ທ່າກໍາປັ່ນຕູ້ຄອນເທນເນີສາກົນ ເຕິນກາງ ຫາຍຟ່ອງ ຕ້ອນຮັບເສັ້ນທາງບໍລິການໃໝ່ ໄປຍັງຝັ່ງຕາເວັນຕົກຂອງສະຫະລັດອາເມລິກາ ໂດຍກົງ

15:00 | 07/04/2022

ຍສໝ - ທ່າກໍາປັ່ນຕູ້ຄອນເທນເນີສາກົນ ເຕິນກາງ ຫາຍຟ່ອງ (TC-HICT) ຂຶ້ນກັບບໍລິສັດໃຫຍ່ ເຕິນກາງ ໄຊງ່ອນ ທີ່ຫາກໍປະສົບຜົນສຳເລັດໃນການຕ້ອນຮັບກຳປັ່ນ "super ship" One Continuity ຂອງ ບໍລິສັດກຳປັ່ນ ONE, ໃນການບໍລິການທາງທະເລໃໝ່ PS3 ຂ້າມປາຊີຟິກ ໄປຍັງຝັ່ງຕາເວັນຕົກໂດຍກົງ.

	ຫວຽດນາມ ແລະ ອັງກິດ ຮ່ວມມືກັນໃນຂົງເຂດການສຶກສາວິຊາຊີບ
	ການນຳພັກ, ລັດ ລາວ ຕີລາຄາສູງການຮ່ວມມືຢ່າງແໜ້ນແຟ້ນລະຫວ່າງ ຮ່າໂນ້ຍ ແລະ ນະຄອນຫຼວງ ວຽງຈັນ

ພາບປະກອບ

ກຳປັ່ນ One Continuity ມີຄວາມຍາວ 320 ກວ່າແມັດ, ມີນ້ຳໜັກເກືອບ 90.000 ໂຕນ ດ້ວຍການບັນທຸກນ້ຳໜັກກວ່າ 8.100 Teu, ແມ່ນກຳປັ່ນໜຶ່ງໃນ 11 ກຳປັ່ນບັນທຸກໜັກຂອງພັນທະມິດ The Alliance ທີ່ປະກອບດ້ວຍ 4 ຫຍີ່ຫໍ້ກຳປັ່ນຄື: One (ຍີ່ປຸ່ນ), Hapag Lloyd (ເຢຍລະມັນ), Yang Ming (ໄຕ້ຫວັນ-ຈີນ) ແລະ HMM (ສ.ເກົາຫຼີ). ກ່ອນໜ້ານັ້ນ, ທ້າຍເດືອນມີນາ ຜ່ານມາ, ທ່າກຳປັ່ນຕູ້ຄອນເທນເນີສາກົນ ເຕິນກາງ ຫາຍຟ່ອງ ກໍ່ໄດ້ດຳເນີນການຕ້ອນຮັບກຳປັ່ນ Cape Faro (ບັນທຸກ 1.440 TEU, ຍາວ 170 ແມັດ) ຂຶ້ນກັບເສັ້ນທາງການບໍລິການໃໝ່ CI7 ຂອງບໍລິສັດກຳປັ່ນ Wan Hai ເຊື່ອມຕໍ່ໂດຍກົງລະຫວ່າງ ຫວຽດນາມ ແລະ ຝັ່ງຕາເວັນອອກຂອງອິນເດຍ.

ປະຈຸບັນ, ແຕ່ລະອາທິດ, ທ່າກຳປັ່ນຕູ້ຄອນເທນເນີສາກົນ ເຕິນກາງ ຫາຍຟ່ອງ ໄດ້ຮັບ 12 ເສັ້ນທາງການບໍລິການ, ໃນນັ້ນ ມີ 6 ເສັ້ນທາງການບໍລິການຂ້າມປາຊີຟິກ. ໃນຕໍ່ໜ້າ, ທ່າກຳປັ່ນຈະສືບຕໍ່ລົງທຶນອຸປະກອນການຍົກ-ຈັດສິນຄ້າ ແລະ ເຕັກໂນໂລຢີຂໍ້ມູນຂ່າວສານທີ່ທັນສະໄໝ ເພື່ອຍົກສູງຄຸນນະພາບການບໍລິການ, ຕ້ອນຮັບບັນດາເສັ້ນທາງການບໍລິການທາງທະເລໃໝ່ ແລະ ສ້າງຂີດໝາຍຂອງທ່າກຳປັ່ນຂົນສົ່ງສາກົນພາກເໜືອຫວຽດນາມ ໃນແຜນທີ່ບັນດາທ່າກຳປັ່ນ ໃນພາກພື້ນ ແລະ ໃນໂລກ.

ໄຊພອນ