ໂລກເຊີດຊູ, ຮັກສາ ​ແລະ ​ເສີມຂະຫຍາຍ​ມໍລະດົກກ່ຽວກັບ​ປະທານ​ໂຮ່ຈິີມິນ

	ສະຫາຍ ເລວັນ ຫຽນ ໄດ້ປະກອບສ່ວນສຳຄັນ ເຂົ້າໃນການຮັດແໜ້ນ ສາຍພົວພັນ ມິດຕະພາບ ທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ຫວຽດນາມ ແລະ ລາວ
	ລັດຖະມົນຕີການຕ່າງປະເທດເຊັກໂກ ຕີລາຄາສູງການພັດທະນາອັນດີງາມຂອງສາຍພົວພັນມິດຕະພາບທີ່ເປັນມູນເຊື້ອ ແລະການຮ່ວມມືຮອບດ້ານລະຫວ່າງສ.ເຊັກໂກ ແລະຫວຽດນາມ ໃນໄລຍະຜ່ານມາ

ອະນຸສາວະລີ ໂຮ່ຈີມິນ ຢູ່ຕ່າງປະເທດ ໄດ້ກາຍເປັນມໍລະດົກ, ຮ່ອງຮອຍຂອງປະທານ ໂຮ່ຈີມິນ, ຮ່ອງຮອຍຂອງຫວຽດນາມ ຢູ່ຫຼາຍປະເທດໃນໂລກ.

ປີ 1987, ກອງປະຊຸມສະມັດຊາ​ໃຫຍ່ຂອງ​ອົງການ​ການ​ສຶກສາ, ວິທະຍາສາດ ​ແລະ ວັດທະນະທຳ​ສະຫະ​ປະຊາ​ຊາດ (UNESCO) ​ໄດ້​ອອກ​ມະຕິ​ສະ​ເຫຼີ​ມສະຫຼອງ 100 ປີ ​ແຫ່ງ​ວັນ​ຄ້າຍ​ວັນ​ເກີດ​ປະທານ ​ໂຮ່ຈີ​ມິນ ​ດ້ວຍຖານະ “ວິລະ​ຊົນ​ປົດ​ປ່ອຍ​ຊາດ, ນັກວັດທະນະທຳ​ທີ່​ດີ​ເດັ່ນ; ​ໄດ້​ຮັບ​ຮູ້​ປະທານ ​ໂຮ່ຈີ​ມິນ ​ແມ່ນ​ໜຶ່ງ​ໃນ​ບັນດາ​ບຸກຄົນ​ດີ​ເດັ່ນ​ທີ່​ໄດ້​ສ້າງ​ຂີດ​ໝາຍ​ແຫ່ງ​ການ​ພັດທະນາ​ຂອງມວນ​ມະນຸດ ​ແລະ ຮຽກຮ້ອງ​ໃຫ້​ບັນດາ​ປະ​ເທດ​ພ້ອມກັນເຄົາລົບ​ນັບຖື​ປະທານ ​ໂຮ່ຈີ​ມິນ ຜ່ານ​ບັນດາ​ການ​ເຄື່ອນ​ໄຫວ​ລະນຶກທີ່ແຕກຕ່າງກັນ. ນັບ​ແຕ່​ນັ້ນ​ມາ, ບັນດາ​ການ​ເຄື່ອນ​ໄຫວ​ເພື່ອ​ເຊີດ​ຊູ​ປະທານ ​ໂຮ່ຈີ​ມິນ ​ໄດ້​ດຳ​ເນີນ​ໄປ​ໃນ​ທົ່ວ​ໂລກ.

ບັນດາຜູ້ແທນເຂົ້າຮ່ວມ​ພິທີ​ຕັ້ງຮູບປັ້ນ ​ປະທານ ​ໂຮ່ຈີ​ມິນ ຢູ່​ນະຄອນ ນິວ​ແດນ​ລີ, ປະເທດອິນເດຍ ໃນວັນທີ 1 ກັນຍາ ປີ 2021. ພາບ: vovworld.vn

ໃນຕອນ​ເຊົ້າ​ວັນ​ທີ 1 ກັນຍາ ປີ 2021, ສະຖານທູດ​ຫວຽດນາມ ປະຈຳ ອິນ​ເດຍ ສົມທົບ​ກັບ​ກະຊວງ​ການ​ຕ່າງປະ​ເທດ ອິນ​ເດຍ ​ແລະ ອໍານາດການປົກຄອງ ນິວ​ແດນລີ ​ໄດ້​ຈັດ​ພິທີ​ຕັ້ງຮູບປັ້ນ ​ປະທານ ​ໂຮ່ຈີ​ມິນ ຢູ່​ນະຄອນ ນິວ​ແດນ​ລີ. ພິທີຕັ້ງຮູບປັ້ນ ແມ່ນໜຶ່ງໃນບັນດາໄລຍະສຸດທ້າຍເພື່ອກະກຽມໃຫ້ແກ່ພິທີຕັ້ງ ອະນຸສາວະລີປະທານ ໂຮ່ຈີມິນ ຢູ່ນະຄອນນິວ​ແດນ​ລີ ເນື່ອງໃນໂອກາດສະ ເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ ແລະ ອິນເດຍ.

