| ນະຄອນ ດ່າໜັງ ຈະເປັນເຈົ້າພາບຈັດຕັ້ງເວທີປາໄສພັດທະນາເສັ້ນທາງການບິນ ອາຊີ 2022- Routes Asia 2022 | |
| ໂຈະການນຳເຂົ້າ ແລະ ສົ່ງອອກຜ້າປິດປາກ ແລະ ຖົງມືການແພດເປັນການຊົ່ວຄາວ ນັບແຕ່ວັນທີ 15 ມີນານີ້ |
ວັນທີ 28 ມີນານີ້, ໄດ້ຈັດກອງປະຊຸມຄັ້ງທຳອິດໃນປີ 2022 ຂອງສະພາບ້ວງເງິນແຮງງານແຫ່ງຊາດຂຶ້ນ. ທີ່ກອງປະຊຸມຄັ້ງນີ້, ສະຫະພັນໃຫຍ່ແຮງງານຫວຽດນາມ ຖືວ່າ ເນື່ອງຈາກຜົນກະທົບຂອງການລະບາດຂອງພະຍາດໂຄວິດ-19, ໃນ 2 ປີຜ່ານມາ, ພະນັກງານໄດ້ຄອງຄອຍການຂຶ້ນເງິນເດືອນ; ໃນຈຸດນີ້, ບໍ່ຄວນສືບຕໍ່ຊັກຊ້າ ຫຼື ເລື່ອນ, ຜູ້ອອກແຮງງາຄວນໄດ້ຮັບການແບ່ງປັນຄວາມຫຍຸ້ງຍາກ ພາຍຫຼັງທີ່ຖືກຜົນກະທົບຍ້ອນພະຍາດລະບາດ. ການຂຶ້ນເງິນເດືອນ ຈະໄດ້ເປັນຜົນດີໃຫ້ແກ່ທັງສອງຝ່າຍ, ຜູ້ອອກແຮງງານມີເງິນເພີ່ມຂຶ້ນ ເພື່ອໃຊ້ສອຍໃນຊີວິດປະຈຳວັນ, ວິສາຫະກິດ ເພີ່ມລາຍຈ່າຍ ແຕ່ຮັກສາຊັບພະຍາກອນມະນຸດໄວ້ໄດ້.
 |
| ພາບປະກອບ: TTXVN |
ສະຫະພັນໃຫຍ່ແຮງງານຫວຽດນາມ ໃຫ້ຮູ້ວ່າ ໄດ້ສະເໜີເພີ່ມເງິນເດືອນຂັ້ນຕ່ຳໃນຂົງເຂດໃຫ້ແກ່ຜູ້ອອກແຮງງານທີ່ເຮັດວຽກຢູ່ວິສາຫະກິດ ນັບແຕ່ວັນທີ 1 ກໍລະກົດ 2022. ການແບ່ງປັນຄວາມຫຍຸ້ງຍາກກັບຜູ້ອອກແຮງງານ, ຜູ້ຕາງຫນ້າຂອງ VCCI ໄດ້ສະເໜີວ່າ ຄວນຕ້ອງຄິດໄລ່ຢ່າງລະອຽດ ໃນສະພາບການທີ່ທຸລະກິດເອງກໍ່ຍັງຕ້ອງຟື້ນຕົວຫຼັງຈາກໄລຍະໂລກລະບາດ.
ທ່ານປະທານສະຫະພັນໃຫຍ່ແຮງງານຫວຽດນາມ ຫງວຽນດິ່ງຄາງ ໃຫ້ຮູ້ວ່າ: ໃນປີ 2020 – 2021, ເງິນເດືອນຕ່ຳສຸດຂອງຜູ້ອອກແຮງງານບໍ່ເພີ່ມຂຶ້ນ, ໃນຂະນະທີ່ດັດຊະນີລາຄາຜູ້ບໍລິໂພກເພີ່ມຂຶ້ນ, ເຮັດໃຫ້ລາຍຮັບຕົວຈິງຂອງຜູ້ອອກແຮງງງານຫຼຸດລົງປະມານ 10% ເມື່ອທຽບໃສ່ປີ 2019...
ຕາມການສຳຫຼວດຂອງສະຖາບັນກຳມະກອນ - ກຳມະບານ (ສະຫະພັນໃຫຍ່ແຮງງານຫວຽດນາມ) ໃນປີ 2021 ສະແດງໃຫ້ເຫັນວ່າ ຜູ້ອອກແຮງງານ 21% ຕ້ອງກິນໝີ່, ຄົນງານ 48% ຕ້ອງຫຼຸດຜ່ອນການກິນຊີ້ນສັດປະຈຳວັນ, 22% ປ່ຽນຈາກການຊື້ເຄື່ອງທຸກມື້ ເປັນການໃຊ້ອາຫານທີ່ຍາດພິ່ນ້ອງນຳມາໃຫ້, 60% ປະຢັດລາຍຈ່າຍ, 11% ຕ້ອງຢືມເງິນຈາກຍາດຕິພີ່ນ້ອງ ແລະ ພະນັກງານ 0,3% ຢືມເງິນດອກເບ້ຍສູງ.
ຈະມີວິສາຫະກິດ 2.000 ແຫ່ງຖືກຄັດເລືອກເຂົ້າໃນການສຳຫຼວດຄັ້ງນີ້ເຊິ່ງຂຶ້ນກັບກຸ່ມຂະແໜງອາຊີບການຜະລິດດຳເນີນທຸລະກິດຄື: ກະສິກຳ-ປ່າໄມ້-ປະມົງ; ອຸດສາຫະກໍາ, ກໍ່ສ້າງ; ການຄ້າ, ການບໍລິການ. ວິສາຫະກິດທີ່ໄດ້ຮັບການສໍາຫຼວດມີຂອບຂະຫນາດແຮງງານແຕ່ 100 ເຖິງ 300 ກວ່າຄົນຂຶ້ນໄປ. ບັນດາເນື້ອໃນຕົ້ນຕໍທີ່ໄດ້ຊອກຮູ້ໃນວິສາຫະກິດແມ່ນກອງທຶນເງິນເດືອນຕາມວຽກເຮັດງານທຳ ຫຼື ຕຳແໜ່ງ, ເງິນອຸດໜູນເງິນເດືອນ, ເງິນໂບນັດ, ລາຍຈ່າຍໃນການຮັບສະໝັກງານ ແລະ ການຝຶກອົບຮົມ...
ໝາກຜົນຂອງການສຳຫຼວດຈະແມ່ນບ່ອນອີງເພື່ອຜັນຂະຫຍາຍບັນດາເນື້ອໃນຂອງຄ່າແຮງງານຂັ້ນຕ່ຳຂອງຂົງເຂດໃນປີ 2023 ແລະ ບັນດານະໂຍບາຍທີ່ກ່ຽວຂ້ອງ.
ຄຳຮຸ່ງ
