ໃນໂອກາດພົບປະຄັ້ງນີ້ສະຫາຍພັນເອກ ພິເສດ ຫວາງໂສກົວ ໄດ້ລາຍງານເຖິງຜົນສຳເລັດໃນ ການສ້າງໂຄງການຫຼັກສູດການ ຮຽນ-ການສອນ ຢູ່ ວປກ ປະຈຳສົກປີ 2018-2019, ຈາກນັ້ນໄດ້ມີພິທີມອບຫຼຽນກາມິດຕະພາບ, ຫຼຽນກາ ວປກ ແລະ ຂອງທີ່ລະນຶກໃຫ້ 5 ສະຫາຍທີ່ສຳເລັດໜ້າທີ່ໃນຄັ້ງນີ້.
 |
ສະຫາຍພັນເອກ ພິເສດ ຫວາງໂສກົວ ແລະ ສະຫາຍ ແກ້ວສຸວັນ ອິນທະວົງສາ ໃນການຕ້ອນຮັບ. (ພາບ: Lao's Army News)
ທັງນີ້ກໍເພື່ອເປັນການຕອບສະໜອງຜົນງານ, ຄຸນງາມຄວາມດີຂອງຄະນະຄູ-ອາຈານ ກອງທັບປົດປ່ອຍ ປະຊາຊົນຈີນ ທີ່ມີຜົນງານດີເດັ່ນ ໃນການປະກອບສ່ວນເຂົ້າໃນ ໂຄງການຫຼັກສູດການຮຽນ-ການສອນຢູ່ວິທະຍາຄານປ້ອງກັນຊາດ ໄກສອນ ພົມວິຫານ ດ້ວຍ ຄວາມຮັບຜິດຊອບສູງ ແລະ ມີຜົນສຳເລັດຕາມແຜນການທີ່ວາງໄວ້. ຜົນງານດັ່ງກ່າວເປັນການເສີມສ້າງສາຍພົວພັນມິດຕະພາບ ຄວາມສາມັກຄີ ແລະ ການຮ່ວມມື ລະຫວ່າງສອງກອງທັບ, ສອງ ຊາດ ລາວ-ຈີນ ໃຫ້ຈະເລີນງອກງາມຍິ່ງໆຂຶ້ນ. ໃນຕອນທ້າຍ ສະຫາຍ ພົນຈັດ ຕະວາ ປອ ແກ້ວສຸວັນ ອິນທະວົງ ສາ ກໍໄດ້ກ່າວສະ ແດງຄວາມຂອບອົກຂອບໃຈພ້ອມທັງຕີລາຄາສູງຕໍ່ຄະນະທີ່ໃຫ້ການຊ່ວຍເຫຼືອໃນຫຼາຍດ້ານຕໍ່ວິທະຍາຄານຂອງພວກເຮົາ ແລະ ອວຍພອນໃຫ້ສະຫາຍພ້ອມດ້ວຍຄະນະເດີນທາງກັບຄືນ ປະເທດດ້ວຍຄວາມສະຫວັດດີ ພາບ ແລະ ປະສົບຜົນ ສຳເລັດໃນໜ້າທີ່ວຽກງານຂອງບັນດາສະຫາຍ.
（ແຫຼ່ງຂໍ້ມູນ： Lao's Army News）