ຕໍ່ຈາກນັ້ນ, ເດືອນ ກັນຍາ ປີ 2021, ສະຖານທູດ ຫວຽດນາມ ປະຈຳ ຈີເລ ໄດ້ສົມທົບກັບອຳນາດການປົກຄອງເມືອງ Recoleta ແລະ Santiago, ສະຖາບັນວັດທະນະທໍາມິດຕະພາບ ຈີເລ - ຫວຽດນາມ ແລະ ສະມາຄົມຈິດຕະກອນສ້າງຮູບແບບ ຈີເລ ຈັດຕັ້ງງານວາງສະແດງ ຮູບພາບປະທານ ໂຮ່ຈີມິນ: ວິລະຊົນປົດປ່ອຍຊາດ, ນັກວັດທະນະທໍາດີເດັ່ນ.

ຮອດວັນ​ທີ 26 ພະຈິກ ປີ 2021, ສະຖານທູດ​ຫວຽດນາມ ປະຈຳ ຝລັ່ງ ​ແລະ ອຳນາດ​ການ​ປົກຄອງ​ນະຄອນ Marseille ​ໄດ້​ຈັດ​ພິທີ​ເປີດປ້າຍ​ລະນຶກ​ປະທານ ​ໂຮ່ຈີ​ມິນ ຢູ່​ທ່າ​ກຳ​ປັ່ນ​ເກົ່ານະຄອນ Marseille, ບ່ອນ​ທີ່​ປະທານ ​ໂຮ່ຈີ​ມິນ ​ໄດ້​ເດີນທາງ​ມາ​ ຝລັ່ງ ​ເມື່ອ​ປີ 1911.

ກ່າວຄໍາເຫັນຢູ່ທີ່ນີ້, ທ່ານ​ນາງ Audrey Garino, ຮອງ​ເຈົ້າ​ຄອງ​ນະຄອນ​ຮັບຜິດຊອບ​ບັນດາ​ບັນຫາ​ສັງຄົມ, ຄວາມ​ສາມັກຄີ, ຕໍ່ສູ້​ຕ້ານ​ຄວາມອຶດຫິວ-​ທຸກ​ຍາກ ​ແລະ ຄວາມ​ສະ​ເໝີ​ພາບ​ດ້ານ​ກາລະ​ໂອກາດ​ຂອງນະຄອນ Marseille ໄດ້ຖືວ່າ: ປະທານ ​ໂຮ່ຈີ​ມິນ, ໂດຍຜ່ານ​ການດຳລົງຊີວິດ​ຂອງ​ຕົນ ​ແລະ ບັນດາ​ຂີດໝາຍທີ່ປະ​ໄວ້​ໃນ​ປະຫວັດສາດ​ສະຕະວັດ​ ທີ 20, ໄດ້ເປັນປະຫວັດ​ສາດ​ລວມ​ຂອງ​ປະ​ເທດຊາດ ​ແລະ ປະຊາຊົນສອງປະເທດ​ຝລັ່ງ ​ແລະ ຫວຽດນາມ: “ນັ້ນ​ແມ່ນ​ປະຫວັດສາດ​ທີ່​ພວກ​ເຮົາຄິດເຖິງ​ໃນ​ທຸກ​ວັນ​ນີ້, ​ປະ​ຫວັດ​ສາດໄດ້ນໍາປະທານ ​ໂຮ່ຈີ​ມິນ ພົບປະກັບນະຄອນ ແລະ ປະຊາຊົນ Marseille ໃນຊີວິດທີ່ເຕັມໄປດ້ວຍບັນດາເຫດການຂອງທ່ານ. ປ້າຍລະນຶກນີ້ພິສູດໃຫ້ປະຫວັດສາດນັ້ນ ແລະ ຍາມໃດມັນ ກໍ່ຈະຕັກເຕືອນພວກເຮົາ, ໃຫ້ພວກເຮົາມີຄວາມຊົງຈໍານໍ້າໃຈເພື່ອນມິດ ທີ່ຈິງໃຈລະຫວ່າງສອງຊາດ”...

