| ສ້າງເງື່ອນໄຂໃຫ້ວິສາຫະກິດ ຫວຽດນາມ - ລາວ ຮ່ວມມືຢ່າງມີປະສິດທິຜົນ | |
| ຮູບພາບຕ່າງໆຈາກຂະບວນການແຫ່ງມິດຕະພາບ 2022 |
 |
| ກອງປະຊຸມທາງໄກລະຫວ່າງສອງອົງການເພື່ອແນໃສ່ແລກປ່ຽນ ແລະ ປຶກສາຫາລືເນື້ອໃນກ່ຽວກັບການເຄື່ອນໄຫວຮ່ວມມືໃນປີ 2022 (ພາບ: TTXVN) |
ເນື່ອງໃນໂອກາດບຸນປີໃໝ່ ພສ 2565, ໂດຍຕາງໜ້າໃຫ້ຄະນະປະຈຳສູນກາງແນວໂຮມປະເທດຊາດຫວຽດນາມ, ທ່ານຮອງປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຟຸ່ງແຄັງໄຕ ໄດ້ສົ່ງສານອວຍພອນໄຊອັນປະເສີດໃຫ້ບັນດາການນຳ, ພະນັກງານຄະນະກຳມະການສູນກາງແນວລາວສ້າງຊາດ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດໃນໜ້າທີ່ວຽກງານທີ່ພັກ, ລັດ ແລະ ປະຊາຊົນລາວມອບໝາຍໃຫ້; ພ້ອມກັນນັ້ນ, ທ່ານກໍໄດ້ສົ່ງຄຳຢື້ຢາມຖາມຂ່າວ ແລະ ອວຍພອນບຸນປີໃໝ່ປະຈຳຊາດຂອງທ່ານເລຂາທິການສູນກາງພັກ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດວັນຈຽນ ເຖິງທ່ານ ສິນລະວົງ ຄຸດໄພທູນ ກຳມະການກົມການເມືອງ ພັກປະຊາຊົນປະຕິວັດລາວ, ປະທານຄະນະກຳມະການສູນກາງແນວລາວສ້າງຊາດ.
ທ່ານ ຟຸ່ງແຄັງໄຕ ຢືນຢັນວ່າ ຄະນະກຳມະການສູນກາງແນວໂຮມປະເທດຊາດ ຫວຽດນາມ ຕີລາຄາສູງບັນດາຜົນງານທີ່ແນວລາວສ້າງຊາດບັນລຸໄດ້ໃນຊຸມປີມໍ່ໆມານີ້, ພິເສດແມ່ນການເສີມຂະຫຍາຍມູນເຊື້ອມະຫາສາມັກຄີຊາດ, ຮີດຄອງປະເພນີສາມັກຄີປອງດອງ ແລະ ນ້ຳໃຈຮັກຊາດຂອງປະຊາຊົນລາວທັງພາຍໃນ ແລະ ຕ່າງປະເທດ; ນຳພາບັນດາອົງການຈັດຕັ້ງມະຫາຊົນຈັດຕັ້ງປະຕິບັດແນວທາງ ແລະ ນະໂຍບາຍຂອງພັກ; ສະແດງຄວາມເຊື່ອໝັ້ນວ່າ ແນວລາວສ້າງຊາດ ຈະສືບຕໍ່ເສີມຂະຫຍາຍບົດບາດຂອງຕົນ ແລະ ບັນລຸໄດ້ໝາກຜົນອັນຕັ້ງໜ້າໃນໄລຍະຈະມາເຖິງ.
ປີ 2022, 2 ປະເທດຈະສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ (5 ກັນຍາ 1962 – 5 ກັນຍາ 2022) ແລະ ຄົບຮອບ 45 ປີ ແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (18 ກໍລະກົດ). 1977 – 18 ກໍລະກົດ 2022), ການນຳ 2 ປະເທດ ໄດ້ຕົກລົງເອົາປີ 2022 ເປັນ “ປີແຫ່ງມິດຕະພາບ ແລະ ຄວາມສາມັກຄີລະຫວ່າງ ຫວຽດນາມ ແລະ ລາວ”. ທ່ານຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຟຸ່ງແຄັງໄຕ ປາດຖະໜາວ່າ 2 ຝ່າຍຈະສົມທົບກັນກະກຽມ ແລະ ຈັດຕັ້ງບັນດາການເຄື່ອນໄຫວສະເຫຼີມສະຫຼອງ, ເພີ່ມທະວີການແລກປ່ຽນປະຊາຊົນ, ສຸມໃສ່ວຽກງານໂຄສະນາ, ສຶກສາ, ໜູນຊ່ວຍປະຊາຊົນທຸກຊັ້ນວັນນະ, ພິເສດແມ່ນລຸ້ນໜຸ່ມຂອງສອງປະເທດໃຫ້ມີຄວາມເຂົ້າໃຈ ແລະ ມີຈິດສຳນຶກໃນການຮັກສາ ແລະ ເສີມຂະຫຍາຍມູນເຊື້ອສາຍພົວພັນມິດຕະພາບ ຫວຽດນາມ - ລາວ ແບບພິເສດ, ຄວາມຊື່ສັດບໍລິສຸດ ແລະ ຫາຍາກນີ້.
