| ສື່ມວນຊົນ ຍີ່ປຸ່ນ ໄດ້ໃຫ້ຂ່າວ ແລະ ບົດກ່ຽວກັບການຢ້ຽມຢາມ ຫວຽດນາມ ຂອງທ່ານນາຍົກລັດຖະມົນຕີ ຍີ່ປຸ່ນ | |
| ຊາວຫວຽດນາມ ຢູ່ ຍີ່ປຸ່ນ ສະແດງຄວາມສາມັກຄີໃນການຮັບມືກັບພະຍາດ Covid-19 |
ບັນດາສະຖິຕິຕົວເລກລ້າສຸດຂອງຕາມຂໍ້ມູນຈາກກົມຄຸ້ມຄອງການເຂົ້າ-ອອກເມືອງ ແລະ ພັກອາໄສຂອງຍີ່ປຸ່ນ (ISA) ໃຫ້ເຫັນວ່າຄົນຫວຽດນາມຍັງຄົງເປັນປະຊາຄົມຄົນຕ່າງປະເທດທີ່ໃຫຍ່ອັນດັບສອງຢູ່ປະເທດນີ້ ເຖິງແມ່ນວ່າຕົວເລກຈະຫຼຸດລົງ 3,4% ໃນປີ 2021.
ຕາມຂໍ້ມູນຈາກ ISA: ເຂົ້າສູ່ໄລຍະທ້າຍປີ 2021 ມີຄົນຕ່າງປະເທດເຖິງ 2,76 ລ້ານຄົນ ຢູ່ຍີ່ປຸ່ນ, ຫຼຸດລົງ 4,4% ທຽບກັບໜຶ່ງປີກ່ອນນີ້ ສາເຫດຫຼັກຍ້ອນປະເທດນີ້ເຂັ້ມງວດໃນການຄວບຄຸມຊາຍແດນພາຍຫຼັງທີ່ພະຍາດໂຄວິດ-19 ໄດ້ລະບາດຄືນອີກ. ນີ້ເປັນປີທີສອງລຽນຕິດທີ່ຕົວເລກຄົນຕ່າງປະເທດຢູ່ຍີ່ປຸ່ນຫຼຸດລົງ.
 |
| ພາບປະກອບ : doisongvietnam |
ໃນຈຳນວນຄົນຕ່າງປະເທດຢູ່ຍີ່ປຸ່ນນີ້, ກຸ່ມທີ່ກວມຈຳນວນໃຫຍ່ແມ່ນຄົນທີ່ອາໄສຢູ່ຖາວອນ - 831.157 ຄົນ, ຖັດມາແມ່ນນັກວິຊາການເຕັກນິກຝຶກງານ (276.123 ຄົນ) ແລະ ນັກສຶກສາ 207.830 ຄົນ.
ຄິດໄລ່ຕາມປະເທດ/ເຂດພາກພື້ນແລ້ວ, ຈີນເປັນຊາດທີ່ມີຈຳນວນຄົນໃນຍີ່ປຸ່ນຫຼາຍທີ່ສຸດ - 716.606 ຄົນ, ກວມ 26% ໃນຈຳນວນຄົນຕ່າງປະເທດທັງໝົດໃນຍີ່ປຸ່ນ ແຕ່ກັບຫຼຸດລົງ 7,6% ທຽບກັບໜຶ່ງປີກ່ອນໜ້ານັ້ນ.
ຫວຽດນາມຍືນຢູ່ອັນດັບທີສອງດ້ວຍຈຳນວນ 432,934 ຄົນ, ກວມ 15,7% ແລະ ຫຼຸດ 3,4%. ສາມອັນດັບຖັດໄປແມ່ນປະຊາຄົມຄົນເກົາຫຼີ ກວມ 14,8%, ຟີລິປິນ ກວມ 10,5% ແລະ ເບຼຊິນ ກວມ 7,4% ຕາມລຳດັບ.
ຄິດໄລ່ຕາມແຂວງ/ນະຄອນ, 5 ທ້ອງຖິ່ນທີ່ມີຄົນຕ່າງປະເທດດຳລົງຊີວິດຢູ່ຫຼາຍທີ່ສຸດໃນຍີ່ປຸ່ນ ຊຶ່ງລ້ວນແຕ່ມີການຫຼຸດລົງໃນຈຳນວນຄົນເຫຼົ່ານີ້.
ໂດຍສະເພາະໃນນະຄອນໂຕກຽວ ມີຄົນຕ່າງປະເທດ 531.131 ຄົນ, ກວມ 19,5% ໃນຈຳນວນຕົວເລກທັງໝົດ ແລະ ຫຼຸດ 5,2% ທຽບກັບໜຶ່ງປີກ່ອນນັ້ນ; ແຂວງອາຈິ ມີ 265.199 ຄົນ, ກວມ 9,6% ແລະ ຫຼຸດ 3,1%; ແຂວງໂອຊາກາ ມີ 246.157 ຄົນ ກວມ 8,9% ແລະ ຫຼຸດ 3%.
ແຂວງການາຄາວາ ມີ 227.511 ຄົນ ກວມ 8,2% ແລະ ຫຼຸດ 2,1%; ແລະ ແຂວງໄຊຕາມິ ມີ 197.110 ຄົນ ກວມ 7,1% ແລະ ຫຼຸດ 0,6%. ມີພຽງສອງແຂວງທີ່ມີຄົນຕ່າງປະເທດຄືແຂວງຢາມານາຊິ ແລະ ຊີມານ.
ປີກາຍນີ້ ກໍຕາມຂໍ້ມູນ ISA ເຊັ່ນດຽວກັນນັ້ນ, ຈຳນວນຄົນຕ່າງປະເທດທີ່ຖືກເນລະເທດອອກຈາກຍີ່ປຸ່ນ ທີ່ລະເມີດກົດໝາຍຄຸ້ມຄອງການເຂົ້າ-ອອກເມືອງ ໄດ້ຫຼຸດລົງ 1.328 ຄົນ ເຫຼືອ 4.122 ຄົນ.
ວິລະຊົນ
