ປະຕິບັດສຳເລັດ 6 ຖ້ຽວບິນນຳສົ່ງພົນລະເມືອງຫວຽດນາມ ເກືອບ 1700 ຄົນ ຢູ່ຢູແກຼນ ກັບເມືອປະເທດຢ່າງປອດໄພ

14:00 | 03/04/2022

ຍສໝ - ຕາມກະຊວງການຕ່າງປະເທດຫວຽດນາມແລ້ວ, ມາຮອດປັດຈຸບັນ, ກະຊວງການ ຕ່າງປະເທດ ຫວຽດນາມ ໄດ້ສົມທົບກັບບັນດາກະຊວງ, ຂະແໜງການທີ່ກ່ຽວ ຂ້ອງ, ອົງການຜູ້ຕາງໜ້າ ຫວຽດນາມ ປະຈຳປະເທດປະຈຳຖິ່ນ ຜັນຂະຫຍາຍການຍົກຍ້າຍພົນລະເມືອງ ຫວຽດນາມ ຢູ່ ຢູແກຼນ ປະມານ 5200 ຄົນ ໄປຢູ່ບ່ອນທີ່ປອດໄພ.

	ລັດຖະບານ ຫວຽດນາມ ຍາມໃດກໍ່ຍູ້ແຮງການປະຕິຮູບລະບຽບການບໍລິຫານເພື່ອໃຫ້ນັກລົງທຶນຕ່າງປະເທດດຳເນີນທຸລະກິດຍາວນານຢູ່ຫວຽດນາມ
	ລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທັງເຊີນ: ຫວຽດນາມ ໃຫ້ຄວາມສົນໃຈຕໍ່ປະຊາຄົມຊາວ ຫວຽດນາມ ອາໄສຢູ່ຕ່າງປະເທດ, ໃນນັ້ນ ມີ ສ.ເກົາຫຼີ

ກະຊວງການຕ່າງປະເທດ ຫວຽດນາມ ໄດ້ ຈັດຖ້ຽວບິນ 6 ຖ້ຽວ ເພື່ອນຳສົ່ງ ພົນລະເມືອງຫວຽດນາມເກືອບ 1700 ຄົນກັບເມືອປະເທດ, ພ້ອມທັງຈັດ ສັນໃຫ້ພົນລະເມືອງນັບສິບໆຄົນໄດ້ກັບເມືອປະເທດໃນຖ້ຽວບິນການຄ້າ, ຮັບ ປະກັນການເປີດເຜີຍ, ໂປ່ງໃສ ແລະ ອຳນວຍຄວາມສະດວກທີ່ສຸດ ໃຫ້ແກ່ປະຊາຊົນ.

ປະຕິບັດສຳເລັດ 6 ຖ້ຽວບິນນຳສົ່ງພົນລະເມືອງຫວຽດນາມ ເກືອບ 1700 ຄົນ ຢູ່ຢູແກຼນ ກັບເມືອປະເທດຢ່າງປອດໄພ. ພາບ: TTXVN

ໄລ່ມາຮອດປັດຈຸບັນ, ການຍົກຍ້າຍພົນລະເມືອງໄດ້ປະຕິບັດສຳເລັດໂດຍ ພື້ນຖານແລ້ວ, ຕອບສະໜອງຄວາມມຸ່ງມາດປາດຖະໜາຢາກກັບເມືອປະເທດ ຂອງພໍ່ແມ່ປະຊາຊົນ ຫວຽດນາມ ເກືອບທັງໝົດ. ມີພໍ່ແມ່ປະຊາຊົນຈຳນວນ ໜຶ່ງທີ່ຖືສັນຊາດ ຫຼື ມີໜັງສືຖືກຕ້ອງຕາມກົດໝາຍ ໂດຍ ຢູແກຼນ ອອກໃຫ້ນັ້ນ ໄດ້ເປັນເຈົ້າການເລືອກໄປຢູ່ປະເທດອື່ນ. ປັດຈຸບັນ, ມີພໍ່ແມ່ຊາວຫວຽດນາມ ຈຳນວນໜຶ່ງເລືອກຢູ່ຕໍ່ ຢູແກຼນ ຍ້ອນເຫດຜົນສ່ວນຕົວ.

ບູນມີ