ຕາມໜັງສືພິມ China Daily - ໜັງສືພິມພາສາອັງກິດທີ່ພິມຈຳໜ່າຍໃຫຍ່ທີ່ສຸດຂອງຈີນ ແລ້ວ, ຄວາມຕ້ອງການຂອງປະເທດນີ້ທີ່ມີຕໍ່ຜະລິດຕະພັນໝາກມັງກອນຄຸນນະພາບສູງນັບມື້ນັບເພີ່ມຂຶ້ນ, ໃນນັ້ນ ຫວຽດນາມ ແມ່ນແຫຼ່ງນຳເຂົ້າໃຫຍ່ທີ່ສຸດ.
ປະຈຸບັນ, Guangxi TWT ແມ່ນບໍລິສັດນຳເຂົ້າໝາກໄມ້ຂະໜາດໃຫຍ່ຢູ່ນະຄອນໜານໜິງ, ແຂວງກວາງຊີ ແລະ ນຳເຂົ້າໝາກມັງກອນຂອງຫວຽດນາມ ຜ່ານບັນດາດ່ານຊາຍແດນຕິດກັບແຂວງ ລ້າງເຊີນ.
 |
| ພາບປະກອບ: sao.baophapluat.vn |
ຕາມຂໍ້ມູນຈາກ Guangxi TWT, ປີ 2021 ຫວຽດນາມ ສົ່ງອອກໝາກມັງກອນປະມານ 1,04 ຕື້ USD, ໃນນັ້ນ ມີເຖິງ 925,5 ລ້ານ USD ແມ່ນຂອງຕະຫຼາດຈີນ, ກວມເອົາປະມານ 89%.
ຢູ່ບາງເວັບໄຊຂາຍອອນລາຍຂອງຈີນ, ລາຄາໝາກມັງກອນຂອງຫວຽດນາມ ແມ່ນແຕ່ 29 ຢວນ ຫາ 79 ຢວນ.
ເວັບໄຊ Chinafruitportal ໄດ້ຄັດສະເໜີແຫຼ່ງຂ່າວນຳເຂົ້າໝາກມັງກອນເຊິ່ງຢືນຢັນວ່າ ລາຄາໝາກໄມ້ຊະນິດນີ້ເພີ່ມຂຶ້ນທົບ 3-4 ເທົ່າໃນຕະຫຼາດຈີນ. ເຫດຜົນອາດຈະເປັນຍ້ອນພະຍາດໂຄວິດ-19 ເຮັດໃຫ້ຊາວຈີນ ຍາກທີ່ຈະເຂົ້າເຖິງຫມາກມັງກອນຂອງຫວຽດນາມ.
ໜັງສືພິມອອນລາຍ Sohu ໃຫ້ຂໍ້ສັງເກດວ່າ ພະຍາດໂຄວິດ-19 ພວມກໍ່ໃຫ້ເກີດ ສະພາບຫຍຸ້ງຍາກຢູ່ຫວຽດນາມ, ຊາວກະສິກອນໄດ້ຕັດຕົ້ນໝາກມັງກອນຖິ້ມຍ້ອນລາຄາຖືກ, ໃນຂະນະທີ່ຄວາມຕ້ອງການຂອງໝາກໄມ້ນີ້ຢູ່ຈີນ ຍັງບໍ່ມີຍາມໃດຫຼຸດລົງ.
ບູນມີ
