ໃນການໂອ້ລົມທາງໂທລະສັບກັບທ່ານນາຍົກລັດຖະມົນຕີລາວ ພັນຄຳ ວິພາວັນ, ທ່ານ ນາຍົກລັດຖະມົນຕີ ຟ້າມມິງຈິ໊ງ ໄດ້ສະແດງຄວາມຊົມເຊີຍບັນດາໝາກຜົນສຳຄັນ ເຊິ່ງລັດຖະບານ ແລະ ປະຊາຊົນລາວອ້າຍນ້ອງບັນລຸໄດ້ໃນການຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວ ແລະ ແຜນການພັດທະນາເສດຖະກິດ-ສັງຄົມ 5 ປີ ຄັ້ງທີ IX; ສະແດງຄວາມເຊື່ອໝັ້ນວ່າ ພາຍໃຕ້ການນໍາພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ, ປະຊາຊົນລາວອ້າຍນ້ອງ ຈະຍາດໄດ້ບັນດາຜົນງານອັນໃຫຍ່ຫຼວງກວ່າອີກ, ສືບຕໍ່ສ້າງສາປະເທດລາວ ໃຫ້ນັບມື້ນັບວັດທະນາຖາວອນ ແລະ ມີທີ່ຕັ້ງ ບົດບາດນັບມື້ນັບສູງໃນເວທີປາໄສສາກົນ.
 |
| ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ສົນທະນາທາງໂທລະສັບກັບທ່ານ ພັນຄຳ ວິພາວັນ ນາຍົກລັດຖະມົນຕີລາວ. ພາບ: TTXVN |
ໃນບັນຍາກາດອັນອົບອຸ່ນ, ເບີກບານມ່ວນຊື່ນຂອງບຸນປິໃໝ່ ແລະ ຂອງ “ປີີສາມັກຄີມິດຕະພາບຫວຽດນາມ-ລາວ, ລາວ-ຫວຽດນາມ” ສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືຫວຽດນາມ-ລາວ, ນາຍົກລັດຖະມົນຕີສອງທ່ານສະແດງຄວາມປິຕິຊົມຊື່ນຕໍ່ການພັດທະນາຂອງການພົວພັນສອງຝ່າຍໃນໄລຍະຜ່ານມາ, ເນັ້ນໜັກວ່າ ໃນສະພາບການໂລກ ແລະ ພາກພື້ນມີການຜັນແປສັບສົນ, ສອງຝ່າຍຕ້ອງສືຕໍ່ມານະພະຍາ ຍາມຮ່ວມແຮງຮ່ວມໃຈເພີ່ມພູນຄູນສ້າງ ແລະ ປັບປຸງການພົວພັນມິດຕະພາບທີ່ຍິງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ-ລາວ ໃຫ້ພັດທະນາຢ່າງບໍ່ຢຸດຢັ້ງ, ສົມທົບກັນ ແລະ ຊ່ວຍເຫຼືອກັນກໍ່ສ້າງພື້ນຖານເສດຖະກິດ ເອກະລາດ, ເປັນເຈົ້າຕົນເອງ.
ໃນການໂອ້ລົມທາງໂທລະສັບກັບທ່ານນາຍົກລັດຖະມົນຕີກຳປູເຈຍ ຮຸນແຊນ, ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ສະແດງຄວາມຊົມເຊີຍບັນດາຜົນງານອັນໃຫຍ່ຫຼວງທຸກດ້ານເຊິ່ງ ກຳປູເຈຍ ຍາດມາໄດ້ໃນໄລຍະຜ່ານມາ; ສະແດງຄວາມເຊື່ອໝັ້ນວ່າ ພາຍໃຕ້ການນຳ ພາອັນສະຫຼາດສ່ອງໃສຂອງທ່ານນາຍົກລັດຖະມົນຕີ ຮຸນແຊນ, ລາຊະອານາຈັກ ກຳປູເຈຍ ຈະນັບມື້ນັບພັດທະນາ ວັດທະນາຖາວອນ, ປະສົບຜົນສຳເລັດ ຈັດຕັ້ງບັນດາເຫດການພາຍໃນ, ການພົວພັນຕ່າງປະເທດສຳຄັນ ໃນປີ 2022, ໃນນ້ັນມີການເລືອກຕັ້ງສະພາຂັ້ນຕາແສງ ແລະ ດຳລົງຕຳແໜ່ງປະທານອາຊຽນ 2022.
ໂດຍເນັ້ນໜັກເຖິງຄວາມສຳຄັນຍຸດທະສາດຂອງການຮັກສາ ແລະ ປັບປຸງການພົວພັນຖານບ້ານໃກ້ເຮືອນຄຽງມິດຕະພາບ, ການຮ່ວມມືຮອບດ້ານຫວຽດນາມ-ກຳປູເຈຍ ຕໍ່ກັບຄວາມໝັ້ນຄົງ ແລະ ການພັດທະນາຂອງແຕ່ລະປະເທດໃນສະພາບການປະຈຸບັນ, ພິເສດແມ່ນໃນ “ປີມິດຕະພາບຫວຽດນາມ-ກຳປູເຈຍ 2022” ສະເຫຼີມສະຫຼອງ 55 ປີແຫ່ງ ວັນສ້າງຕັ້ງການພົວພັນທາງການທູດ ລະຫວ່າງສອງປະເທດ, ນາຍົກລັດຖະມົນຕີສອງທ່ານ ເຫັນດີເປັນເອກະ ພາບສືບຕໍ່ປັບປຸງຄວາມໄວ້ເນື້ອເຊື່ອໃຈດ້ານການເມືອງ, ເພີ່ມທະວີການສົບທົບ ກັນໃນການຮັບມືກັບສິ່ງທ້າທາຍຂອງພະຍາດ ໂຄວິດ-19, ຍາດ ແຍ່ງກາລະໂອກາດໃນເງື່ອນໄຂ “ປົກກະຕິໃໝ່” ເພື່ອຊຸກຍູ້ການຟື້ນຟູ ເສດຖະກິດ-ສັງຄົມ, ສືບຕໍ່ສົມທົບກັນກໍ່ສ້າງເສັ້ນຊາຍແດນແຫ່ງສັນຕິພາບ, ມິດຕະພາບລະຫວ່າງສອງປະເທດ. ທ່ານນາຍົກລັດຖະມົນຕີ ຟ້າມມິງຈິ໊ງ ຢັ້ງຢືນອີກເທື່ອໜຶ່ງວ່າ ຫວຽດນາມ ສະໜັບສະໜູນກຳປູເຈຍ ດຳລົງຕຳແໜ່ງ ປະທານ ອາຊຽນ 2022 ໃຫ້ປະສົບຜົນສຳເລັດ.
ບູນມີ