​ມາ​ຮອດ​ປະຈຸ​ບັນ, 22 ປະ​ເທດ​ຢູ່ ​ອາຊີ, ​ເອີ​ລົບ, ອາ​ເມ​ລິ​ກາ ​ລາ​ຕິນ ​ແລະ ອາ​ຟະລິກາ ​ໄດ້​ມີ 29 ຮູບ​ປັ້ນ, ອະນຸສາວະລີ​ປະທານ​ ໂຮ່ຈິີມິນ, ​ເຊິ່ງ​ເປັນ​ສັນຍາ​ລັກ​ແຫ່ງ​ນ້ຳ​ໃຈ​ສາມັກຄີ, ມິດຕະພາບ​ຫວຽດນາມ - ຫວຽດນາມ ​ແລະ ​ແມ່ນ​ສະຖານ​ທີ່​ຮັກສາ​ຄວາມ​ຊົງ​ຈຳ​ຂອງ​ປະທານ ​ໂຮ່ຈິ​ມິນ ​ແລະ ​ເປັນ​ບ່ອນ​ຈັດ​ຕັ້ງ​ການ​ເຄື່ອນ​ໄຫວ​ແລກປ່ຽນ​ກັບ​ປະຊາຊົນ ​ແລະ ​ເພື່ອນ​ມິດສາ​ກົນ. ກະຊວງ​ການ​ຕ່າງປະ​ເທດ​ຫວຽດນາມ ກໍ່ໄດ້ກໍ່​ສ້າງ ​ແລະ ສ້ອມ​ແປງ​ບັນດາ​ສະຖານ​ທີ່​ລະນຶກ, ຫໍພິພິທະ​ພັນ ​ແລະ ອື່ນໆ ຢູ່​ບັນດາ​ສະຖານ​ທີ່​ປະທານ ​ໂຮ່ຈີ​ມິນ ດຳລົງ​ຊີວິດ ​ແລະ ​ເຮັດ​ວຽກ.

ປະຈຸ​ບັນ, ມີ 11 ສະຖານ​ທີ່​ລະນຶກ​ເຖິງ​ປະທານ​ ໂຮ່ຈິ​ມິນ ຢູ່​ຕ່າງປະ​ເທດ, ​ໃນ​ນັ້ນ​ມີ 8 ກິດຈະກໍາ​ຢູ່​ຈີນ, ລາວ, ​ໄທ, 3 ກິດຈະກໍາ​ຢູ່​ຝລັ່ງ, ລັດ​ເຊຍ ​ແລະ ​ເຢຍລະ​ມັນ. ສ່ວນຫຼາຍບັນດາກິດຈະກໍາ​ເຫຼົ່າ​ນີ້​ ​ໄດ້​ຮັບ​ການ​ກໍ່ສ້າງ​ດ້ວຍ​ແຫຼ່ງທຶນ​ຂອງ​ທ້ອງ​ຖິ່ນ, ພົ້ນເດັ່ນແມ່ນ​ຢູ່​ຈີນ, ​ໄທ, ລາວ... ​ໄດ້​ສະ​ແດງ​ໃຫ້​ເຫັນ​ຄວາມ​ເຄົາລົບ​ນັບຖື​ຂອງ​ປະຊາຊົນ​ໂລກ ທີ່ມີ​ຕໍ່​ປະທານ ​ໂຮ່ຈິ​ມິນ ​ແລະ ຫວຽດນາມ ​ ເວົ້າ​ລວມ.

ຮູບປັ້ນປະທານ ໂຮ່ຈີມິນ ຢູ່ຂ້າງໂຕະ ແລະ ຕັ່ງຫວາຍແບບງ່າຍດາຍ.ພາບ: baotanglichsuquocgia.vn

ບັນດາ​ສຳນັກງານ​ຜູ້​ຕາງໜ້າ​ກໍ່​ໄດ້​ວາງ​ແຜ່ນ ​ແລະ ຕິດ​ປ້າຍ​ທອງ​ແດງ​ຢູ່​ສິງກະ​ໂປ, ອັງກິດ, ສະ​ໂລ​ວາ​ກີ, ອິນ​ເດຍ ​ແລະ ຝະຣັ່ງ... ​ເພື່ອ​ບັນທຶກ​ສະຖານ​ທີ່​ປະທານ ​ໂຮ່ຈີ​ມິນ ດຳລົງ​ຊີວິດ, ສຶກສາ, ​ເຮັດ​ວຽກ ຫຼື ເຄີຍໄດ້ໄປຜ່ານ​.

