| ຂຸດຄົ້ນຄວາມສາມາດບົ່ມຊ້ອນໃນການຮ່ວມມືລະຫວ່າງ ຫວຽດນາມ ກັບ ນະຄອນ Nice ແລະ ປະເທດ ໂມນາໂກ | |
| ຫວຽດນາມ ບັນລຸໄດ້ຂໍ້ຕົກລົງກ່ຽວກັບການຮັບຮອງໜັງສືຜ່ານແດນວັກຊີນກັບ 19 ປະເທດ |
 |
| ທ່ານ ຄໍາເຈນ ວົງໂພສີ ລັດຖະມົນຕີກະຊວງແຜນການ ແລະການລົງທຶນ ລາວ. ພາບ: vov.vn |
ເມື່ອໃຫ້ສໍາພາດຕໍ່ນັກຂ່າວວິທະຍຸກະຈາຍສຽງຫວຽດນາມ ປະຈໍາ ສປປ ລາວ, ທ່ານ ຄໍາເຈນ ວົງໂພສີ ລັດຖະມົນຕີກະຊວງແຜນການ ແລະການລົງທຶນ ລາວ ໃຫ້ຮູ້ວ່າ ປັດຈຸບັນ ມີ 417 ໂຄງການລົງທຶນຂອງວິສາຫະກິດຫວຽດນາມ ຢູ່ ລາວ ດ້ວຍເງິນລົງທຶນທັງໝົດປະມານ 4,3 ຕື້ໂດລາສະຫະລັດ, ຢືນອັນດັບ 3 ໃນຈໍານວນ 54 ປະເທດ ແລະເຂດແຄວ້ນ ທີ່ມີການເຄື່ອນໄຫວລົງທຶນ ຢູ່ ລາວ.
ປີ 2021, ລັດຖະບານ ລາວ ໄດ້ອອກໜັງສືອະນຸຍາດໃຫ້ 3 ໂຄງການລົງທຶນຂອງວິສາຫະກິດຫວຽດນາມ, ໃນນັ້ນ 2 ໂຄງການແມ່ນໃນຂົງເຂດຂຸດຄົ້ນແຮ່ທາດ ແລະ 1 ໂຄງການແມ່ນຂົງເຂດທະນາຄານ. ທ່ານລັດຖະມົນຕີ ຄໍາເຈນ ວົງໂພສີ ໃຫ້ຮູ້ຕື່ມອີກວ່າ ລັດຖະບານລາວ ພວມສືບຕໍ່ສົມທົບກັນແກ້ໄຂບັນດາບັນຫາຫຍຸ້ງຍາກໃນການຜັນຂະຫຍາຍບາງໂຄງການຂະໜາດໃຫຍ່ຂອງວິສາຫະກິດສອງປະເທດ ໃນຂົງເຂດພະລັງງານ, ແຮ່ທາດ, ກໍ່ສ້າງພື້ນຖານໂຄງລ່າງ, ຜະລິດກະສິກໍາ-ປ່າໄມ້ ເພື່ອສາມາດຜັນຂະຫຍາຍຕາມເນື້ອໃນຈິດໃຈບົດບັນທຶກ ທີ່ໄດ້ລົງນາມ...
ທ່ານ ຄໍາເຈນ ວົງໂພສີ ເນັ້ນໜັກວ່າ ບັນດາຜົນການຮ່ວມມື ເຊິ່ງ ສອງຂະແໜງແຜນການ ແລະການລົງທຶນ, ກໍຄືຄະນະກໍາມະການຮ່ວມມືສອງປະເທດ ລາວ-ຫວຽດນາມ; ຫວຽດນາມ-ລາວ ບັນລຸໄດ້ໃນໄລຍະຜ່ານມາ ໄດ້ປະກອບສ່ວນເຂົ້າໃນການພັດທະນາການພົວພັນລະຫວ່າງສອງປະເທດ ຫວຽດນາມ-ລາວ ໃຫ້ນັບມື້ນັບເລິກເຊິ່ງກວ້າງຂວາງ.
ທ່ານຄຳເຈນ ສົງໂພສີ ໃຫ້ຮູ້ວ່າ, ໃນປີ 2022 ນັ້ນ ສອງປະເທດໄດ້ຕົກລົງກັນໄວ້ວ່າຈະພ້ອມກັນຈັດງານສະເຫຼີມສະຫຼອງປີສາມັກຄີມິດຕະພາບຂຶ້ນ ເພື່ອສະແດງເຖິງອຸດົມການທີ່ໜ່ຽວແນ່ຂອງສອງປະເທດລາວ-ຫວຽດນາມໃນການສຶບຕໍ່ເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອເຊິ່ງແມ່ນປະທານໂຮ່ຈິມິນຜູ້ຍິ່ງໃຫ່ຍ ແລະ ປະທານໄກສອນພົມວິຫານຜູ້ນໍາທີ່ເຄົາລົບຮັກໄດ້ສ້າງພື້ນຖານໄວ້, ຊຸກຍູ້ການຮ່ວມມືສອງປະເທດໃຫ້ເຂົ້າສູ່ລວງເລີກ ເພື່ອນຳເອົາຜົນປະໂຫຍກອັນແທ້ຈິງມາໃຫ້ສອງປະເທດຫວຽດນາມ ແລະ ລາວ ເຊິ່ງທັງປັນໂອກາດສະແດງເຖິງຄວາມຮູ້ບຸນຄຸນກະຕັນຍູກະຕະເວທີຕໍ່ການຊ່ວຍເຫຼືອອູ້ມຊູເຊິ່ງກັນ ແລະ ກັນ.
ໂດຍສະເພາະແມ່ນການຊ່ວຍເຫຼືອທີ່ລໍ້າຄ່າຂອງຫວຽດນາມໃນອະດີດ, ທັງເປັນໂອກາດສຶກສາອົບຮົມໃຫ້ພະນັກງານລັດຖະກອນ, ໃນຖັນແຖວກຳລັງປະກອບອາວຸດ ແລະ ປະຊາຊົນ ພິເສດແມ່ນເຮັດໃຫ້ຄົນຮຸ່ນໜຸ່ມນ້ອຍຮັບຮູ້ຢ່າງຖ່ອງແທ້ເພື່ອສືບຕໍ່ປົກປັກຮັກສາ ແລະ ເສີມຂະຫຍາຍມູນເຊື້ອອັນດີງາມດັ່ງກ່າວ, ກໍຄືການປົກປັກຮັກສາໝາກຜົນຂອງການປະຕິວັດທີ່ສອງຊາດຫວຽດນາມ-ລາວຍາດມາໄດ້ໄວ້ໃຫ້ໝັ້ນຄົງ.
la.qdnd.vn
