ເດືອນ ທັນວາ 1994, ຢູ່ສຳນັກງານໃຫຍ່ສະຖານທູດຫວຽດນາມ ປະຈຳ Bucharest, ຊາວຫວຽດນາມ ອາໄສຢູ່ທີ່ນີ້ໄດ້ເຕົ້າໂຮມ ແລະ ສ້າງຕັ້ງສະມາຄົມຊາວ ຫວຽດນາມ ຢູ່ ຣູມານີ ດ້ວຍຈຸດໝາຍໜູນຊ່ວຍເຊິ່ງກັນ ແລະ ກັນໃນຊີວິດ; ເພີ່ມທະວີຄວາມສາມັກຄີ, ສະໜິດຕິດພັນໃນປະຊາຄົມ ແລະ ອະນຸລັກຮັກສາບັນດາຈຸດວັດທະນະທຳທີ່ເປັນມູນເຊື້ອຂອງຊາດ.
 |
| ປະຊາຄົມຊາວຫວຽດນາມ ອາໄສຢູ່ ຣູມານີ ມອບອາຫານໂດຍບໍ່ເສຍຄ່າໃຫ້ຊາວຫວຽດນາມ ອົບພະຍົບຈາກ ຢູແກຣນ. ພາບ: vov.vn |
ເມື່ອຫາກໍ່ໄດ້ຮັບການສ້າງຕັ້ງ, ສະມາຄົມດັ່ງກ່າວມີສະມາຊິກພຽງ 15 ຄົນ. ນັບແຕ່ເມື່ອໄດ້ຮັບການສ້າງຕັ້ງ, ສະມາຄົມໄດ້ມີການເຄື່ອນໄຫວຢ່າງຕັ້ງໜ້າ, ຂະຫຍັນຂັນເຄື່ອນ, ມີຫົວຄິດປະດິດສ້າງ ແລະ ພັດທະນາຢ່າງບໍ່ຢຸດຢັ້ງ, ຄ່ອຍໆກາຍເປັນເວທີປາໄສທີ່ມີປະໂຫຍດ, ເປັນສະຖານທີ່ດໍາລົງຊີວິດລວມຂອງຊາວ ຫວຽດນາມ ອາໄສຢູ່ ຣູມານີ.
ມາຮອດປະຈຸບັນ, ປະຊາຄົມຊາວຫວຽດນາມ ໄດ້ເຊື່ອມໂຍງຢ່າງເລິກເຊິ່ງ ເຂົ້າໃນຊີວິດສັງຄົມຣູມານີ, ພ້ອມທັງມີການປະກອບສ່ວນຢ່າງໃຫຍ່ຫຼວງເຂົ້າໃນ ການພົວພັນທີ່ເປັນມູນເຊື້ອລະຫວ່າງສອງຊາດ ຫວຽດນາມ ແລະ ຣູມານີ.
ບູນມີ
