| ຮອງປະທານປະເທດຫວຽດນາມ ສິ້ນສຸດການຢ້ຽມຢາມເອີລົບ ຢ່າງຈົບງາມ | |
| ທ່ານນາງ ດັ້ງ ທິ້ ງອກ ທິ້ງ ຮອງປະທານປະເທດຫວຽດນາມ ພົບປະກັບປະທານາທິບໍດີ ສະວິດ |
 |
| ທ່ານນາງ ຫວໍທິແອ໊ງຊວນ ຮອງປະທານປະເທດຫວຽດນາມ ແລະທ່ານນາງ ປານີ ຢາທໍ່ຕູ້ ຮອງປະທານປະເທດລາວ ທີ່ການຕ້ອນຮັບ. ພາບ: ສໍານັກຂ່າວສານຫວຽດນາມ. |
ຕອນເຊົ້າວັນທີ 26 ເມສາ, ພາຍຫຼັງພິທີຕ້ອນຮັບທີ່ສໍານັກງານປະທານປະເທດ, ທ່ານທາງ ຫວໍທິແອ໊ງຊວນ ຮອງປະທານປະເທດຫວຽດນາມ ໄດ້ດໍາເນີນການພົບປະເຈລະຈາກັບທ່ານນາງ ປານີ ຢາທໍ່ຕູ້ ຮອງປະທານປະເທດລາວ.
ທີ່ການພົບປະເຈລະຈາ, ຮອງປະທານປະເທດສອງທ່ານ ໄດ້ເນັ້ນໜັກເຖິງຄວາມໝາຍ ແລະຄຸນຄ່າຂອງການເພີ່ມພູນຄູນສ້າງ, ປັບປຸງສາຍພົວພັນຖານບ້ານໃກ້ເຮືອນຄຽງມິດຕະພາບ, ສະໜິດຕິດພັນ, ນໍ້າໃຈສາມັກຄີແບບພິເສດ ຫວຽດນາມ-ລາວ ຢ່າງບໍ່ຢຸດຢັ້ງ ຕໍ່ກັບຄວາມໝັ້ນຄົງ ແລະການພັດທະນາຂອງແຕ່ລະປະເທດ. ສອງຝ່າຍສະແດງຄວາມປິຕິຊົມຊື່ນຕໍ່ບາດກ້າວພັດທະນາໃໝ່ ໃນການພົວພັນຮ່ວມມືລະຫວ່າງສອງປະເທດໃນໄລຍະຜ່ານມາ.
ເມື່ອແລກປ່ຽນກ່ຽວກັບການກໍານົດທິດຊຸກຍູ້ການພົວພັນຮ່ວມມືສອງຝ່າຍໃນໄລຍະຈະມາເຖິງ, ສອງຝ່າຍເຫັນດີເປັນເອກະສັນສືບຕໍ່ຮັກສາການຢ້ຽມຢາມ, ການພົບປະຂັ້ນສູງໃນທຸກຊ່ອງທາງໃຫ້ເປັນປົກກະຕິ, ສົມທົບກັນຜັນຂະຫຍາຍບັນດາຂໍ້ຕົກລົງທີ່ບັນລຸໄດ້ຢ່າງເຂັ້ມງວດ ແລະມີປະສິດທິຜົນ. ສອງຝ່າຍເຫັນດີເປັນເອກະພາບສືບຕໍ່ເພີ່ມທະວີ, ຍົກສູງປະສິດທິຜົນໃນການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ, ການຄົມມະນາຄົມຂົນສົ່ງ, ການສຶກສາ-ກໍ່ສ້າງ, ການແລກປ່ຽນວັດທະນະທໍາ-ກິລາ, ການຮ່ວມມືລະຫວ່າງທ້ອງຖິ່ນຕ່າງໆຂອງສອງປະເທດ...
ກ່ອນໜ້ານັ້ນ, ໃນຕອນເຊົ້າວັນດຽວກັນ, ທ່ານນາງ ປານີ ຢາທໍ່ຕູ້ ໄດ້ໄປວາງພວງມາລາ, ເຂົ້າສຸສານໄຫວ້ອາໄລ ປະທານໂຮ່ຈີມິນ ແລະວາງພວງມາລາທີ່ອະນຸສາວະລີບັນດາວິລະຊົນນັກຮົບເສຍສະຫຼະຊີວິດເພື່ອຊາດຢູ່ຖະໜົນບັກເຊີນ, ຮ່າໂນ້ຍ.
ກອງທັບ
