| ຮ່າໂນ້ຍແບ່ງແລວທາງຈາລະຈອນ ໃນໄລຍະຈັດຕັ້ງ SEA Games 31 | |
| ຫວຽດນາມ ແລະ ໂມນາໂກ ມີຄວາມສາມາດບົ່ມຊ້ອນຫຼາຍຢ່າງເພື່ອພັດທະນາການຮ່ວມມື |
 |
| ພາບປະກອບ: TTXVN |
ງານມະຫາກຳກິລາ ອາຊີຕາເວັນອອກສ່ຽງໃຕ້ຄັ້ງທີ 31 (SEA Games 31) ຈະດຳເນີນໃນລະຫວ່າງວັນທີ 5 – 23 ພຶດສະພາ ຢູ່ນະຄອນຫຼວງຮ່າໂນ້ຍ ແລະ 12 ແຂວງ, ນະຄອນ.
ນີ້ແມ່ນເຫດການກິລາໃຫຍ່ທີ່ສຸດໃນພາກພື້ນ ເຊິ່ງປະກອບສ່ວນເພີ່ມທະວີນ້ຳໃຈສາມັກຄີ, ມິດຕະພາບລະຫວ່າງບັນດາປະເທດໃນພາກພື້ນ ອາຊຽນ.ນີ້ກໍ່ແມ່ນກາລະໂອກາດທີ່ດີ ເພື່ອໂຄສະນາການທ່ອງທ່ຽວ ຫວຽດນາມ ກັບເພື່ອນມິດສາກົນ ເຊິ່ງບັນດາທ້ອງຖິ່ນ, ວິສາຫະກິດທ້ອງຖິ່ນພວມລໍຄອຍ.
ທ່ານ ຮ່າວັນຊຽວ ຮອງຫົວໜ້າກົມໃຫຍ່ການທ່ອງທ່ຽວ (ກະຊວງວັດທະນະທຳ, ກິລາ ແລະ ທ່ອງທ່ຽວ) ຢັ້ງຢືນວ່າ ພາຍຫຼັງ 19 ປີ ນັບແຕ່ປີ 2003 ມາຮອດປັດຈຸບັນ, ຫວຽດນາມ ຈຶ່ງສືບຕໍ່ໄດ້ເປັນເຈົ້າພາບຈັດຕັ້ງ SEA Games. ນີ້ກໍ່ແມ່ນເຫດການໃຫຍ່ຄັ້ງທຳອິດຂອງອາຊີຕາເວັນອອກສ່ຽງໃຕ້ ພາຍຫຼັງ 2 ປີທີ່ໄດ້ຮັບຜົນກະທົບຈາກໂລກລະບາດໂຄວິດ-19. ສະນັ້ນ, ຂະແໜງທ່ອງທ່ຽວຍັງສູ້ຊົນໃຫ້ບັນລຸຜົນສຳເລັດໃນການຈັດຕັ້ງງານມະຫາກຳກິລາຊີເກມ ຄັ້ງທີ 31 ດ້ວຍການຕ້ອນຮັບ ແລະ ຮັບໃຊ້ຄວາມຕ້ອງການດ້ານທີ່ພັກ ແລະ ການເດີນທາງຂອງນັກກິລາ, ຄູຝຶກ, ພະນັກງານການກິລາ, ຜູ້ເຊຍກິລາ ແລະ ນັກທ່ອງທ່ຽວ.
ພ້ອມກັນນັ້ນ, ວົງຄະນາຍາດໄດ້ຍູ້ແຮງການສື່ສານ, ຊຸກຍູ້ການທ່ອງທ່ຽວຢູ່ນອກງານມະຫາກຳກິລາຊີເກມຄັ້ງທີ 31, ຖືໂອກາດທອງເພື່ອໂຄສະນາພາບພົດ, ປະເທດຊາດ ແລະ ປະຊາຊົນ ຫວຽດນາມ ເຖິງເພື່ອນມິດສາກົນ.
ບຸນຄົງ
