| ການສົ່ງອອກໂທລະສັບ, ເຄື່ອງຄອມພິວເຕີຂອງ ຫວຽດນາມ ບັນລຸລະດັບ 10 ຕື້ USD | |
| ນຳການພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ - ມາເລເຊຍ ໃຫ້ຂຶ້ນສູ່ລະດັບສູງໃໝ່ |
 |
| ທ່ານຮອງນາຍົກລັດຖະມົນຕີ ຟ້າມບິ່ງມິງ ກ່າວຄຳເຫັນທີ່ເວທີປາໄສ (ພາບ: TTXVN) |
ກ່າວຄຳເຫັນທີ່ເວທີປາໄສ, ທ່ານຮອງນາຍົກລັດຖະມົນຕີ ຟ້າມບິ່ງມິງ ຢືນຢັນວ່າ ໃນຊຸມປີມໍ່ໆມານີ້, ຫວຽດນາມ ໄດ້ສົມທົບກັບບັນດາປະເທດພວມພັດທະນາ, ໃນນັ້ນມີຫລາຍປະເທດນຳໃຊ້ພາສາຝລັ່ງ ແລະ ຄູ່ຮ່ວມມືພັດທະນາ ເພື່ອຜັນຂະຫຍາຍການຮ່ວມມືໃຕ້ - ໃຕ້ ແລະ ການຮ່ວມມື 3 ຝ່າຍຢ່າງມີປະສິດທິຜົນ, ພິເສດແມ່ນໃນບັນດາຂົງເຂດດ້ານກະສິກຳ, ເຊິ່ງສະແດງໃຫ້ເຫັນຄວາມສາມາດບົ່ມຊ້ອນດ້ານການຮ່ວມມື ແລະ ການລົງທຶນໃນຂົງເຂດນີ້ໃນໄລຍະຈະມາເຖິງ. ຫວຽດນາມ ໄດ້ມີການຫັນປ່ຽນຢ່າງແຮງເພື່ອແນໃສ່ພັດທະນາເສດຖະກິດຂຽວ ແລະ ເສດຖະກິດໝູນວຽນ.
ການຫັນເປັນດິຈິຕອນແມ່ນໜຶ່ງໃນບັນດາບຸລິມະສິດອັນດັບໜຶ່ງຂອງຫວຽດນາມໃນປັດຈຸບັນ. ຫວຽດນາມ ມີໂຄງການຫັນເປັນດີຈີຕອນແຫ່ງຊາດຮອດປີ 2025 ແລະ ກຳນົດທິດຮອດປີ 2030 ດ້ວຍ 3 ເສົາຄ້ຳເສດຖະກິດດີຈີຕອນ, ສັງຄົມດີຈີຕອນ, ລັດຖະບານດີຈີຕອນ.
ທ່ານຮອງນາຍົກລັດຖະມົນຕີ ຫວັງວ່າ ບັນດາວິສາຫະກິດຝລັ່ງໂກໂຟນີ ຈະພ້ອມກັບວິສາຫະກິດຫວຽດນາມ ຍາດແຍ່ງແຕ່ລະໂອກາດລະໂອກາດ ເພື່ອສ້າງການພົວພັນຮ່ວມມື, ຄູ່ຮ່ວມມືທີ່ຍາວນານ, ຍືນຍົງ, ພ້ອມກັນພັດທະນາ, ໃນບັນດາຂົງເຂດທີ່ໄດ້ຮັບການແລກປ່ຽນຢູ່ເວທີປາໄສ, ກໍ່ຄືສ້າງປະຖົມປັດໄຈໃຫ້ບັນດາການຮ່ວມມືໃນຂົງເຂດຕ່າງໆ.
ໃນໂອກາດນີ້, ຜູ້ຕາງໜ້າກະຊວງການຕ່າງປະເທດ ແລະ ພັດທະນາຊົນນະບົດ ຫວຽດນາມ ແລະ ກະຊວງກະສິກຳ ແລະ ສະບຽງອາຫານ Gabon ໄດ້ແລກປ່ຽນຈົດໝາຍສະແດງເຈດຈຳນົງ, ບົດບັກທຶກຊ່ວຍຈຳການຮ່ວມມືລະຫວ່າງສອງປະເທດ, ຜູ້ຕາງໜ້າສະມາຄົມຊາວຫວຽດນາມ ກໍ່ໄດ້ແລກປ່ຽນຈົດໝາຍເຈດຈຳນົງກ່ຽວກັບການຮ່ວມມືກັບຜູ້ຕາງໜ້າສະຫະພັນຜູ້ປູກຊາຂອງ Rwanda.
ບຸນຄົງ
