| ເວທີປາໄສການໄປສຶກສາຢູ່ຕ່າງປະເທດ ເຊັກໂກ ເປີດໂອກາດການຮຽນຮູ້ໃຫ້ຊາວໜຸ່ມ ຫວຽດນາມ | |
| ໂຄສະນາວັດທະທຳຫວຽດນາມ ເຖິງຜູ້ຕາງໜ້າບັນດາອົງການທູຕານຸທູດຕ່າງປະເທດປະຈຳສ.ເຊັກໂກ |
 |
| ທ່ານ Jan Schillerເຈົ້າແຂວງ Ústecký ມອບຂອງຂວັນໃຫ້ແກ່ 12 ໜ່ວຍສະມາຄົມຊາວຫວຽດນາມ |
ທ່ານເອກອັກຄະລັດຖະທູດ ຖ້າຍຊ່ວນຢຸງ ໄດ້ຮັບຮູ້ ແລະ ຕີລາຄາສູງຄວາມຮັບຜິດຊອບ ແລະ ນ້ຳໃຈຄວາມສາມັກຄີ, ຄວາມມຸ່ງມາດປາດຖະໜາ ໃນການຜ່ານຜ່າຄວາມຫຍຸ້ງຍາກຂອງປະຊາຄົມຊາວ ຫວຽດນາມ ຢູ່ ສ.ເຊັກໂກ. ເຖິງວ່າຈະໄດ້ຮັບຜົນກະທົບຢ່າງໜັກໜ່ວງ ຈາກການແຜ່ລະບາດຂອງພະຍາດໂຄວິດ-19, ແຕ່ປະຊາຊົນລ້ວນແຕ່ສະແດງບັນດາຄວາມໝາຍອັນສູງສົ່ງໃນການຮ່ວມມື ແລະ ໜູນຊ່ວຍທັງດ້ານຈິດໃຈ ແລະ ດ້ານວັດຖຸໃຫ້ແກ່ອຳນາດການປົກຄອງທ້ອງຖິ່ນ ແລະ ປະຊາຊົນໃນທົ່ວປະເທດ ເພື່ອຕ້ານພະຍາດລະບາດ.
ເນື່ອງໃນໂອກາດນີ້, ທ່ານເອກອັກຄະລັດຖະທູດ ໄດ້ສະແດງຄວາມຂອບອົກຂອບໃຈ ຕໍ່ລັດຖະບານ ແລະ ປະຊາຊົນສາທາລະນະລັດ ເຊັກໂກ ເວົ້າລວມ, ມາຍັງເຈົ້າແຂວງ Ústecký ທ່ານ Jan Schiller ແລະ ບັນດາອົງການໃນແຂວງ Ústecký ທີ່ມີຄວາມເອົາໃຈໃສ່ສ້າງເງື່ອນໄຂສະດວກ, ຊ່ວຍເຫຼືອປະຊາຄົມຊາວຫວຽດນາມ ໃນແຂວງ Ústecký ເພື່ອດໍາລົງຊີວິດ, ດໍາເນີນທຸລະກິດ ແລະ ການເຊື່ອມໂຍງໃນທ້ອງຖິ່ນ.
ກ່າວຄຳເຫັນທີ່ພິທີ, ເຈົ້າແຂວງ Ústecký, ທ່ານ Jan Schiller ແລະ ປະທານຄະນະກຳມະການຊົນເຜົ່າສ່ວນໜ້ອຍ, ທ່ານນາງ Karolina Zakovska ໄດ້ສະແດງຄວາມຮັກແພງຕໍ່ປະເທດຊາດ ແລະ ປະຊາຊົນ ຫວຽດນາມ, ມີຄວາມປະທັບໃຈຕໍ່ປະຊາຄົມຊາວຫວຽດນາມ ຢູ່ແຂວງ Ústecký ຜ່ານບັນດາກິດຈະກໍາທີ່ເປັນປະໂຫຍດຫຼາຍຢ່າງ ທີ່ຊຸມຊົນໄດ້ປະຕິບັດໃນເວລາທີ່ຜ່ານມາ.
ສະມາຄົມຊາວຫວຽດນາມຢູ່ແຂວງ ໄດ້ອຸປະຖຳເງິນສົດເຖິງ 800.000 Kuron ເພື່ອໜູນຊ່ວຍໂຮງໝໍແຂວງ ໃນການຊື້ເຄື່ອງຊ່ວຍຫາຍໃຈເພື່ອປິ່ນປົວພະຍາດໂຄວິດ-19. ການກະທຳດັ່ງກ່າວ ໄດ້ສະແດງໃຫ້ເຫັນຢ່າງຈະແຈ້ງເຖິງຄວາມຮັບຜິດຊອບ ແລະ ຄວາມສາມັກຄີຂອງປະຊາຄົມ ຫວຽດນາມ ກັບປະເທດ ແລະ ສັງຄົມເຊັກໂກ. ແຂວງໃຫ້ຄຳໝັ້ນສັນຍາວ່າ ສືບຕໍ່ສົມທົບກັນ ແລະ ໜູນຊ່ວຍປະຊາຄົມຊາວຫວຽດນາມ ໃນແຂວງ ໃຫ້ນັບມື້ນັບເຊື່ອມໂຍງເຂົ້າກັບຊີວິດຂອງທ້ອງຖິ່ນຢ່າງເລິກເຊິ່ງກ່ວາອີກ.
ໂດຍໄດ້ຮັບຮູ້ບັນດາການປະກອບສ່ວນຢ່າງຕັ້ງໜ້າ, ແທດຈິງ ແລະ ມີປະສິດທິຜົນຂອງປະຊາຄົມຊາວຫວຽດນາມ ອາໄສຢູ່ Ústecký ໃນການປ້ອງກັນພະຍາດໂຄວິດຢູ່ທ້ອງຖິ່ນໃນໄລຍະຜ່ານມາ, ທ່ານເຈົ້າແຂວງ ໄດ້ມອບໃບຍ້ອງຍໍ ເພື່ອສະແດງຄວາມຂອບອົກຂອບໃຈຕໍ່ 12 ສາຂາສະມາຄົມຊາວຫວຽດນາມ ໃນແຂວງ ແລະ ພິທີມອບລາງວັນກິດຕິມະສັກ - ລາງວັນສູງສຸດຂອງແຂວງ Ustecky ໃຫ້ແກ່ຄະນະບໍລິຫານງານສາຂາສະມາຄົມຊາວຫວຽດນາມ ຢູ່ໃນແຂວງ./.
ຄຳຮຸ່ງ
