| ຫວຽດນາມ ຊ່ວຍລາວ ສ້າງ ສະຖານີຖ່າຍທອດວິທະຍຸ - ໂທລະພາບ ແຂວງ ບໍ່ແກ້ວ | |
| ເປີດເວທີປາໄສເສດຖະກິດລະດັບສູງ ຫວຽດນາມ - ຝຣັ່ງ ໂກໂຟນີ |
 |
| ເປີດຕົວກຸ່ມສະມາຊິກລັດຖະສະພາມິດຕະພາບ ເມັກຊີໂກ - ຫວຽດນາມ ອາຍຸການໃໝ່ (ພາບ: .vietnamplus.vn) |
ວັນທີ 6 ເມສາ, ສະພາຕ່ຳສະຫະພັນ ເມັກຊີໂກ ຊຸດທີ 65 ໄດ້ເປີດຕົວກຸ່ມສະມາຊິກລັດຖະສະພາມິດຕະພາບ ເມັກຊີໂກ - ຫວຽດນາມ ອາຍຸການໃໝ່, ໃນນັ້ນມີທ່ານ Alfredo Femat Bauelos ສະມາຊິກສະພາຕ່ຳ ສືບຕໍ່ໄດ້ຮັບການເລືອກຕັ້ງເປັນປະທານກຸ່ມ.
ຕາມນັກຂ່າວສຳນັກຂ່າວສານຫວຽດນາມ ປະຈຳ ເມັກຊີໂກ ແລ້ວ, ເຫດການມີການເຂົ້າຮ່ວມຂອງທ່ານເອກອັກຄະລັດຖະທູດ ຫວຽດນາມ ປະຈຳ ເມັກຊີໂກ ຫງວຽນແຮວ່ງນຳ, ທ່ານ Miguel Angel Landeros ກົງສູນກິດຕິມະສັກ ຫວຽດນາມ ປະຈຳ ເມັກຊີໂກ, ບັນດາສະມາຊິກລັດຖະສະພາສະຫະພັນຂຶ້ນກັບຫຼາຍພັກການເມືອງເມັກຊີໂກ, ຜູ້ຕາງໜ້າກະຊວງການຕ່າງປະເທດ ເມັກຊີໂກ ແລະ ບັນດາພະນັກງງານ ສະຖານທູດ ຫວຽດນາມ ປະຈຳ ເມັກຊີໂກ.
ກ່າວຄຳເຫັນທີ່ພິທີ, ທ່ານ Alfredo Femat Bauelos ສະມາຊິກສະພາຕ່ຳ ກໍ່ແມ່ນຫົວໜ້າຄະນະການຕ່າງປະເທດສະພາຕ່ຳເມັກຊີໂກ, ໃຫ້ຮູ້ວ່າ ກຸ່ມນີ້ມີໜ້າທີ່ຊຸກຍູ້ການພົວພັນຕ່າງປະເທດລັດຖະສະພາ ແລະ ສ້າງພື້ນທີ່ການໂອ້ລົມສົນທະນາ, ປະກອບສ່ວນເພີ່ມທະວີການພົວພັນໃນຫຼາຍດ້ານລະຫວ່າງສອງປະເທດ.
ທ່ານ Alfredo Femat Bauelos ໄດ້ຕີລາຄາວ່າ ດ້ວຍການປະຕິບັດນະໂຍບາຍພົວພັນຕ່າງປະເທດບົນພື້ນຖານສັນຕິພາບ ແລະ ຕ່າງຝ່າຍຕ່າງມີຜົນປະໂຫຍດ, ຫວຽດນາມ ສາມາດຢັ້ງຢືນໄດ້ບົດບາດ ແລະ ທີ່ຕັ້ງທີ່ນັບມື້ນັບສູງຂຶ້ນໃນພາກພື້ນ ແລະ ບົນເວທີສາກົນ.
ບຸນຄົງ
