| ວິສາຫະກິດ ຫວຽດນາມ ຍູ້ແຮງເລື່ອງສຳພັດກັບພູມປັນຍາທຽມ | |
| ການພົບປະລະຫວ່າງ ວິສາຫະກິດ ອາຊີ - ເອີລົບ ຢູ່ ຫວຽດນາມ ປີ 2021 |
 |
| ພາບປະກອບຄັດຈາກ: baodautu.vn |
“ການຟື້ນຟູໃກ້ຈະມາແລ້ວ”, “ສະພາບປົກກະຕິໃໝ່, ອະນາຄົດອັນສົດໃສ” ແມ່ນບັນດາຄຳສັບທີ່ພົ້ນເດັ່ນໃນບົດລາຍງານຫຼ້າສຸດກ່ຽວກັບດັດຊະນີສະພາບແວດລ້ອມແຫ່ງການດຳເນີນທຸລະກິດຂອງຫວຽດນາມ ໂດຍສະມາຄົມວິສາຫະກິດເອີຣົບ ປະຈຳ ຫວຽດນາມ (EuroCham) ຫາກໍ່ປະກາດ.
ຕາມການຕີລາຄາຂອງບັນດາວິສາຫະກິດ ເອີຣົບ ປະຈຳ ຫວຽດນາມ ແລ້ວ, ໃນໄຕມາດທີ I ປີ 2022, ດັດຊະນີສະພາບແວດລ້ອມແຫ່ງການດຳເນີນທຸລະກິດຂອງຫວຽດນາມ ບັນລຸ 73 ຄະແນນເປີເຊັນ, ເພີ່ມຂຶ້ນ 12 ຄະແນນເປີເຊັນ ເມື່ອທຽບໃສ່ໄຕມາດທີ IV ປີ 2021. ນີ້ກໍ່ແມ່ນລະດັບສູງສຸດນັບແຕ່ເມື່ອພະຍາດໂຄວິດ-19 ແຜ່ລະບາດຄັ້ງທີ 4. ທ່າເຕີບໂຕດັ່ງກ່າວໄດ້ຮັບຄວາມຫວັງວ່າ ຈະສືບຕໍ່ໄດ້ຮັບການຮັກສາໄວ້ໃນໄລຍະຈະມາເຖິງ. ມີ 2/3 ຈຳນວນວິສາຫະກິດຖືກຖາມໄດ້ເຊື່ອໝັ້ນວ່າ ພື້ນຖານເສດຖະກິດຫວຽດນາມ ມີຄວາມໝັ້ນທ່ຽງ ແລະໄດ້ຮັບການປັບປຸງໃນໄຕມາດທີ II ປີ 2022, ສິ່ງດັ່ງກ່າວແມ່ນອີງຕາມບັນດາສັນຍານອັນຕັ້ງໜ້າໃນການເຄື່ອນໄຫວສົ່ງອອກຂອງບັນດາວິສາຫະກິດ ດ້ວຍລະດັບເຕີບໂຕ 2 ຕົວເລກໃນໄຕມາດທີ I ປີ 2022.
ພ້ອມກັນນັ້ນ, ມີເກືອບ 66% ວິສາຫະກິດເຂົ້າຮ່ວມການສຳຫຼວດມີຄວາມເຊື່ອໝັ້ນວ່າ ລາຍຮັບຈະເພີ່ມຂຶ້ນໃນໄຕມາດທີ II ປີ 2022, ເມື່ອທຽບໃສ່ 52% ຂອງໄຕມາດກ່ອນ.
ກໍ່ຕາມການສຳຫຼວດຂອງ EuroCham ແລ້ວ, ມີ 82% ຈຳນວນວິສາຫະກິດ ເອີຣົບ ສະແດງຄວາມສົນໃຈຕໍ່ຂົງເຂດເຕີບໂຕຂຽວຂອງຫວຽດນາມ. ທ່ານ Alain Cany ປະທານ EuroCham, ຕີລາຄາວ່າ ຫວຽດນາມ ມີກາລະໂອກາດດຶງດູດກະແສການລົງທຶນຕ່າງປະເທດ FDI ສີຂຽວ, ມີຄຸນນະພາບສູງໃໝ່ຈາກບັນດານັກລົງທຶນເອີຣົບ ທີ່ພວມຊອກຫາສະຖານທີ່ລົງທຶນຢ່າງປອດໄພ ແລະແກ່ງແຍ້ງ. ປະຈຸບັນ, ນີ້ແມ່ນຊ່ວງເວລາດີທີ່ສຸດ ເພື່ອເພີ່ມ ລະດັບຄວາມໄວໃນຂົງເຂດພັດທະນາແບບຍືນຍົງຢູ່ຫວຽດນາມ.
ກອງທັບ
