ຕາມກົມນຳເຂົ້າ-ສົ່ງອອກ (ກະຊວງອຸດສາຫະກຳ ແລະ ການຄ້າ), ໃນ 2 ເດືອນຕົ້ນປີ 2022, ຫວຽດນາມ ຢືນອັນດັບ 3 ໃນການສະໜອງຢາງພາລາໃຫ້ ສ.ເກົາຫຼີ ບັນລຸ 8,22 ພັນໂຕນ, ເພີ່ມຂຶ້ນ 10,4%, ມີມູນຄ່າ 15,31 ລ້ານ USD. ເພີ່ມຂຶ້ນ 7,9% ເມື່ອທຽບໃສ່ໄລຍະດຽວກັນຂອງປີ 2021.
 |
| ຫວຽດນາມ ຢືນອັນດັບທີ 3 ໃນການສະໜອງຢາງພາລາໃຫ້ ສ.ເກົາຫຼີ. ພາບ: thoidai.com.vn |
ປະຈຸບັນ, ໄທ, ອິນໂດເນເຊຍ, ຫວຽດນາມ, ຈີນ ແລະ ຍີ່ປຸ່ນ ແມ່ນ 5 ຕະຫຼາດ ສະໜອງຢາງພາລາໃຫຍ່ທີ່ສຸດຂອງ ສ.ເກົາຫຼີ. ໄລ່ຮອດທ້າຍເດືອນກຸມພາ 2022, ສ.ເກົາຫຼີ ໄດ້ນຳເຂົ້າຢາງພາລາ 84.200 ໂຕນ (ລະຫັດ HS: 4001, 4002, 4003, 4005), ມີມູນຄ່າ 177,74 ລ້ານ USD, ຫຼຸດລົງ 0,4% ໃນດ້ານປະລິມານ, ເພີ່ມຂຶ້ນ 8,6% ດ້ານມູນຄ່າ ເມື່ອທຽບໃສ່ໄລຍະດຽວກັນຂອງປີກາຍ.
ເປັນທີ່ໜ້າໃສ່ໃຈແມ່ນ, ອັດຕາສ່ວນກວມຕະຫຼາດຢາງພາລາຂອງຫວຽດນາມ ກວມເອົາ 9,8% ຂອງຍອດການນຳເຂົ້າຢາງພາລາທັງໝົດຂອງ ສ.ເກົາຫຼີ, ເພີ່ມຂຶ້ນ 8,8% ເມື່ອທຽບໃສ່ໃນໄລຍະດຽວກັນຂອງປີກາຍ.
ບູນມີ