ທ່ານ ປອ ຈູດຶກຕິ໊ງ, ອະດີດ​ຜູ້​ອຳ​ນວຍ​ການ​ຫໍພິພິທະ​ພັນ ​ໂຮ່ຈີ​ມິນ ​ໄດ້​ເຂົ້າ​ຮ່ວມ​ໂຄງການ​ເຊີດ​ຊູ​ປະທານ ​ໂຮ່ຈີ​ມິນ ຢູ່​ຕ່າງປະ​ເທດ ​ແຕ່​ປີ 2009 – 2019 ໂດຍກົງ, ​ໃຫ້​ຮູ້​ວ່າ: “ບໍ່ວ່າຢູ່​ປະ​ເທດ​ໃດ (ຢູ່ ອາຊີ, ​ເອີ​ລົບ ຫລື ອາ​ເມ​ລິ​ກາ​ໃຕ້, ອາ​ເມ​ລິ​ກາ​ກາງ), ​ເມື່ອພວກຂ້າພະເຈົ້າໄປເຮັດວຽກກ່ຽວກັບເລື່ອງຕັ້ງອະນຸສາວະລີປະທານ ໂຮ່ຈີມິນ ​ພວກ​ຂ້າພະ​ເຈົ້າ​ລ້ວນ​ແຕ່​ໄດ້​ຮັບ​ຄວາມ​ເຫັນ​ດີ​ເຫັນ​ພ້ອມ​ຈາກ​ສະພາ​ປະຊາຊົນ​ນະຄອນ​ປະເທດປະຈໍາຖິ່ນ. ນັ້ນແມ່ນສິ່ງທີ່ພວກ​ຂ້າພະ​ເຈົ້າ ​ຮູ້ສຶກ​ເອກອ້າງທະນົງໃຈ​ ​ແລະ ​ຕື້ນຕັນໃຈທີ່​ສຸດ ຍ້ອນ​ລຸງ​ໂຮ່ ຍາມ​ໃດ​ກໍ່​ໄດ້​ຮັບ​ຄວາມ​ເຄົາລົບ​ນັບຖື​ຈາກ​ບັນດາ​ເພື່ອນ​ມິດໂລກ".

ຕາມຂໍ້ມູນຂອງ​ຫໍພິພິທະ​ພັນ​ໂຮ່ຈິ​ມິນ, ປະທານ ​ໂຮ່ຈີ​ມິນ ​ໄດ້​ໄປ​ຢ້ຽມຢາມ 56 ປະ​ເທດ​ໃນ​ທົ່ວ​ໂລກ. ການ​ຕັ້ງ​ຊື່​ໂຮງຮຽນ ​ແລະ ຫ້ອງ​ຮຽນ​ຊື່ “​ໂຮ່ຈີ​ມິນ” ກໍ່​ໄດ້ປະຕິບັດ​ຢູ່​ຫຼາຍ​ປະ​ເທດ​ ຄື: ລັດ​ເຊຍ, ຢູ​ແກຼນ, ມົງ​ໂກ​ລີ, ສ.​ເກົາຫຼີ, ​ເມັກ​ຊິກ, ກູ​ບາ... ປະຈຸ​ບັນ, ມີ 20 ​ເສັ້ນທາງທີ່ມີ ຊື່ປະທານ ໂຮ່ຈີມິນ. ​ເລື່ອງ​ຈັດ​ພິມ ​ແລະ ຈຳໜ່າຍ​ບັນດາສື່​ສິ່ງ​ພິມ, ປຶ້ມ, ຮູບ​ເງົາ​ກ່ຽວ​ກັບ​ປະທານ ​ໂຮ່ຈີ​ມິນ ກໍ່ໄດ້ຮັບ​ຄວາມ​ສົນ​ໃຈ, ​ໃນ​ນັ້ນ​ມີ​ເກືອບ 40 ປຶ້ມ​ຂອງ​ນັກ​ປະພັນ​ຕ່າງປະ​ເທດ​ ແນະນຳ​ຊີວະ​ປະຫວັດ​, ພິໄນກຳ ​ແລະ ພາລະກິດຂອງ​ປະທານ ​ໂຮ່ຈີ​ມິນ.

ອະນຸສາວະລີ ໂຮ່ຈີມິນ ຢູ່ຕ່າງປະເທດ ໄດ້ກາຍເປັນມໍລະດົກ, ຮ່ອງຮອຍສັກກາລະຂອງ ປະທານ ໂຮ່ຈີມິນ, ເປັນເຄື່ອງໝາຍຂອງ ຫວຽດນາມ ຢູ່ແຕ່ລະປະເທດ. ທັງ​ແມ່ນ​ຮູບ​ແບບ​ການ​ຮັກສາ​ນາມມະຍົດ​ວິລະ​ຊົນ​ປົດ​ປ່ອຍ​ຊາດ​ຫວຽດນາມ ຕະຫຼອດ​ໄປ ​ແລະ ​ແມ່ນ​ວິທີ​ການ​ທີ່​ສົມຄວນ​ໄດ້​ຮັບ​ການ​ເຄົາລົບ​ນັບຖື.