ກ່ຽວກັບເນື້ອໃນບົດບັນທຶກຄວາມເຂົ້າໃຈຂອງປະທານແນວໂຮມປະເທດຊາດ ກຳປູເຈຍ - ລາວ - ຫວຽດນາມ, ທ່ານ ຟຸ່ງແຄັງໄຕ ປາດຖະໜາວ່າ 2 ຝ່າຍຈະສືບຕໍ່ປະຕິບັດ ແລະ ຊີ້ນຳແນວໂຮມທຸກຂັ້ນ, ພິເສດແມ່ນບັນດາແນວໂຮມແຂວງທີ່ມີເສັ້ນຊາຍແດນຮ່ວມກັນ ຍູ້ແຮງການປະຕິບັດບັນດາເນື້ອໃນທີ່ໄດ້ລົງນາມ; ພ້ອມກັນນັ້ນ, ກໍໄດ້ສະຫຼຸບ ແລະ ຕີລາຄາບັນດາຂໍ້ສະດວກ ແລະ ຂໍ້ຄົງຄ້າງໃນການປະຕິບັດ ເພື່ອແລກປ່ຽນ, ປຶກສາຫາລື ແລະ ເຫັນດີເຫັນພ້ອມກ່ຽວກັບບັນດາມາດຕະການແກ້ໄຂ.
ກ່າວຄຳເຫັນທີ່ກອງປະຊຸມ, ທ່ານຮອງປະທານຄະນະກຳມະການສູນກາງແນວລາວສ້າງຊາດ ປາດຖະໜາວ່າ 2 ຝ່າຍຈະສືບຕໍ່ປະຕິບັດບັນດາຂໍ້ຕົກລົງຮ່ວມມືທີ່ໄດ້ລົງນາມຢ່າງມີປະສິດທິຜົນ; ສົມທົບກັນຈັດຕັ້ງການຢ້ຽມຢາມມິດຕະພາບລະຫວ່າງການນຳຂັ້ນສູງຂອງສອງປະເທດ; ປະສານສົມທົບກັນໃນການຈັດຊຸດຝຶກອົບຮົມ ແລະ ແລກປ່ຽນປະສົບການ. ພິເສດ, 2 ອົງການ ຕ້ອງສົມທົບກັນຢ່າງແໜ້ນແຟ້ນກວ່າອີກໃນ “ປີສາມັກຄີມິດຕະພາບ ຫວຽດນາມ - ລາວ” ໃຫ້ມີການເຄື່ອນໄຫວແທດຈິງ, ເພີມທະວີວຽກງານການສຶກສາ, ໂຄສະນາເຜີຍແຜ່ໃຫ້ລຸ້ນໜຸ່ມ ເພື່ອພ້ອມກັນປົກປັກຮັກສາ ແລະ ເສີມຂະຫຍາຍສາຍພົວພັນແບບພິເສດລະຫວ່າງສອງປະເທດ.
ທ່ານ ຈັນເພັງ ສຸດທິວົງ ເຊື່ອໝັ້ນວ່າ ໃນໄລຍະຈະມາເຖິງ, ການພົວພັນຮ່ວມມືລະຫວ່າງ 2 ອົງການແນວໂຮມຈະມີບາດກ້າວພັດທະນາໃໝ່ຢ່າງເລິກເຊິ່ງ, ມີປະສິດທິຜົນ ແລະ ແທດຈິງ, ຜ່ານນັ້ນກໍພ້ອມກັນເພີ່ມພູນຄູນສ້າງສາຍພົວພັນມິດຕະພາບລະຫວ່າງ 2 ປະເທດ.
ບຸນຄົງ
