 |
| ພາບປະກອບ: dangcongsan.vn |
ໃນຖ້ຽວບິນເລີ່ມເດີນທາງ ຈາກ Bucharest (ຣູມານີ) ມີເດັກນ້ອຍທີ່ມີອາຍຸຕ່ຳກ່ວາ 12 ອາຍຸ 71 ຄົນ, ໃນນັ້ນມີ ເດັກນ້ອຍມີອາຍຸຕ່ຳກ່ວາ 2 ປີ 14 ຄົນ. ໄດ້ຍົກຍ້າຍຈາກນະຄອນ Odessa (ຢູແກຼນ), ທ່ານ ຫງວຽນວັນແທັງ ກ່າວວ່າ: “ໃນເວລາສູ້ຮົບພວມເຄັ່ງຕຶງ, ເສັ້ນແດນລະຫວ່າງຄວາມເປັນຕາຍແມ່ນບາງທີ່ສຸດ, ລັດໄດ້ຈັດຕັ້ງບັນດາຖ້ຽວບິນຮັບພໍ່ແມ່ປະຊາຊົນກັບເມືອປະເທດຫຼົບໄພ. ບັນດາຜູ້ຄົນທີ່ຢູ່ຫ່າງໄກຈາກບ້ານເກີດເມືອງນອນຄືພວກຂ້າພະເຈົ້າ ຮູ້ສຶກຕຶ້ນຕັນໃຈທີ່ສຸດ. ພວກຂ້າພະເຈົ້າຂໍສະແດງຄວາມຂອບອົກຂອບໃຈຕໍ່ລັດຖະບານ, ພັກ ແລະ ລັດ ທີ່ໄດ້ສ້າງເງື່ອນໄຂໜູນຊ່ວຍພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດ”.
ຜ່ານຊາຍແດນໂດຍກົງເພື່ອແກ້ໄຂລະບຽບການຕ້ອນຮັບປະຊາຊົນຈາກຢູແກຼນ ແລະ ສັບຊ້ອນ, ຈັດໃຫ້ແກ່ພໍ່ແມ່ປະຊາຊົນຂຶ້ນເຮືອບິນກັບຄືນປະເທດໃນບັນດາຖ້ຽວບິນອົບພະຍົບຫຼົບໄພ, ທ່ານເອກອັກຄະລັດຖະທູດ ຫວຽດນາມ ປະຈຳ ຣູມານີ ດັ້ງເຈິ່ນຟອງ ໄດ້ສະແດງຄວາມຊົມເຊີຍເມື່ອຊາວຫວຽດນາມ ນັບຮ້ອຍຄົນໄດ້ຮັບເມືອປະເທດຢ່າງປອດໄພ.
ທ່ານໃຫ້ຮູ້ວ່າ: ພະນັກງານກະຊວງການຕ່າງປະເທດ ທັງຮັບປະກັນວຽກງານປະຈຳວັນຂອງສະຖານທູດ, ທັງຕ້ອງສຸມໃສ່ເຂົ້າບັ້ນຊ່ວຍເຫຼືອປະຊາຊົນ. ທຸກຄວາມມານະພະຍາຍາມສູງສຸດທີ່ສຳລັບຊາວຫວຽດນາມ ຕ້ອງຫຼົບໄພຍ້ອນການສູ້ຮົບ.
ຕາມການສະຖິຕິແລ້ວ, ປັດຈຸບັນ ມີຊາວຫວຽດນາມ 53 ລ້ານຄົນພວມດຳລົງຊີວິດ, ເຮັດວຽກຢູ່ 130 ປະເທດ ແລະ ເຂດແຄ້ວນ. ປະຊາຄົມນັບມື້ນັບຕິດພັນກັບບ້ານເກີດເມືອງນອນ ແລະ ກາຍເປັນແຫຼ່ງກຳລັງທີ່ສຳຄັນອັນໜຶ່ງປະກອບສ່ວນເຂົ້າໃນການພັດທະນາປະເທດຊາດ. ເຖິງຢ່າງໃດກໍຕາມ, ຊີວິດການເປັນຢູ່ຂອງຊາວຫວຽດນາມ ອາໄສຢູ່ບາງທ້ອງຖິ່ນຍັງຫຍຸ້ງຍາກ. ສະນັ້ນ, ການປົກປ້ອງພົນລະເມືອງ, ນິຕິກຳຂອງຫວຽດນາມຢູ່ຕ່າງປະເທດ ຍາມໃດກໍ່ໄດ້ຮັບການຖືເປັນສຳຄັນຢ່າງຍິ່ງຂອງພັກ ແລະ ລັດ.
ບັນດາອົງການຕາງໜ້າໄດ້ສົມທົບກັນຢ່າງແໜ້ນແຟ້ນກັບບັນດາອົງການພາຍໃນປະເທດ ເພື່ອປະຕິບັດວຽກງານປົກປ້ອງພົນລະເມືອງໃຫ້ເປັນຢ່າງດີ; ປຶກສາຫາລືຢ່າງຕັ້ງໜ້າກັບອຳນາດການປົກຄອງທ້ອງຖິ່ນເພື່ອຊອກຫາວິທີແກ້ໄຂທີ່ເໝາະສົມໃຫ້ແກ່ພົນລະເມືອງ; ລະດົມການນຳທ້ອງຖິ່ນ ສ້າງເງື່ອນໄຂສະດວກໃຫ້ພົນລະເມືອງຂອງພວກເຮົາດຳລົງຊີວິດ, ຮ່ຳຮຽນ ແລະ ດຳເນີນທຸລະກິດຢ່າງຖືກຕ້ອງຕາມກົດໝາຍ; ລະດົມບັນດາສະມາຄົມຊາວຫວຽດນາມ ຕັ້ງໜ້າໜູນຊ່ວຍວຽກງານປົກປ້ອງພົນລະເມືອງ…
ບຸນຄົງ
