວຽນຈູງຢຸງ, ຜູ້ອຳນວຍການໃຫຍ່ບໍລິສັດຮຸ້ນສ່ວນ Dh Foods ຄາດຫວັງວ່າ, ຄູ່ຮ່ວມມື Heritage Beverage ຈະຊ່ວຍ Dh Foods ຍາດແຍ່ງ “ສິ້ນສ່ວນ” ແຫຼ່ງຕະຫຼາດຜະລິດຕະພັນອາຫານທະວີບອາຊີ ທີ່ອາເມລິກາ, ມູນຄ່າເຖິງ 40 ຕື້ໂດລາ USD ຮັບໃຊ້ໃຫ້ແກ່ປະມານ 30 ລ້ານຄົນທີ່ຊາດກຳເນີດອາຊີ, ໃນນັ້ນມີ 3 ລ້ານຄົນຊາດກຳເນີດຫວຽດນາມ ແລະ ປະຊາຊົນອາເມລິການທີ່ມັກໃນຣົດຊາດທາງເວັນອອກ. ຕາມການຄິດໄລ່ຄາດການມີເຖິງ 80% ຮ້ານຊັບພະສິນຄ້າຢູ່ອາເມລິກາທີ່ມີແຜງຂາຍຜະລິດຕະພັນອາຫານທະວີບອາຊີ.
ໃນປັດຈຸບັນ, ບັນດາວິສາຫະກິດສົ່ງອອກເຄື່ອງເທດ ແລະ ເຄື່ອງປຸງຂອງຫວຽດນາມ ກໍລັງນັບມື້ຕອບສະໜອງຄວາມຕ້ອງການຕ່າງໆໄດ້ດີ, ຄວາມຮຽກຮ້ອງອັນເຄັ່ງຄັດຂອງຄູ່ຮ່ວມມືຕ່າງປະເທດ, ມີຄວາມສາມາດຕອຍສະໜອງຜະລິດຕະພັນຕ່າງໆທີ່ມີມູນຄ່າເພີ່ມສູງ, ຄຸນນະພາບດີ ແລະ ປອດໄພ ໃຫ້ແກ່ຜູ້ນຳເຂົ້າອັນດັບຕົ້ນ ແລະ ບັນດາເຄື່ອຄ່າຍຈ່າໜ່າຍລະດັບສູງໃນຫຼານພາກພື້ນໃນໂລກ.
ວິລະຊົນ
